زيادة ماء الراس لدى الجنين

ليست لدي خلفية على الموضوع حبيت فقط ادعيلك الله يقوك بالسلامة و يرزقك طفلا سليما معافى يا قادر يا كريم
الله يكتبلك الي فيه الخير

ما عندى علم الله يشفيه يا رب
بس حبيت ارفع الموضوع

اختي انا عندي نفس حالتك بس انا معملتش اي تحاليل
والله قلبي موجوع من يوم ما قالولي الموضوع ده
بس الدكتوره طمنتني و قالتلي انو الماء بيصرف في الشهر السابع
مش عارفه بتطمني بس ولا ايه ؟؟
ان شاء الله مافيهم الا الخير يارب
ربنا يطمن قلوبنا يارب
وخلينا نتفائل ان شاء الله مايكونش عندهم اي مشاكل يارب
ويقر عيوننا بيهم اسوياء وبصحه وعافيه يارب

انا سمعت كثير حالات نفس حالت جنينك
وطبعاً الام تضل قلقانة
بس صدقيني كلهم والحمد لله بعد الولدة طلع كل شي طبيعي
والطفل سليم 100%
همة بس شوية يهولو الموضوع
لاتخافي
والحمد لله انه تائج فحوصاتك كلها سليمة لاتقلقي وادعي ربنا كثيررررررررررر
واسئل الله ان يرزقك وكل حامل
طفل سليم معافى خالي من كل عاهة او مرض

أختى الكريمه
الحمد لله ان كل فحوصاتك طلعت سليمه
أنصحك انك تتابعى الكشف كل شهر فى المستشفى اذا امكن اللى فى احتمال تولدى فيها ومن الكشف ح تعرفى اذا كانت الميه بتزيد ولا بتقل وهل هى موجوده فى اى جهه من الفص الآيمن او الآيسر من المخ ..... بصى مفيش دواء او علاج تقدرى تأخدى اثناء الحمل مفيش غير المتابعه لحد ما تولدى ان شاء الله وربنا يتمملك حملك على خير
بعد الولاده ممكن شفط الميه اللى فى المخ عن طريق الفتحه اللى فى الراس اللى بتكون عند الآطفال فى مقدمه الراس او الخليفه وبتابع بعد كده مع الدكتاتره
شوفى وجود الميه فى الراس عن الحد المطلوب بيضغط على انسجه المخ فى مكان معين فى المخ وتزايد الميه فى مكانها ممكن يؤدى الى ضمور خلايا المخ اللى المفروض تنمو مكان الميه
والآنسجه المخ هى المسئوله عن النمو العقلى والحركى للطفل ومحدش من الدكتاتره دلوقتى اثناء الحمل يقدر يحدد اى شىء
المشكله اللى بتواجه الام لما تكون حامل فى طفل عنده ميه فى الراس ان محيط الراس بيكبر اذا استمر لحد نهايه الحمل وده بيؤدى الى صعوبه الولاده الطبيعيه لكبر حجم ومحيط الراس
الموضوع ده انا عاصرته بنفسى كمان قرات عنه كتير و فى واحده صديقه لى كانت حامل فى بنت وعندها ميه فى المخ
انا عارفه وعيشت احساسك ومدى خوفك على جنينيك وانتى عايزه تعرفى ايه اللى ممكن تعمليه علشان تنقذى جنينك وتشوفى فى اتم صحه واحسن حال بس صدقنى مفيش دواء ولا اكل معين للقصه ده

اللى اقدر اقولك عليه لا تقلقى ولا توترى نفسك اهم شىء الراحه النفسيه للحامل لها تاثير السحر .... اقراءى قران وصلى كتير واسجدى واسالى ربنا الشفاء من عنده حاولى تقرائى صوره البقره مره فى الآسبوع
ودايما عطرى لسانك بالآستغفار ودعاء التالى
الللهم انى لا اسألك رد القضاء ولكنى ااسالك اللطف فيه
وعلى فكره فى حوامل ربنا يجزيهم خير والميه ده بتقل شويه شويه والمخ بيكمله نموه أثناء الحمل بشكل عادى
خلى بالك ان المخ يكمل نمو انسجته على مدار عام كامل بعد ولاده الطفل وده الآم بتلاحظه لما الفتحه اللى فى مقدم الراس اوفى الخلف بتتفقل لما الطفل يكمل عامه الاول
انا كانت دكتورتى قالت لى انها كان عندها حاله حامل فى طفل كان دماغه كلها ميه لما بيشوفها فى السونار وقليل كده نسيج المخ ولما اتولد عمل عمليه الشفط و يا سبحان الله على قدره ربنا نما نسيج المخ بشكل طبيعى جدا والبنت دلوقتى سليمه و طبيعيه ودخلت مدرسه عاديه وتمارس حياتها بشكل عادى
كمان صحبتى كانت فى الحال والميه قلقت شويه بشويه على مدار شهور الحمل واتولد الطفل بقليل من الميه والدكتاتره قالوا مادام الميه بتقل مش لازم نعمل عمليه شفط وفعلا الطفل على 6 شهور كان طبيعى والميه الزياده اختفت تماما
اعتذر لو كلامى كان صعب شويه لكنى حبيت اوضحلك الصوره بكل جوانبها الحلوه والوحشه
ما عليك الآ قراءه القران هو شفاء والدعاء وربنا يتمملك حملك على خير ويقر عينك بطفلك سليم معافى ما فيه الآ كل خير ...
ربنا بهيىء ويقدر الخير لكى ولينا ولكل الحوامل قادر يا كريم يا رب

حبيبتى انا معرفش فى الموضوع دا بس حابة ادعيلك يارب يرزقك الطفل السليم المعافى

نصيحة : ارقى جنينك دائما بالأذكار .. وحطى ايدك على بطنك دائما وقولى " بسم الله بسم الله بسم الله .. أعوذ بعزة الله وقدرته من شر ما أجد وأحاذر 3مرات " وكمان اقرأ سورة البقرة وبإذن الله تفرحى بجنينك سليم معافى