السلام عليكم
هلا كروشااااات فديتكم

حبيت ابشركم اني ولدت ولله الحمد يوم الثلاثاء 14/2
وجبت قمر 14 فديتها نوارة حياتي


وتعالو اعلمكم قصة ولادتي :

طبعا الدكتور حدد لي السبت طلق صناعي لان كان عندي تكلس بالمشيمه وكنت خايفه عالجنين كثير وعطاني مواعيد تخطيط للجنين يوميا عشان يتطمن عالجنين راجعت يومين وبعدها ما رحت لاني الحمدلله كنت احس بحركة الجنين وقلت ما في داعي..
يوم الاحد بديت احس بطلق خفيف وتجاهلته وطبعا قايله مستحيل اكرر غلطتي بحملي الاول رحت لهم وانا توي واحد سانتي وتعذبت عذااااب الى ما ولدت ..

هالمره قلت اذا تقارب الطلق رحت..
والحمدلله ربي سهلها علي
يوم الاثنين زاد الطلق بي قلت اقدر اتحمل وزوجي مسكين يقول خلنا نروح نتطمن قلت اقدر اصبر قال بس نتطمن فكرت فيها وخفت قلت يمكن يكون الرحم فاتح خل اروح اشوف..

رحت وقالت لي فاتح واحد سانتي قلت مع السلامه..
طلعت ورحت للبيت وبديت اشتغل واخلص اشغالي وغسلت ثيابنا وضبطت امور البيت وما خليت شي ما سويته وبدا الطلق يزود وانا كل ما احس فيه اتخبى عن زوجي وابدا اتعصر لانه لو شافني بياخذني غصب عني..

المهم نومت ولدي وجهزت شنطته على اساس اوديه عند خالتي..
وجهزت شنطتي وشنطة البيبي حقات المستشفى..

شربت لي كوب قرفه دافي مع اني مو مقتنعه فيه بس قلت يالله خل اجرب وبالاساس كان فيني طلق وقوي بس قلت اخذ شي دافي وانام لي شوي

وبالفعل دخلت غرفتي طبعا حاولت انام بس كل ما يجيني الطلق ادفع بقووووه واحاول ما اطلع صوت ابد عشان زوجي ما يحس علي وانا بموت من الالم
واطلع بالصاله واتحرقص من الالم
على امل تنزل مويه او دم ولا فيه امل ابد بس طلق يذبح والبرد زايد الطين بله

وكل ما يخف ادخل انسدح وبديت احسب فترات الطلق الى ما تقاربت الصبح كثييير قمت صليت الفجر ودخلت المطبخ وغسلت كم شي ورتبت امور بالبيت
وصبرت الى الساغه 9 وقومت زوجي قلت خلااااص ما اقدر اتحمل وقام ولبس وراح يودي حمودي فديته بيت الاهل لاننا جنبهم
وانا لبست عباتي وطيران عالمستشفى

يوم وصلت قاست الرحم وقالت 3 سانتي لازم تنويم قلت يالله ربي يسهل ورقيت لشك الولاده وكل ما يجيني الطلق ادفع بقووووووووووووه بعد نص ساعه جت الدكتوره تقيس قالت 5 وكل ما يجيني الطلق دفععععععععععععععععع بدون ما اصارخ ولا اطلع صوت بس كنت اردد

لا اله الا انت سبحانك اني كنت من الظالمين

وبعدها قاست قالت 6 ونص والله يابنات ما شاء الله كل نص ساعه يفتح اكثر وعقبها 7 ونص وفجرت المويه وقالت يالله عالولاده
دخلت وقالت ادفعي وادفع لي مرتين وانزلت احلى قمر
الحمدلله رب العالمين ربي سهلها علي
بنات ادري طولت عليكم بس عندي لكم نصايح واتمنى تتبعونها عشان تتسهل الولاده :

اولا توكلي على الله وادعي واستغفري قد ما تقدرين

ثانيا لا تخافووون ابد ولا تتنرفزون ولا تصارخون كل هذا يشد الاعصاب ويمنع الرحم من انه ينفتح

ثالثا استرخو قد ما تقدرون حتى وقت الكشف ارخي نفسك قد ما تقدرين ما راح تحسين بشي ابد
ومع الكشف تراها توسع لكم الرحم

رابعا لما تحسون بالطلق ادفعو قد ما تقدرون ولا تصارخون ابد خلي قوة الصرخه بالدفع

ربي يسهلها عليكم ويهون الطلق ويرزقكم العطاء الصالح السليم المعافى ويرزق كل المحرومين اللهم امين

ماشاء الله تبارك الرحمن عليكي قوية واعصابك باردة لو انا مابقدر اعمل شي من الرعب ههه
الف الف مبروك وتتربي بعزك يارب

وتشوفيها عروس ومتل القمر

والف الحمد لله عسلامتك

الف مبررررروووووك والحمد لله على السلامة

الف الف الف مبروووووووووووووووووووووووووووووووووووووووووووووك الله يجعلها من مواليد الخير والبركة ويقر عينك فيهاا انتي وابوها وتكون من البارين الطائعين والف الف الحمدلله على سلامتكم حبيبتي

ماشاء الله تبارك الله الف مبروك والحمد لله على سلامتك وسلامة الأمورة جعلها ربي من مواليد السعادة وتشوفيها عروس

ماشاء الله ربنا يبارك لك فيهم
وحمد لله على السلامه
وادعيلى ربنا يرزقنى باخوات لبنتى

حمد لله على سلامتك
وجزاكي الله كل خير على نصايحك الجميلة
وربنا يجعلها من الصالحات يارب
شو اسمها؟

الف مبروووك وانشاء الله تفرحي فيها يارب انتي وابوها ويجعلها باره بيكي وبابوها وتقيه وصالحه ويخليليك اخوها يارب عقبالي وعقبال الحوامل الباقيات

ما شاء الله عليكي

الله يجعلها من الصالحات و يقر عينك فيها

كل من مرت وباركت من اخواتي الغاليات
الله يجزاكم الجنه
ويحقق كل امانيكم
ويثبت حملكم ويرزقكم الذريه الصالحه

ويرزق كل المحرومين
اللهم امين

سميتها
نوره