السلام عليكم ورحمة الله وبركاته
انا ولدت طفلى الاول يوم 25/5/2010 .. هو توفى بعدها بـ 9 ايام .. ورحت للدكتور وسألته ان كنت استنى شوية ولا لأ ( اخد وسيلة منع حمل ) قالى لآ بلاش
ف سبت نفسى من غير وسيله وخصوصا ان زوجى بيسافر شهر ويجى شهر ف قلت اهى دى تعتبر وسيله ( نوعا ما يعنى ) .. جيت بعدها وحملت ف شهر 9 اللى فات .. بعنى تقريبا بعد الولاده بـ 3 شهور .. بس برضو للأسف محصلش نصيب ونزل الجنين وانا فى الشهر التالت اى فى شهر 12 وتحديدا يوم 14/12 والدكتور عملى تنضيف بعده .. وبرضو لما سألت الدكتور قاللى .. الحمل دا تقريبا مكملش واعتبريها كــ دوره متاخره وخلاص وبرضو متاخديش وسيله
المهم امبارح بالليل حسيت بألم فى بطنى زى الم الدوره ولما صحيت م النوم النهارده لقيت حاجه زى اللى بتنزل فى بداية الدوره ..
ف قلت يمكن جت ( مع العلم انى لما سألت الدكتور احسب الدوره من اى يوم قاللى احسبيها من يوم ما نزل الجنين اللى هو 14 فى الشهر وكدا يعنى ) .. ف لما عدى اليوم بطوله دخلت اغير الفوطه (اعزكم الله ) لقيت الدم لونه مش طبيعى .. ولقيته تقريبا مايل للسواد دا ان مكانش اسود ولقيت فيه قليل اوووووووى منو احمر والباقى كلو اسود
هل دا يعتبر كان حمل ونزل ولا ايه ؟؟
ولو حمل اعمل ايه ؟ .. واخد وسيله ولا اسمع كلام الدكتور وما اخدش حاجه ؟
بالله عليكوا ساعدونى وطمنونى
الروابط المفضلة