انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 6 12345 ... الأخيرالأخير
عرض النتائج 1 الى 10 من 54

الموضوع: قصتي مع تأخر الحمل ثم الاجهاض المتكرر واخيرا ولادتي بروح قلبي رهف

  1. #1
    تاريخ التسجيل
    Sep 2008
    الموقع
    في مملكه الحب
    الردود
    4,824
    الجنس
    امرأة

    قصتي مع تأخر الحمل ثم الاجهاض المتكرر واخيرا ولادتي بروح قلبي رهف

    السلام عليكم يا أحلي اخوات في احلي منتدي
    قررت النهاردا اكتبلكم قصتي مع تأخير الحمل والاجهاض المتكرر واخيرا كرم ربنا وولادتي لحبيبة قلبي رهف
    يمكن تعطي امل لاخت ليا هنا في المنتدي
    وهبدأ الاول بتأخير الحمل
    الحكايه بدأت من قبل الزواج ان الدوره كانت مش منتظمه وروحت لدكتوره تنظمهالي كانت تتظبط مع الادويه ولما ابطل الدوا ترجع تلخبط تاني
    الدكتوره قالتلي عندك تكيس مبايض وعلاجها هيكون بعد الزواج
    وتم الزواج ورجعتلها عشان اتعالج من التكيس وبدأت العلاج واستمريت معاها حوالي سنه من غير فايده ومن هنا بدأت رحله اللف علي الدكاتره وكل واحد يديكي تشخيص وعلاج مختلف
    لحد ما ربنا هدانا لدكتور شاطر شخص حالتي صح
    وقالي علاجك هياخد من 6 ل9 شهور وبدأت العلاج ومن اول شهر بعد العلاج الدوره بدأت تنتظم جدا وبعد 5 شهور من عليا ربنا بالحمل وساعتها مكنتش مصدقه نفسي لما عملت التحليل ان انا فعلا حامل وقتها كنا بره مصر فقررت ان انا ارجع عشان انابع الحمل في مصر واكون جنب ماما
    ورجعنا مصر ومع اول سونار اتصدمت لان الجنيين كان مفيهوش نبض واضطريت اعمل عمليه تنظيف
    وكان الم نفسي وجسدي رهيب ربنا ما يكتبه علي حد ابدا
    بعدها استريحت حوالي 5 شهور وربنا كرمني بالحمل لتاني مره وساعتها الدكتور قالي هنعمل ربط لعنق الرحم لانه ضعيف وفعلا عملت العمليه وكنت باخد مثبتات وكان الحمل ماشي كويس جداا
    ووصلت للشهر الخامس وفي الاسبوع 20 تقريبا حسيت بألم في ظهري واسفل بطني وكان الم خفيف دخلت الحمام اعزكم الله ومره واحده الاقي كميه دم رهيبه ونزيف جامد جدا ساعتها قلبي كان هيقف ومعرفتش اعمل ايه روحنا للدكتور عمل سونار لقي انفصال في المشيمه حاولنا نوقف النزيف مفيش فايده وفي الاخر نبض الجنين وقف واخدت طلق صناعي ونزل الجنين وكانت حالتي النفسيه في الارض لكن بفضل الله ووقوف زوجي معايا تخطيت المرحله دي واستعوضت جنينني عند ربنا ودعيته انه يكرمني بالحمل تاني
    وربنا كريم أوي يا بنات والله وأرحم بينا من امهاتنا
    بعدها بحوالي 6 شهور ربنا رزقني بالحمل لثالث مره ووقتها غيرت الدكتور وروحت لدكتوره قالتلي مش محتاجه ربط وعنق الرحم كويس ومشيت في الحمل كويس للشهر السادس وفي الاسبوع 24
    صحيت من النوم علي الم فظيع في ظهري وقطرات دم خفيفه روحنا للدكتور قال الرحم مفتوح ولازم ولاده حالا وولدت ابني وكان حي ولكن توفاه الله بعد ساعتين من الولاده
    ومن تاني بدأ الالم النفسي الي كان المره دي لا يحتمل لدرجه اني كرهت الحمل وكنت خايفه جدا
    وروحت لدكتور اقنعني اني مأجلش الحمل ولا شهر
    وان احنا نحاول من تاني
    بعد الولاده بشهرين ربنا اكرمني بالحمل والمره دي عملت ربط لعنق الرحم اخدت جميع انواع المثبتات
    حبوب وتحاميل وحقن والله يا بنات لحد ليله الولاده وانا باخد في المثبتات غير ادويه تانيه كتير جدا مع الراحه التامه يعني نوووووم مكنتش بخرج من البيت غير عشان الدكتور ومكنتش بعمل اي حاجه في شغل البيت ماما وزوجي كانوا متحملين كل حاجه ربنا يخليهم لياوطبعا كنت قلقانه جدا طول فتره الحمل ومترقبه ايه الي هيحصل وفي الشهر الثامن اخدت حقن كوتيزون عشان رئه البيبي تكتمل لو حصلت ولاده مبكره لكن بفضل الله وصلت للشهر التاسع وبعد حوالي 10 ايام من التاسع الدكتور حددلي معاد الولاده بعد 4 ايام وكانت قيصريه لضعف عضله عنق الرحم
    مكنتش مصدقه نفسي والله يا بنات وفضلت قلقانه ومش جايلي نوم لحد يوم العمليه وروحنا علي المستشفي ودخلت العمليات وانا بدعي ربنا ان اشوف بنتي في حضني علي خير واول مطلعت من العمليات زوجي جابلي البنوته بس انا مكنتش فايقه اوي مكنتش شايفه تقريبا لاني عملت ببنج كلي ودا بيحتاج فتره عشان افوق بس انا حسيت بيها كانت بتبكي واول محطها علي صدري سكتت وانا قعدت احسس عليها بأيدي لاني مكنتش قادره افتح عيوني بعدها اخدوا رهف وجالي دكتور الاطفال قالي انها بخير بس كان في شويه بلغم علي صدرها هما شفطوه بس محتاجين يحطوها تحت الملاحظه شويه وفعلا قضيت اول ليله من غير بنتي وتاني يوم الصبح جابوهالي كنت هتجنن عشان اشوفها واول مشوفتها كنت هطير من الفرحه ومش مصدقه ان حلم عمري اتحقق وربنا جبر بخاطري واكرمني وبقيت اخيراااااااا أم
    معلش يا بنات انا عارفه اني طولت عليكم جدا بس كل هدفي ان مفيش واحده تيأس وتفقد الامل وخليكي واثقه في ربنا وادعيه كتيييييير واستغفريه
    وربنا هيكرمك
    واخيرا بطلب منكم انكم تدعوا لرهف ربنا يخليهالنا ويحفظهالنا من كل سوء

