السلام عليكم حبيباتى

انا يا بنات بإذن الله متحدد لى ولادة قيصرى .. لظروف ان عندى ضغط عالى وكمان حصل موت للجنين فى الحمل الأول ( عافاكم الله )

المهم بصراحة انا اتعقدت .. كل ما ادخل موضوع الاقى الاخوات هنا متعقدين من القيصرى وبيقولوا انه صعب اوى وكلام من دا

انا فى الحمل اللى فات ولدونى طبيعى .. ومع ذلك بردو تعبت من الخياطة اللى تحت .. وكلها كام يوم وكنت كويسة الحمد لله

كمان اختى الكبيرة ولدت قيصرى واصحاب ليا ولدوا قيصرى وبردوا كام يوم وبقوا كويسين بفضل الله

فأنا بجد مش عارفة للدرجة دى القيصرى صعب زى ما انتوا بتقولوا والا لو مثلا العملية تمت فى مستشفى كويسة والرعاية فيها كويسة والطبيب شاطر مثلا والخياطة كويسة فبتكون مفيهاش مشاكل ؟؟

انا عارفة طبعا ان كل حاجة طبيعية احسن لأن دى الفطرة اللى ربنا خلقنا عليها بس بصراحة كمان الطبيعيى احيانا بيبقى عذاب وخطر على الجنين
يعنى كتير بيفضلوا يصبروا على الحامل فى الولادة الطبيعى لحد يا عينى ما تتعذب وفى الآخر يولدوها قيصرى !!!

ياريت لو تقولولى رأيكم وتجاربكم .. هل كل اللى ولدوا قيصرى تعبوا اوى كدا؟؟

بس ياريت تكون تجاربكم قيصرى .. مش مثلا واحدة تكون جالها طلق وتعسر فى الولادة وبعدين لجأت للقيصرى .. لأن اكيد دا مرهق اكتر لما الحامل تمر بالطبيعى والقيصرى فى نفس الولادة ..

ياريت اللى راحت ولدت قيصرى علطول تقولنا تجربتها

ويارب ييسر ولادتنا جميعا ويرزقنا ساعة سهلة واطفال اصحاء معافين

احبكم فى الله

حبيبتي الله ييسر لك امورك بالعكس اذا الدكتور كويس و المستشفى نظيف بتكون امورك تمام
اشوف ناس من اقاربي يولدوا قيصري وتمام و الولادات كلها تتعب سواء قيصري او طبيعي
اهم شي صحة البيبي و صحتك
ادعيلي ربي يتمم علي لاني سقطت كثير

حبيبتي يا امييرة ان شا الله بتؤمي بخيير وسلامة انا زي ما بتعرفي ما مجربي بس زي ما كنت اشوف بترجع لجسم الوحدة في ناس كتيير بتتعزب وبطول الجرح لطييب بس في ناس بتكون اسرع كمان حسب الدكتور الله يسلها عليكي يارب

اميره حبيبتي ربنا يقومك بالسلامه ومعاكي احلي لين
انا مجربتش بس كل قرايبي واصحابي الي ولدوا قيصري بعد كام يوم بيبقوا كويسين بفضل الله
توكلي علي الله وان شاء الله خير

حبيبتى انا ولدت قيصرى والحمد لله ماتعبت خالص بالعكس انا كان قبلى واحدة بتولد طبيعى كانت صعبانة جدا علية من كتر الالم
وبعد العملية كان بس الالم لما اجى اقوم من السرير كان بيبقى فى وجع مكان الخياطة يومين بالظبط وخف الالم جدا
ماتقلقى حبيبتى بالعكس كل الناس الايام دى بيطلبوا يولدوا قيصرى علشان يريحوا نفسهم من الطلق ووجعه

ربنا معاكى ويكرمك ويرزقك ولادة سهلة ميسرة
بالله عليكى تدعى لى ربنا يوفقنى فى عمليتى ويكون نتيجتها الحمل السليم المعافى ياااااااااااارب

حبيبة ألبي

العملية مو بسيطة بنوب في أول يومين ليها

اول يوم مش بتقدري تتحركي وإنك تمشي خطوتين يعتبر إنجاز عظيم

بس بعد كدا كل يوم بيخف

وتوكلي على الله وما تخافي

خلينا نشوف لين الأمر

أختي اميرة صلاح
هو كل جسم بيختلف عن التاني
أنا ولدت قيصري و عملت بنج نصفي
الحمد لله مرت الامور بسلام.......
انت حتحسي بالام لما تقومي تتمشي.......هي الالام جاامدة شوية بس تحتمل
و كلو باجره
بعدين العناية بالجرح كويس ونظام غدائي كويس........
اسبووع بالكتيير تلاقي نفسك كويسة ان شاااء الله
بس متجهديش نفسك كتييير عشان الجرح

الله يقومك بالسلامة و تفرحي بشوفت البيبي بين احظانك

حبيبت قلبي أميرة وكلي أمرك لله إنشاء الله كل حاجة تمر على خير مفيش لا يكلف الله نفسا إلى وسعها أهم شيء صحتك وصحة الأمورة بالنسبة للقيصري أمي ولدتنا أنا وأخوية وأختي كلنا قيصري الله يديها الصحة وصحتها الحمد لله وأنا لو معاية حد ياخد بإيدي ويساعدني كنت رحت ولدت قيصري بس الي فيها الخير ربنا يقدمها إنسي الخوف إنشاء الله كل حاجة تكون على خير ربنا يطمنا عليكي يا رب

كتبت بواسطة عزف المحبة

حبيبتي الله ييسر لك امورك بالعكس اذا الدكتور كويس و المستشفى نظيف بتكون امورك تمام
اشوف ناس من اقاربي يولدوا قيصري وتمام و الولادات كلها تتعب سواء قيصري او طبيعي
اهم شي صحة البيبي و صحتك
ادعيلي ربي يتمم علي لاني سقطت كثير

حبيبتى عزف المحبة ... جزاكى الله خيرا ويطمن قلبك .. ويارب يارب يكملك على خير ويفرح قلبك بأحلى بيبى .. توكلى على الله فالله خير حافظا ..

