السلام عليكم

ازيكم يا بنات


من 3 اسابيع تقريبا حسيت بانقباضات منتظمة فى الرحم بس بدون مغض او وجع ظهر الحمدلله

تتكرر مرات كتير ورا بعض و تقف لمده ساعة او اتنين و ترجع تانى

رحت لدكتورة قالتلى ان الجنين عنده فواق ( زغطة - حازوقة ) و ده سبب الانقباضات بس حذرتنى لو حصل مغص او وجع ظهر اتصل بيها فورا
علشان كده انا مصدقتش حكاية الزغطة دى

و بعدها كان معادى عند الدكتور اللى بتابع عنده قاللى لا مش زغطة الزغطة الام مش بتحس بيها و فى نفس الوقت مش قاللى على سبب للانقباضات دى قاللى بس اتطمنى كله تمام

النهاردة رجعتلى تانى و نفسي اعرف سبب ليها مش عارفة

بتمنى اى اخت عندها فكرة او تجربة مع الانقباضات دى تفيدنى

و جزاكم الله خيرا

أنا جاتلي انقباضات في الرحم من الشهر الثالث المهم اكتشفت في الشهر الرابع ان المشيمه ساقطة لتحت فارتحت في البيت وبدأت الانقباضات تخف مع طلوع المشيمه وهي انقباضات الحمد لله من غير مغص ولا ألم ظهر لكن من كثره شكوتي منها الدكتور وصفلي مثبت أخذته من الشهر الخامس لتهدئه عضلات الرحم (احتياطي لأن عندي سابقتين اجهاض)والحمد لله الانقباضات خفت المهم التقليل من المجهود والعصبيهوالمشي وطلوع السلم وبلاش الاكثار من التمر أنا لاحظت بان بطني بتتحجر مع أكل التمر الكتير يعني كفايه تمرتين أو تلاته وربنا يتمم لنا بالخير.

حبيبتي صافي
ان شاء الله خير
ربنا يتمم لك حملك على خير ان شاء الله
وتفرحي بالنونو في حضنك يارب

ما بعرف شو سبب هالانقبضاات
..
الاحسن تشوفي طبيبك دائما لتطمني عالجنين

..
الله يتمملك على خير يااارب

حبيبتى فى علاج بيتاخد لانقباضات الرحم وبيمنع الطلق المبكر انا الدكتورة كتبتهولى رغم ان محصليش اى انقباضات الحمد لله بس ادتهونى هبداو فنص السادس

حبيبتي صافي
انا كمان عندي نفس الانقباضات وانا بالشهر السابع الحين
ولما سالت الدكتورة قالت عادي
ولو اني قلقة من الناحية هذي لكن شو نعمل
خليها على الله
وما تعملي اي مجهود

ربنا يطمنكم يارب
ويكملنا على خير جميعا ان شاءالله

حبيبتى ربنا ما يخسرك ابدا وتفرحى بيه وتقومى بالسلامه ان شاء الله اسالك الدعاء لى بالحمل السليم المعافى باذن الله

صفصوفه الف سلامه عليكي
في حبوب للانقباضات انا باخدها اسمها يوتوبار وكمان دوفيديلان
انا باخدههم الاتنيين اسألي الدكتور عليهم
وكمان قللي من المجهود وربنا يتممللك علي خير