  2. #2
    تاريخ التسجيل
    Apr 2007
    الموقع
    cairo
    الردود
    4,218
    الجنس
    أنثى
    ما شاء الله تبارك الله
    ربنا يخليلك رهف ويحفظها لكم ان شاء الله
    الحمدد لله ان ربنا اكرمك وان شاء الله بتجيبى لها اخوه و اخوات كتير باذن الله

  3. #3
    تاريخ التسجيل
    Mar 2010
    الردود
    283
    الجنس
    امرأة
    الف مبروك حبيتي وحمدالله على سلامة والله يرزقك كمان وكمان
    وتشوفي رهف عروس يارب
    ولا يحرم حدا من ذرية صالحة

  4. #4
    تاريخ التسجيل
    Sep 2008
    الموقع
    في مملكه الحب
    الردود
    4,824
    الجنس
    امرأة
    تعقيب كتبت بواسطة DR_LOLA عرض الرد
    ما شاء الله تبارك الله
    ربنا يخليلك رهف ويحفظها لكم ان شاء الله
    الحمدد لله ان ربنا اكرمك وان شاء الله بتجيبى لها اخوه و اخوات كتير باذن الله
    تسلمي حبيبتي علي دعواتك الحلوه
    ربنا يحفظلك بنوتك ويكملك حملك علي خير

    تعقيب كتبت بواسطة آلوئه عرض الرد
    الف مبروك حبيتي وحمدالله على سلامة والله يرزقك كمان وكمان
    وتشوفي رهف عروس يارب
    ولا يحرم حدا من ذرية صالحة
    الله يبارك حبيبتي
    ربنا يقومك بالسلامه مع احلي بيبيز

