السلام عليكم
الاخت ام راغب اذا كنتي بتدخلي عالمنتدى ممكن اعرف لانه قرات الك كم موضوع وسجلت بالمنتدى عشان حبيت اعرف منك بعض المعلومات

ايوة يا حبيبتى ام راغب بتدخل المنتدى وبتلاقيها اكتر فى ملف الحقن المجهرى واطفال الانابيب

كتبت بواسطة dodo30

السلام عليكم
الاخت ام راغب اذا كنتي بتدخلي عالمنتدى ممكن اعرف لانه قرات الك كم موضوع وسجلت بالمنتدى عشان حبيت اعرف منك بعض المعلومات

اهلا حبيبتي
اهلا حبيبتي فيكي اامري يا امر
اسالي وانا تحت امرك تكرمي
وعلى فكرة منتدى لك منتدى ممتاز ما رح تندمي انك سجلتي فيه

اختي دودو
عم استناكي واستنى استفساراتك

ماشاالله رديتي بسرعه كتير انبسطت على ردك واهتمامك, وشكرا لاخت هبوش على الاهتمام..
ام راغب انا قرات مره انك من غزة انا حابه اسالك مين في دكاتره كويسين بموضوع اطفال الانابيب,, وكمان حبيت اتطمن عليكي قرات الك موضوع انك عندك البويضات من نوع معين وبتحتاجي حاضنات معينه. ان شالله تكون توفرت الك بغزة ؟ ومين الدكتور اللي اكتشف هالموضوع؟؟
وشكرا الكككككككككككك كتير

اهلا فيكي حبيبتي
احنا هون خوات للاستفادة والافادة
فعلا انا من غزة ازا سالتيني على افضل دكتور انا رحت لاغلب دكاترة بغزة وازا بتساليني عن راي الدكتور محمد السراج افضل دكتور باطفال الانابيب طبعا في دكاترة كتير وجربوها بنات ونجحت تجاربهم لكن عن نفسي افضلهم محمد السراج هاد بالنسبة لاطفال الانابيب وعنوان المركز الرمال شارع فلسطين
بالنسبة لحالتي الدكتور محمد هو الي اكتشف الحالة والحمد لله ما عرفنا السبب ولا حتى العلاج انا الي فترة ما رحت عندو بس سمعت انو حاليا في بحث اوروبي عن البويضات وانسجتها
اما حكاية الحضانات او ازا اصدك ivm والله لسا ما سالت عنها بغزة بس اعتقد انها غير موجودة لانها حديثة
اي استفسار تاني انا تحت امرك
بس ما عرفتيني عنك يريت نتعرف اكتر عليكي وممكن تنضمي لملف عمليات التلقيح الصناعي
موفقة

شكرا كتير ام راغب على ردك...
انا من غزة بس مقيمة بالكويت ونزلت على غزة من 5 شهور ورحت على دكتور السرراج وانا متاخره عن الحمل صرلي 4 سنوات ونص وعملت تجربة اطفال انابيب والحمدلله نجحت بالبدايه ولكن ما كملت بعد التحليل 10 ايام ونزل على شكل دورة....بعدها نزلت على غزة وقابلت الدكتور محمد السراج .. ومع انه تحاليلنا انا وزوجي سليمة الحمدلله وما كنا عارفين شو سبب التاخر مع انه رحنا على دكاتره كتير وماخلينا.. الا انه الدكتور السراج اكتشف سبب التاخر انه هوا مخزون التبويض عندي قليل اقل من ما مفروض يكون عند وحدة بعمري, انا عمري 26.. والحمدلله على كل حال.. ونصحني انه ما استنا واجرب باسرع وقت اعمل اطفال الانابيب عشان اخد فرصي لانه بيعتبر انه الخصوبه عندي مش مرتفعه..
وانا في حيرة شديدددددددددددة جدا مش عارفه انزل عنده اعمل انابيب ولا اروح مكان تاني مع العلم انه الكل بمدح فيه بغزة وانا حسيته فهمان .. بس المكان ما بعرف ما ارتحت اله كتير مقارنة بالمراكز هون وبالاردن في فرق كتير بالنضافه والاهتمام بالمريض.. وهاي اكتر نقطه قالقاني بالموضوع ومن ناحيه نفسيه اهلي هناك وممكن هادا يكون اله دور كبير والله اعلم.
معلش طولت عليكي ويمكن اكون زهقتك بس انا نادره ما احكي مع حد بهاد الموضوع ما حد بحس ولا بقدر....
انتي شو رايك بالموضوع بما انك عايشه هناك.. وجربتي الدكتور بالعمليه كمان شو تنصحينييي نصيحة من اخت لاختهاا
وشكرا الك كتير على اهتماااااااامك حبيبتي وان شالله بنسمع عنك اخبار طيبه يارب

