السلام عليكم ورحمة الله وبركاته
عاملين ايه يا حبيباتى وحشتونى يا رب تكونوا فاكرينى
المهم انا عايزه اسألكم على حاجة قلقانى قوى وهى ان بعد الولادة فضل الدم اربعين يوم وبعد الاربعين نزل دم زى دم الدورة(اعزكم الله )وبعدها بشهر بالضبط نزل نفس الدم فقلت ان الدورة هتيجى منتظمه والمفروض ان ميعادها كان من اسبوع او اكتر ومجتش مع انى مش حاسه باعراض حمل وكمان برضع طبيعى ومش عارفه ده طبيعى ولا لا مع العلم انى حصلى حمل خارج الرحم قبل كده ونزلته بعمليه قيصريه وده اللى قلقنى انى يحصلى كده تانى واللى خلانى ما استعملش وسيله انى ما حملتش على طول فضلت سنتين ودى الوقت بنتى عندها 3شهور ومش عايزه احمل دى الوقت

مش عندى فكرة بس ممكن تعملى تحليل منزلى طالما معادها اتاخر
ربنا ييسرلك الامور

شكرا يا صافى يا حبيبتى وربنا ينولك اللى فى بالك ايه يا بنات روحتوا فين فين اصحب الخبره يا ريت تردوا عليه

لا ان شاء الله خير أنا كمان ارضع طبيعي الحمدلله و الدورة ما اجاتني و لا مرة
يعني طبيعي ما تجي الدورة للبيرضع طبيعي
من غير ما يدخل صناعي لانه البويضة ما تتكون بس لو فوتي
اي رضعة ممكن تتكون البويضة عشان كده الرضاعة الطبيعية مش
مانع للحمل مئة في المئة ده الي قالتهولي القابلة
بس لو ما متاكدة اعملي تحليل منزلي و ان شاء الله ما يكون الا كل خير

والله الرضاعة مش مانع للحمل انا كنت برضع وحملت وبنتي عشر اشهر واختي حملت وبنتها 4 اشهر وبترضع فخذي احتياطاتك