السلام عليكم ورحمت الله وبركاتو
حبيباتي انا عارفة انو موضوعي موجديد بس حبيت كل البنات ينضحو بما في داخلهم من تجارب عملوها بنفسهم او استخدمها احد من قريباتهم ونفعت معاهم ارجو تكونو فهمتو الموضوع وتستفيدو منو يعني انا مثلا


حبدء بعلاج للحمل
انا بعد ولدي قعدت اربع سنين ماولدت وفي دي الفترة حصل معاية اسلابات وحصل معاية حمل خارج الرحم والحمدلله على كل حال ولما تاخر الحمل نصحتني حرمة بىالميرمية وعن جد جربتها والحمدلله
طريقت استخدامها
هي عبارة عن ورق زي النعناع ناشف اواخضر وغالبن موجود ناشف من عند العطار
يغسل ويطبخ زي الشاهي ويشرب على الريق من تاني يوم الدورة الين اليوم التاسع وتوقفي تبدئي الجماع يوم بعد يوم الين اليوم العشرين وفي اليوم الثالث والعشرين تحللو وان شاءالله تطلعو حوامل انا في بنتي الاولى ماشاءالله بعد مااستخدمتها على طول حملت واخدت مثبتات الين الشهرالثالث وكملت عادي على الفيتامينات وولدت بسلامة وتجربتي لتسهيل الولادة
في بدايت الشهر التاسع بيوم اغلي كف مريم وانقعو واصفي واحلي بلعسل كل يوم اشربو في الصبح وامسا الين جاني الم الطلق ونزلت السدادة كشفت وطلع مفتوح واحد سانتي وقفت كف مريم وبدئت اغلي الميرمية واشربها زي الشاهي واحليها بلعسل طول اليوم وكل ماجاني الالم وكنت امشي كتير وما شاءالله ماكان عندي الم وحسيت بهدوءرحت كشفت قالتلي الدكتورة عندك ولادة وانتي موحاسة اتوكلت على الله وكملت شرب الميرمية واكلت معاها تمر ومن اول مابدى الطلق حق نزول الراس ماتاخرت اكترمن ربع ساعة والحمد لله هادي تجربتي بامانة واتمنى تستفيدو وتقولولنا تجاربكم

مشالله عليكي يا صدى الاطلال
موضوع كتير مفيد وانا عن نفسي بغلي مرميه بايام الدوره كتير تريح وتنزل كل شي
والحين بشرب منها وانا حامل وعلى وشك الولاده

انا بالنسبة للحمل والحمدلله بعد من الله وفضله ماشاء الله ربي يخليلي مشيت ع الميرمية والإستغفار والحمدلله ربي يحفظلي


وبالنسبة للطلق كنت اشرب العسل والكمون وامشي ماشاء الله وكمان الميرمية
والحمدلله

واما بالنسبة للنفاس كنت استخدم القرض والمر وآخر ايام النفاس كنت اتحمل بالمر والعسل تخرج كل البلاوي وتضيق ممتازة

وكمان الفلفل الأبيض خليه يدخل في الأكل وربي ممتاز للتضيييق برضه قالتلي عليه اندونيسية


وتسلمي ياقلبي للموضوع العسل ×عسل

جزاك ِ الله خيراً

كتبت بواسطة أريس

مشالله عليكي يا صدى الاطلال
موضوع كتير مفيد وانا عن نفسي بغلي مرميه بايام الدوره كتير تريح وتنزل كل شي
والحين بشرب منها وانا حامل وعلى وشك الولاده

الله يتمملك على خير حبيبتي اريس ويقومك بسلامة ولا تنسي تقري موضوعنا عن المرة بعدالولادة

كتبت بواسطة الشريفة نوارة

انا بالنسبة للحمل والحمدلله بعد من الله وفضله ماشاء الله ربي يخليلي مشيت ع الميرمية والإستغفار والحمدلله ربي يحفظلي


وبالنسبة للطلق كنت اشرب العسل والكمون وامشي ماشاء الله وكمان الميرمية
والحمدلله

واما بالنسبة للنفاس كنت استخدم القرض والمر وآخر ايام النفاس كنت اتحمل بالمر والعسل تخرج كل البلاوي وتضيق ممتازة

وكمان الفلفل الأبيض خليه يدخل في الأكل وربي ممتاز للتضيييق برضه قالتلي عليه اندونيسية


وتسلمي ياقلبي للموضوع العسل ×عسل

مشكورة حبيبتي الشريفة نوارة الف شكر على مرورك الكريم وان شاءالله باقي الاخوات يفيدونا وينورونا بمرورهم الكريم مشكورة حبيبتي

كتبت بواسطة ام مرمر و ليلو

جزاك ِ الله خيراً

شكرا على مرورك السريع حبيبتي وننتضر تجاربك بارك الله فيكي

حبيباتي انا جربت لتطهير رائحت المنطقة الحساسة وتضيقها
جيبي وقت الدورة الزنجبيل وابشري من خامس يوم الدورة يطهر الرحم وينضفو وتحسي بلانتعاش ويقلل الافرازات بعد الدورة
وجربت في ايام الحمل لما تزيد معاية الافرازات وتكون لها رائحة غريبة بس مالها حكة تقول الدكتورة طبيعي موالتهابات جربت الملح الخشن انقعو في موية حارة واخلي يدفا واتشطف بي وانشف بعدو بلمنشفة واحط بدرت اطفال صدقوني طول داك اليوم تلاقي ريحتك منعشة وحطي البودرة بعد الاستحمام وبعد ماتنشفي على باطك وتحت سدرك وبين بطنك والعانة وعلى العانة حتحسي بانتعاش كبير وماتشمي طول النهار ولاتحسي بعرق هادي تجربتي ولي عودة بتجربة جديدة بس حابة ادي الحلوين فرصة يجيبولنا تجاربهم

معلومات رائعة تسلم الايادي فين الباقيين؟؟؟


اكيد بيعرفو الكتير وحيفيدونا

مشكورة حبيبتي الشريفة على تواصلك معاية البقية مشغولين بلامتحانات الله يوفقهم ولما يخلصو اكيد ماينسونا من تجاربهم
وبنسبة لتضيق انا بعد ولادتي التانية شقتني الدكتورة على جنب وخفت كتير من العجان انو بعد الشق هادا مايلحم وممكن يكون واسع على العموم استخدمت المرة والمرة مع العسل واستنيت وقت الجماع لقيت الامور مومرة مي المية خصوصن الحم انواع في بنات لحمها بيدفن بسرعة مع المرة تزبط على العموم سالت الخدامة الي عندي قالتلي ماما في في البقالة الاندنوسية طبشيرة زي الصباع ترجعك كانك بنت ما صدقتها لاكن عشان اقتنع قلت اجرب رحت اشتريتها ومكتوب قبل الجماع بنص ساعة تحطيها جوت المهبل وتحركيها وماتشطفي بعدها وتروحي عاد على غرفت النوم وتجربي والله يابنات قفلت الدنيا نهائي حسيت كاني في يوم الدخلة وكمان هي مصنوعة من ملح فارسي وشب وملح ليمون وبودرة المهم ماهي مضرة بلمرة بس مشكلتها الحامل ماتستخدمها لانها بتدخليها جنب الرحم وهي عبارة عن مواد قابضة ممكن تسبب فتح الرحم الافضل تستخدم عادي في اوقات بعد الدورة بدون حمل وان شاءالله تجربوها وتدعولي وما خلصت عندي تجارب تانية مستنية ردودكم