اختي ربي يعوض عليكي يارب بالحمل السليم الثابت عاجلا غير اجل بتوام كاملي الخلق والخليقة واجعلهم اللهم من البارين الصالحين يارب
حبيبتي هاد حال المراكز بكل مكان بس يمكن مركز السراج على اد الحال مش اكتر
لكن انا نزلت مصر وعملت هناك تجربة وبصراحة ما وجدت انو الدكاترة هناك احسن من الدكتور محمد بالعكس يمكن الدكتور الي كان بمستوى الدكتور محمد هو الدكتور حسام زكي بمركز جنين بمصر
مع فارق الامكانيات طبعا احنا بغزة الامكانيات هي الي بتحكمنا يعنتي موضوع ivm اعتقد انو غير موجود بغزة لانها تقنية جديدة واكيد بدها تقنيات واجهزة واحنا لظروف الحصار ممنوع ادخال الاجهزة هي التقنية هادي معمول فيها ب السعودية والامارات
على فكرة انا اعدت تقريبا 7 سنوات بدون حمل وبدون معرفة السبب وتحاليلي وتحاليل زوجي نظيفة ولما عملت التلقيح عند السراج المرة الاولى تفاجئنا بالتبويض
وفي المرة التانية اتاكدنا انو المشكلة بالبويضات
انا مو اصدي اوترك او اخوفك والله اني ما بتمنى مشكبتي تكون عند اي اخت لانها مشكلة صعبة لكن ايماني بقدرة ربنا انو ممكن في شهر من الشهوةر تطلع بويضة كويسة ويصير منها حمل
بالنسبة الي انا انا لاني عملتها اكتر من 3 مرات تقريبا 4 والخامسة كنسلناها
ما بحب اعملها وحد يعرف فيها الاهل بيكون الهم دور كبير بالتوتر كل ما كانو ما بيعرفو بيكون احسن
اما عن نصيحتي هو كل واحد وظروفو برضو الدكاترة بالاردن مو اشطر من الدكتور محمد خاصة اني بسمع انو حاليا بيحاول يطبق دراسة اوروبية جديدة واحتمال اروح اشوف شو الجديد
وعندكم بالكويت ما اظن انهم على قدر من الخبرة الي يعتمد عليها
لو انك عارفة سبب التاخير كان التلك احسن دكتور السراج
لكن اخاف االك تعالي غزة
طيب انتي ما عرفتي سبب الاجهاض ليش صار شو السبب ما عملتو تحليل تشوفي ليش
ازا بتنزلي عن طريق مصر ممكن تروحي للدكتور حسام زكي بمركز جنين وتشوفي رايو وممكن يعملك تحاليل ما عملتيها عند حد
لكن انا الي متاكدة منو ما دام صار حمل يبقى الحمد لله ما في شي صعب اتاملي بالله خير

وما تقولي انك زهاتيني ولا طولتي على احنا هنا لنسمع بعض ونساند بعض اسالي واستفسري متل ما بدك انا تحت امرك وبتمنى تنضمي النا بالملف ورح ترتاحي معانا وفعلا ما حد بيحس بحد ولا حد بيادر بس احنا هون وجع واحد بتمنى تكوني معانا
يارب اكون افدتك وما اكون شتتك استخيري حبيبتي وربنا بيدلك على الي فيه الصالح
بتمنى اسمع عنك كل خير طمنيني دائما عنك
واي شي انا بالخدمة
اما بالنسبة لراي