  5. #5
    تاريخ التسجيل
    Mar 2007
    الموقع
    بين احبابي
    الردود
    4,275
    الجنس
    أنثى
    التدوينات
    2
    التكريم
    • (القاب)
      • لؤلؤة الاحسان
      • متميزة صيفنا إبداع 1431هـ
    (أوسمة)
    السلام عليكم ورحمة الله وبركاته
    يا حبيبيتي يا دعاء والله احلى خبر شفته اليوم
    ما شاء الله الله يبارك لك في رهف وتشوفيها احلى عروس وان شاء الله تخاويها اخوة واخوات يارب

    والله يقومك بالسلامة يارب
    انا رجعت الي لمة الاحباب
    إذا لم تقدر على قيام الليل، ولا صيام النهار، فاعلم أنك محروم، قد كبلتك الخطايا والذنوب.
    الحسن البصري






  6. #6
    تاريخ التسجيل
    Sep 2008
    الموقع
    في مملكه الحب
    الردود
    4,824
    الجنس
    امرأة
    تعقيب كتبت بواسطة *سهام الليل* عرض الرد
    السلام عليكم ورحمة الله وبركاته
    يا حبيبيتي يا دعاء والله احلى خبر شفته اليوم
    ما شاء الله الله يبارك لك في رهف وتشوفيها احلى عروس وان شاء الله تخاويها اخوة واخوات يارب

    والله يقومك بالسلامة يارب
    تسلميلي يارب يا ام انوس
    علي دعواتك الحلوه
    ربنا يتمملك علي خير

  7. #7
    تاريخ التسجيل
    May 2010
    الموقع
    مصر من الصعيد وعايشه في الاسكندريه
    الردود
    85
    الجنس
    أنثى
    ربنا يخليهالك يارب والله انك بكيتيني وفعا تجربتك صعبه جداا بس ربنا رحيم ودوود ربنا يرزقك بالبنين والبنات الصالحين ويكونوا اخوات حنينين علي رهف

  8. #8
    تاريخ التسجيل
    Sep 2008
    الموقع
    في مملكه الحب
    الردود
    4,824
    الجنس
    امرأة
    تسلمي يا قمر
    وعقبال منباركلك بالحمل قريب ان شاء الله

  9. #9
    تاريخ التسجيل
    Oct 2008
    الموقع
    (أم جنى)..........المنصورة ـ مصر
    الردود
    515
    الجنس
    أنثى
    ألف حمدالله على سلامتك يادعاء
    والله عيني دمعت وأنا بقرأ

    "بورك في الموهوبة وشكرت الواهب ورزقت برها وبلغت أشدها"



  10. #10
    تاريخ التسجيل
    Jul 2009
    الموقع
    السعوديه
    الردود
    1,413
    الجنس
    امرأة
    الحمدالله على سلامتك خيتوو دعاء .. ياليت تروحي لموضوعي حملة سورة البقره .. وتبشرينا عشان باقي البنات يصير عندهم امل .. تلاقي الرابط في التوقيع بتاعي ..



    وتتربى في عزكم يارب ..

مواضيع مشابهه

  1. ساعدوني بدكتوره شااطره في علاج تأخر الحمل +الاجهاض في الشرقيه
    بواسطة ليمي في الحمل والولادة و الرضاعة
    الردود: 5
    اخر موضوع: 20-04-2011, 08:38 AM
  2. قصتي في تأخر الحمل &*شعار مشاركة قيمة *&
    بواسطة fefo04 في الحمل والولادة و الرضاعة
    الردود: 64
    اخر موضوع: 12-01-2010, 01:19 AM
  3. واخيرا بعد طول انتظار قصة ولادتي بروحي قلبي عبد الله
    بواسطة sorry fals في الحمل والولادة و الرضاعة
    الردود: 35
    اخر موضوع: 23-06-2009, 10:51 AM
  4. الاجهاض وعلاج الاجهاض المتكرر
    بواسطة lolo habeby في الحمل والولادة و الرضاعة
    الردود: 11
    اخر موضوع: 09-01-2008, 05:24 AM
  5. الاجهاض المتكرر؟؟؟
    بواسطة اضوا في الحمل والولادة و الرضاعة
    الردود: 2
    اخر موضوع: 23-12-2006, 01:25 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