واما بنعمه ربك فحدث
اخواتى السلام عليكم ورحمه الله وبركاته
غبت عنكم فتره طويله وطوال تلك المده وانا افكر اكتب ايه لما ارجع لكم
فيكم اللى يعرفنى وفيكم اللى ميعرفنيش
فيكم اللى حامل واللى منتظره الحمل
يارب يتمم على كل حامل حملها ويرزق كل منتظره يارب الحمل السليم المعافى كامل الخلق والخلقه
انا حابه احكى عن حكايتى
كنت حابه اصبر لغايه لما اولد ولكن بصراحه معنديش صبر وكمان طمعانه فى انكم تدعولى كلكم ان ربنا يثبت حملى ويكمله على خير ويجعله كامل الخلق والخلقه يارب
اخواتى اللى يعرفنى منكم هيعرف انى مريضه ذئبه حمره متزوجه من عام زوجى يعانى من الدوالى ورفض انه يروح لاى دكتور ودماغه نشفه جدااااااااااااااااااا
بالنسبه لى بعض الدكاتره قالوا ان عندى ضعف تبويض وده نتيجه ادويه مرض الذئبه الحمره والبعض الاخر قالى انى كويسه
ولكنى عمرى ما ارتحت على طول بدخل نت وعلى طول مستعجله وفشلت كل الطرق معايا حتى الكلوميد والابر التفجيريه مجبتش نتيجه
كنت بدخل كل ما اقرا موضوع الاقى الاخوات بتقول الاستغفار والصدقه
استغفر يوم وانسى يوم وكده يعنى
لغايه ما فى يوم قررت انى اخد الموضوع جد واقف بباب ربنا اللى عمرى ما وقفت عليه وخذلنى ابدا والحمد والشكر لله
تصدقت بحاجات غاليه على والتزمت الاستغفار طوال اليوم حافظت على الصلوات فى ميعادها
وضعت على الموبايل سور قرآن وعلى طول السماعه فى اذنى وانا فى اى مكان حتى فى المواصلات والله يا بنات ربنا رزقنى اسرع مما كنت اتخيل
كل اللى عايزاه منكم تدعولى بالثبات وان ربنا يتمم حملى على خير وجنينى ميتاثر بالمرض اللى عندى
الدكتور قالى الحمل ضعيف بس ثقتى فى ربنا كبيره
وماشاء الله كان ومالم يشأ لم يكن
متنسونيش من دعائكم
رد مع الاستدلال
الروابط المفضلة