السلام عليكم

ازيكم يا احلي اخوات وامهات في الدنيا

انا حامل الحمد لله في اخر ايام في الشهر الثالث تقريبا

ومن فترة كنت بحس في بطني كل يوم مره او مرتين بخرفشه كده

فتقريبا من النونو وكده فبطمن منها عليه

انا اخر سونار عملته تقريبا من 10 ايام والحمد لله الدكتور طمني

انهرده انا مش حسيت بالخرفشه دي فقلقت

ومعاد السونار الجاي لسه عليه كام يوم ومش عايزه اعمل قبل معاده

فاطمن علي جنيني ازاي

ووحده اعرفها جنينها(بعد الشر علينا كلنا)اتوفي في بطنها ومش كانت عارفه

في الشهر الثاني علشان عندها فايروس بيموته

فجه في مخي وسوسه ان لا قدر الله النونو يحصل ليه بعد الشر حاجه وحشه وانا

مش عارفه فياريت تعرفوني اطمن عليه ازاي الايام دي لغاية معاد السونار

مع اني الحمد لله مش حسه بمغص ولا في اي حاجه مغص خفيف سعات بييجي

بس.................معلش طولت عليكم ورغيت كتير

بس من العشم باه

احلي سلام وتسلموووووووووووووووووا والف مليون شكر

مممممممممممممم يعني اقطع شعري يعني

ربنا يعينيك يارب بس متقلقيش تصوري انا محتش بحركة البيبي لنهاية الشهر الخامس والله بس انت اصبري واهم حاجة ارقيه دايما وكل يوم وادعي ربنا واستودعيه الله عز وجل وان شاء الله خير يارب

اولا 00مبروك الحمل 00 وبعدين ياحبيتى هو صعب جدا انك تشعرى بلحركة فى الشهر التالت انتى بس فوضى امرك لله واستودعيه عند خالقه وسيبك من الوسواس لو حطيتى بالك لشهر التاسع مش حتخلصى انا دائما بحملى ما احس الحركة الا بعد الاسبوع 18 وكمان تكون خفيفة

حبيبتي متقلقيش نفس وإبعدي الوساويس ديه من راسك
كل وحدة وحالتها أنا محستش بالحركة إلى بالسادس
أقول إيه أنا إلي الحمل كلو عملة سونارين بس والجنين
لسى صغير عشان كدة مبتحسيش بحركة إنشاء الله
فأول الخامس تحسي بيها وتشبعي ضرب وبوكسات إدعولي أولد بالسلامة

تسلموا وشكرا انكم مقدرين قلقي

طيب لو لاقدر الله مثلا الجنين فيه حاجه وحشه ممكن ده يتحس؟ يعني لازم ييجي معاه افرازات او دم او كده ولا مش لازم

كتبت بواسطة برضه زملكاويه

تسلموا وشكرا انكم مقدرين قلقي

طيب لو لاقدر الله مثلا الجنين فيه حاجه وحشه ممكن ده يتحس؟ يعني لازم ييجي معاه افرازات او دم او كده ولا مش لازم

استغفر الله 00يابنتى مافيك الا العافية وده طبيعى البتحسى فيه كلها مجرد شكوك وتخمينات شكلك بكرية ومادام مافية اى دم ان شاء الله مافى مشكلة بس انتى ريحى وابتعدى عن الجماع او قليليه قدر الامكان وتشوفى كتكوتك بسلامه

شكرا لكم كلكم واعزروا قلقي اصلها اول مره هههههههههههه وانا بطبيعتي قلاقه

لا حبيبتى ممكن نايم متخافى

يا زملكاويه .. انا حصل معاي نفس الشيء .. باخر الشهر التالت بدأت احس بالحركه الخفيفه و بقيت اتطمن عالجنين من خلالها .. بس مره بقى .. مر 3 ايام من غير اي حركه خاااااااااااالص .. وطبعا اختك في الله خافت و اترعبت .. و رحت جري عالمستشفى .. الدكتوره اول مبدات تكشف بالسونار .. قلتلها دكتوره قليلي البيبي عايش ولا ميت ..؟؟ قالتلي : انا قبل ماشوف النبض اقدر اقلك انه عايش من كتر الحركه اللي بيتحركها ... بس هو عظمه لسه صغير و انتي بالخامس ان شاء الله لمن يقوى العظم تبقي تحسي بحركاته .. و بعدها بشهر اتوقفت الحركه لمدة 10 ايام كامله .. انا قلت خلاااااااااااااص .. ده البيبي التاني اللي حيموت فبطني و انا مش حاسه .. و بقيت استنى الاقي نقط دم بنيه عشان اعرف اذا مات او لا ... و رحت كمان للدكتور ... و ماما طبعا كانت مرعوبه .. و البيت كلله مرعوب معاي ... بس اللي بيضحك .. ان الدكتور مكانش عارف يلقط البيبي عشان يصوره و ياخد بياناته من كتر مكان بيتحرك .. بقى الدكتور يقللي : بصي احنى لمن بدأنا كان الراس هنا .. دلوقت بقى الجهه التانيه تماما .. و (و الدكتور بيتكلم و البيبي قلبت راسها و بقى في النص ) بقى يقللي شفتي الحركه دي كلها .. انا قلت .. و الله و لا حاسه بحاجه ... و ماما لمن عرفت قالتلي : لو كل بنت حتحمل و تخاف الخوف اللي انت عايشاه و معيشانا معاكي فيه مكانش حد حمل ..
و بعد كده اتطمنت و يقيت لو مر كم يوم من غير حركه .. مترعبش ابدا ... لان مصيرها حتتحرك يعني حتتحرك ..

و يااااااااااااااااارب يتمملي و يتمملك على خير بقية شهور الحمل ...
سلام ..