كتبت بواسطة pretty_angel

حبيبتي يا امييرة ان شا الله بتؤمي بخيير وسلامة انا زي ما بتعرفي ما مجربي بس زي ما كنت اشوف بترجع لجسم الوحدة في ناس كتيير بتتعزب وبطول الجرح لطييب بس في ناس بتكون اسرع كمان حسب الدكتور الله يسلها عليكي يارب

حبيبتى بريتى انجيل ربنا يكرمك مرورك وكلامك اسعدنى .. ربنا يرزقنا الولادة السهلة يارب اللهم آمين ويكملك ويكملنا جميعا على خير يارب

كتبت بواسطة doaa hamdy

اميره حبيبتي ربنا يقومك بالسلامه ومعاكي احلي لين
انا مجربتش بس كل قرايبي واصحابي الي ولدوا قيصري بعد كام يوم بيبقوا كويسين بفضل الله
توكلي علي الله وان شاء الله خير

ربنا يكرمك يا احلى دودو ويقومك انتى كمان بالسلامة ويفرح قلبك برهوفة القمر .. ونعم بالله التوكل على الله فى الأمور دى أهم حاجة

كتبت بواسطة om zozoo

حبيبتى انا ولدت قيصرى والحمد لله ماتعبت خالص بالعكس انا كان قبلى واحدة بتولد طبيعى كانت صعبانة جدا علية من كتر الالم
وبعد العملية كان بس الالم لما اجى اقوم من السرير كان بيبقى فى وجع مكان الخياطة يومين بالظبط وخف الالم جدا
ماتقلقى حبيبتى بالعكس كل الناس الايام دى بيطلبوا يولدوا قيصرى علشان يريحوا نفسهم من الطلق ووجعه

ربنا معاكى ويكرمك ويرزقك ولادة سهلة ميسرة
بالله عليكى تدعى لى ربنا يوفقنى فى عمليتى ويكون نتيجتها الحمل السليم المعافى ياااااااااااارب

زوزو يا قمر ربنا يكرمك كلامك طمنى كتييييييير .. يارب أسأل الله العظيم رب العرش العظيم ان يوفقك فى عمليتك ويرزقك بتوأم زى القمر ان شاء الله

كتبت بواسطة ~حنين الوطن~

حبيبة ألبي

العملية مو بسيطة بنوب في أول يومين ليها

اول يوم مش بتقدري تتحركي وإنك تمشي خطوتين يعتبر إنجاز عظيم

بس بعد كدا كل يوم بيخف

وتوكلي على الله وما تخافي

خلينا نشوف لين الأمر

حبيبة قلبى يا حلا يا ام لأحلى ليا فى الدنيا .. ربنا يكرمك ويارب يكمل شفاءك على خير يارب .. انا عارفة ان اول يومين بيبقو صعبين بس لو جت على كام يوم مش مشكلة نتحمل .. ويارب بس تيجى لين بالسلامة وانا انسى أى ألم ..

كتبت بواسطة OUM RAYAN 85

أختي اميرة صلاح
هو كل جسم بيختلف عن التاني
أنا ولدت قيصري و عملت بنج نصفي
الحمد لله مرت الامور بسلام.......
انت حتحسي بالام لما تقومي تتمشي.......هي الالام جاامدة شوية بس تحتمل
و كلو باجره
بعدين العناية بالجرح كويس ونظام غدائي كويس........
اسبووع بالكتيير تلاقي نفسك كويسة ان شاااء الله
بس متجهديش نفسك كتييير عشان الجرح

الله يقومك بالسلامة و تفرحي بشوفت البيبي بين احظانك

جزاكى الله خيرا حبيبتى ام ريان .. انا كمان بإذن الله غالبا هعمل بينج نصفى .. وان شاء الله أهتم بالعناية الصحية بعد العملية والله المستعان .. متشكرة اوى على الدعوة الحلوة ربنا يتقبل يارب اللهم آمين

كتبت بواسطة jihane maroc

حبيبت قلبي أميرة وكلي أمرك لله إنشاء الله كل حاجة تمر على خير مفيش لا يكلف الله نفسا إلى وسعها أهم شيء صحتك وصحة الأمورة بالنسبة للقيصري أمي ولدتنا أنا وأخوية وأختي كلنا قيصري الله يديها الصحة وصحتها الحمد لله وأنا لو معاية حد ياخد بإيدي ويساعدني كنت رحت ولدت قيصري بس الي فيها الخير ربنا يقدمها إنسي الخوف إنشاء الله كل حاجة تكون على خير ربنا يطمنا عليكي يا رب

ونعم بالله حبيبتى جيجى.. ربنا يدى الصحة لمامتك يارب .. ويارب تقومى بالسلامة طبيعى يا حبيبة قلبى وتفرحى بشوفة أنوس بين احضانك سليم معافى

حبيبتى يا مرمر مش تخافى ولا تقلقى والله انا اعرف ناس ولدو طبيعى وتعبو جداااااااااااااااااااااا فالولادة وبعدها من الخياطة اللى تحت

وناس ولدو قيصرى وارتاحو بسرعة

ربنا يقومك بالف سلامة انتى ولين وادعيلى