السلام عليكم انا عضوة جديدة حابه ارحب بيكم كلكم انا قريت مواضيع كتييرة في المنتدي وبجد استفدت منها

وبجد سجلت نفسي لاني حسيت بجد اني محتاجه للناس معايا في الوقت ده يا ريت يا جماعه اللي عمل عملية الحقن المجهري قبل كده يقولي ايه الاعراض اللي بيحس بيها بعد عمليه ارجاع الاجنه انا الحمد لله عملتها ودلوقتي في فترة الاسبوعين اللي قبل التحليل ان شاء الله خير بس حابه اطمن او محتاجه تطمنوني وتدعولي ربنا يتمهالي علي خير

يا رب يكرمني انا واللي زيي وكل محتاج يا رب

اهلا وسهلا بيكى يا قمر وربنا يكرمك ان شاء الله وتعالى معانا فى ملف الحقن والتلقيح هناك هاتستفادى بجد يال انا مستنياكى هناك

الله يرزقك الحمل السليم المعافى عاجلا غير آجل با رب أنت و كل منتظرة

السلام عليكم يا Pocco
أنا كمان بعمل العملية بس لسة فى نص المرحلة عدى 8 أيام من التنشيط ربنا معنا و يرزقننا الحمل الثابت ان شاء الله

اخي شرفتي منتدانا ونورتينا وان شاء الله يكون وجهنا حلو عليك

وأسأل ربي القادر على كل شيء يجبر بخاطرك ويكرمك من واسع فضله ويفرح قلبك بحملك بعد اسبوعين .

اختي نحنا كلنا خواتك مررنا بهالعمليات والاعراض بتختلف من اخت لتانية بس انت شكلك اول مرة؟ ع كل حال ممكن تيجي معنا في ملف الحقن المجهري وهناك بتلاقي خوات كتير ومروا بحالتك وبدعولك دعوة حلوة ان شاء الله .

كمان ممكن تلاقي في توقيعي سلسلة الحقن المجهري الجزء الرابع ممكن يفيدك

ربنا يثبت اجنتك ويقر عينك
ويرزقك الدريه الصالحه

الله يثبت اجنتك ويفرح قلبك باحلى توام ان شاء الله

انا متشكرة قوي يا hodanoda
و 2 سوسنة
و farfousha
و يقيني بالله يقيني
** الشيماء **
أميره الأحلام

اللي هتستغربوه دي مش اول مرة ليا بس فعلا انا عمري ما جربت قبل اني ادخل علي النت وادور على اي معلومات للحقن المجهري والاغرب ان كل مرة بحس بحاجه شكل بس ان شاء الله خير وبجد دعواتكو ليا دي فرقت معايا كتير مع اني معرفكمش واول مرة اكلمكم بس دعاكم ده حاجه كبيرة عندي ربنا يخليكي ليا واللهي رفعتوا من روحي المعنويه انا اليوم الجديد باذن الله تعالي هكون في اليوم الخامس وربنا يهونها ويعدي الكام يوم دول على خير ويرزق كل محتاج يا رب

وأنا كمان عملت العملية

والارجاع كان يوم الثلاثاء اللي فات يعني النهارده اليوم السادس

ربنا يكرمك وبفرحك ويكرمني أنا كمان

ويقر أعيننا بالخلف الصالح

انتي فين عملتي عمليتك؟
دي أول مرة؟

يارب يكرمك ان شاء الله ظني باالله ويتمهالك على خير

انا دي تالت مرة ليا وان شاء الله تبقي التالته تابته

انا اول مرة عملتها في مركز ابو الغار بالمعادي----دكتورة مني ابو الغار

تاني وتالت مرة مركز فارس بمصر الجديده ----دكتور محمد فارس