شكرا ام راغب
على كلام دكتور محمد السراج, انه عندي مخزون البويضات قليل بالنسبه لعمري وهوا بقول انه هاد السبب الله واعلم بس انا ما فهمت شو تقنية ivm؟؟ ماسمعت فيها قبل هيك..
وكيف اكتشفتو موضوع نوع البويضات هل انه البويضات ما تلقحت؟
وبالنسبه لمصر في دكتور اسمو شريف باشا سيف بمركز الخصوبه هل سمعتي عنه؟ الي صحبيتي عملت عنده والله كرمها بتوام ولاد عقبال عندي وعندك ياااااااااارب امين...
انا بفكر انزل على مصر بس بدي اجمع اسماء دكاتره قبل ما انزل على غزة,...
بالنسبه للتجمع اكيد لازم اشترك عشان استفيد بس انا بشتغل ووقتي قليل مابدخل عالنت كتير..
وبالنسبه للانابيب بغزة الدكتور محمد بعمل السحب ببنج كامل يعني ما بتحسي باشي؟؟ وكيف ايده خفيفه ولا لا خاصه بالترجيع انا كتير جباانه

اهلا حبيبتي
شوفي انا عملت تحليل مخزون التبويض برضو الولي انو قليل ضعيف لكن الدكتور بمصر الي انسي
المهم احنا اكتشفنا انو البويضات غير ناضجة بعد السحب
يعني طول فترة العلاج والابر كنت اعمل التحليل e2 كان ممتاز ويرتفع للرقم الي الدكتور عايزو وكمان الصورة على التلفزيون التراساون كانت ممتازة حجم البويضة ممتاز والقياسات ممتازة وكان الدتور يتفائل
بس المفاجئة عند السحب وبعد ما يغسل البويضات سبحان الله يكونو غير ناضجين يعني مو مكملين انقسامات فاضل انقسام وبيكونو ممتازين الحمدلله بس هالشي مو ممكن ينعرف الا بعد سحب البويض ربي يفرجها
اما بالنسبة للدكتور محمد السراج بيعمل عملية السحب ببنج كامل متل باقي الدكاترة
اما الترجيع لا بتكوني صاحية وما تخافي العملية كتييييييييييير سهلة وما بتوجع وهو ايدو كتير خفيفة ربي يوخد بيدو ويكون سبب في جبران كل الاخوات المسلمات يارب
اما بالنسبة للدكتور شريف باشا ما سمعت عنو بس المركز الي بتقولي عليه مركز الخصوبة انا عملت فيه عملية عند الدكتور محمد يحيى ومع احترامي الو هو دكتور عادييييييييييييييييي جدا بالنسبة للدكاترة الي شفتهم وبالعكس كمان ضعيف مع وجود حالات ناجحة شفتها بنفسي عندو ولها سنين متاخرة وحملو عندو سبحان الله
بس انا لايتو عادي جدا وكمان مادييييييييييييييييييييييييييييييييييييييييييييييي ي
هاد راي يمكن غيري يكون رايوشي تاني
بس انا رحتلو من بلد لبلد ما كلف خاطرو يعملي تحليل واحد ودخل بالعملية بسرعة وما اخد بعين الاعتبار الكلام الي التلو اياه عن حالتي وبعد السحب الي مزبوط كلامك البويضة غير ناضجة يعني ما كان مسدقني ربي يسامحو
اما بالنسبة للدكاترة بمصر انا انصحك بالدكتور حسام زكي بمركز جنين ورح تلاقي بنات كتير ترشحلك اياه وممكن تدخلي الملف وتسالي بنات مصر ويفيدوكي اكتر وفي حالات كتير ناجحة بالملف ومنها عند الدكتور حسام
موفقة اختي
اسال الله العلي العظيم ان يطمان بالك وان يرزقك الحمل السليم الثابت عاجلا غير اجل ويقر عيونك بذرية بارة كاملة الخلق والخليقة بازن الرحمن الرحيم
ارجو ان نبقى على تواصل
بامان الله