بعرف غلبتكم بس بدي تساعدوني تخيلو هاد الحمل التاني بس مش عارفة هلا زي ما بتعرفو انا بالسابع والراس نازل لتحت المشكلة الي من اول الشهر السابع بحس بلسعات قوية من تحت كانه عنق الرحم بفتح وبتوسع ما حسيت هيك بولادتي الاولى فكركم عنجد بصير توسع ومش قادرة امشي تقل كتير من تحت طبعا غير الشد.

حبيبتي الله يسهلك الحمل والولاده
تاني اشي لازم تروحي عند دكتورك عشان يشوف ازا فعلا عنق الرحم مفتوح او لا
وازا مفتوح عشان يعطوكي العلاج المناسب عشان ما يصير عندك مضاعفات ..

بسس انا رحت للدكتورة واذا بدها تعرف مفتوح او لا ، لازم تعمل فحص داخلي وصعب بالسابع بتخاف يكون مسكروتساعد على فتحه والله محتارة يعني فكرك اللسعات هادي يعني بفتح؟

لالالا حبيبتي .. هاي اللسعات من الحمل وهاد يعتبر طلق بارد ...
وشي طبيعي بالشهر السابع تحسي بثقل من تحت وكانه الجنين بدو يطلع ...
بحمللي ببنتي والله كنت اخاف اسكر رجليا من كتر ما كنت احس انها تحت .. كنت اخاف ااذيها .... ( مجنونه )
والحمد لله ولدت بالاسبوع ال 40 ...

شي طبيعي بشهر السابع
تبتدي عندك تقلصات ولسعات
تحضيراً للولادة حبيبتي
كلنا بيحصل لنا هيك بالحمل وخصوص الاشهر الاخيرة
اسئل الله ان يسهل ولادتك
ويرزقك طفل سليم معافى

حبيبتي ان شاء الله ما يكون الا كل خير وتولدي قي موعدك بالتاسع ان شاء الله
بس معلومه صغيره عنق الرحم بيبان من السونار اذا كان متوسع او مقفول مش لازم كشف ابدا انا زيك بالسابع ودكتورتي بتابع بالسونار فقط وكل مره تطمني على عنق الرحم

بسم الله الرحمن الرحيم
الحمد لله والصلاة والسلام على رسول الله

السلام عليكم ورحمة الله وبركاته
اختي الغالية حفظك الله

من الشهر السابع وحتى الولادة باذن الله يتهيأ الرحم وأربطته للولاده أما الجنين فتختلف وضعيته إلى وضع الرأس في الحوض في أواخر الشهر التاسع
وأنتي ولله الحمد جنينك قد اتخذ وضعية الولادة مما يفسر الألم والثقل أسفل الحوض الذي لديكي
أما اللسعات فهي أمر طبيعي
أما عن اتساع عنق الرحم فقد يتسع مقدار بسيط ولا يعني شيئا دون طلق منتظم
أسأل الله العظيم أن ييسر ولادتك وكل حامل ’’’’’

أختك أم يوســـــ وأحمد ــف

ما قصرتو شكرا الكم كتير.

.
.

عادي يا عزيزتي

جاتني هاللسعات على حملي الاخير

وكنت مثلك خايفة

الين قالتلي الدتورة انه امر طبيعي

الله يتمملك على خير

.
.

ماعليكي شر ان شاءالله