السلام عليكم ورحمة الله وبركاته
كل سنة وانتم بألف خير وعيد سعيد عالجميع أعاده الله علينا وعليكم بالخير واليمن والبركة والرزق والصحة
ما رح طول عليكون يا أخواتي ...
صحيت اليوم مع آثار للسع حشرات على يداي من كتفي لكفي وكلها حبوب متقاربة وحكة فظيعة وأنا حسب معلوماتي ان المراهم الجلدية تضر الحامل
وبصراحة استويت من الحرش والحك وحاسة ان الحبوب رح تلتهب لو بقيت حكها كتير وانا كل الوقت بحاول أبردها بالمي والسبيرتو
انصحوني يا بنات شو العمل ؟؟ والله تعبت ومنظر يداي اتشوهت بهالعيد
ساعدوني وانصحوني علما اني حامل في الشهر السادس وزوجي راح الصيدلية وقالولو ان الادوية مضرة للحامل ...!!!!
أرجوكم ما العمل؟؟؟؟

حبيبتي ما عليكي إلى بفرك ليمونة
على إيدك أو قطن مبلول بالخل ودهني
المكان إنشاء الله ترتاحي بس إستحملي شوية
لأنك عارفة الحامض بس روعة

و الله ما اعتقد في احسنلك من الماء البارد و الكمادات
و سمعت انو اللي بدهن ايده متلا بزيت الزيتون و بنام و ما بتقرصه الحشرات و الف سلامة الك و للبيبي

بس ديري بالك يكون في حشرات بالبيت

الله يشافيك و يعافيك وطمنينا

على فكرة بعتت الك ايميل ارجو الرد ان وصل

بالنسبة لي بفرم فص ثوم ناعم وأدهن به مكان القرص وان شاء الله بتشفي.

اقطعي فص الثوم لنصفين وافركي به مكان اللسع " ممتاز للسعات النحل"و لو كان اللسع منتشر بشكل كبير افركي عليه شرائح ليمون
شافاكي الله و عافاكي

أخواتي مشكورين عالرد وعنصائحكم القيمة
لكن بالنسبة للتوم فريحتو كتير قوية كيف بدي روح الريحة بعد ما افرك مكانها؟؟
والحبوب اليوم كأن صار تحتها مي شكلها التهبت ... الله يصبرني ويشفيني منها يا رب