السلام عليكم ورحمة الله وبركاته



اخواتى

انا ولدت يوم 25/5 .. وتوفى رضيعى
الدكتور كتبلى بعدها حبوب علشان اللبن ينشف من صدرى وما اتعبش ..وف نفس الوقت يساعد المبيض انو ينتج البويضات وميعملش عندى تأخر ف الحمل مره تانيه

المهم

دم النفاس كان اتقطع عندى بعد الولاده بحوالى اسبوعين ..وقبل الاربعين بيوم واحد بدأ بنزل عليا دم كتير اوى وفضل حوالى 3 او 4 ايام ... وسألت هنا ع المنتدى وقالولى دى اخت النفاس ..ولما رحت للدكتور قاللى دا احتقان ف الرحم علشان انا مرضعتش ( تقريبا الرضاعه بتساعد على ان الرحم يعود لطبيعته ومن غيرها حصلى الاحتقان )

المهم

دلوقتى بقالى من يوم ما ولدت شهرين الا كام يوم .. هل ممكن ف الفتره دى يحصل حمل ؟
مع العلم ان الدم اللى نزل لى تانى انقطع عنى حوالى يوم 7/7 او 8/7 .. تقريبا


طيب ينفع اجيب اختبار الحمل واعملو ؟؟ هيبان عندى يعنى ان كنت حامل ولا لآ ..ولا استنى شويه ؟؟

ربنا يعوض عليك يا قمر ويرزقك الذرية الصالحة المعافاة في اسرع وقت
والله ماعندي فكرة بس حبيت ادعيلك

السلام عليكم
ربنا يصبرك و يرزقك بالذرية الصالحه إن شاء الله بس نصيحتى ليكى يا اختى انك تستنى شويه مش تستعجلى على الحمل علشان تكونى استرديتى صحتك و تقدرى تسألى الدكتور عن الفتره اللى تريحى فيها قد ايه و برضه الافضل انك تفضلى متابعه مع الدكتور بتاعك لغاية ما يحصل حمل .

ام سيف .. مورى

اشكركوا ع الرد وربنا يتقبل منكوا يارب دعاكوا

انا امبارح جبت شريط اختبار حمل ومكانش فيه حمل ولا حاجه

شكرا ليكوا ولمتابعتكوا

وعليكم السلام ورحمة الله وبركاته

يا أختي الله يقومك بالسلامة ويعوضك عن ابنك ويرزقك شفاعته ..

حاولي ما تستعجلي على نفسك وخدي فيتامينات وكالسيوم وخدي فترة 6 شهور تريحي جسمك وتهيئيه للحمل الجديد ..

ينقل الموضوع لركن الحمل والولادة..

ربنا يعوضك ياحبيبتى ويرزقك بالذرية الصالحة والله ماعندى فكرة بس حبيت ارد عليكى الاخوات يفيدوكى ان شاء الله

حمرة الورد .. اشكرك على متابعتك الكريمه.. والدكتور بتاعى قاللى سيبيها كدا وبلاش تاخدى اى موانع .. لو حصل حمل خير ولو محصلش يبقى مفيش مشاكل


د/دودو .. اشكرك حبيبتى لمرورك ودعائك




ربنا يتقبل منكوا دعاكوا يارب

ربي يعوضك خير حبيبتي ولا تياسي من رحمة الله
انا مريت بهالتجربه المريره وكان عمر طفلي اربعين يوما توفي نتيجةخطا طبي ولله الحمد
بس من حالتي النفسيه والالحاح للحمل تاخرت عامين والفضل لله تم الاستغفار رزقني الله بااحلي اسيل وانا الان حامل ادعيلي ان يكون ولدومن نصيبي
نصيحتي لكي ان تبعدي فكرة الحمل عنك حتي يحصل بادن الله لان الحاله النفسيه لها دور كبير وداومي علي الاستغفار
وربنا يرزقك الدريه الصالحه عاجلا غير اجلا يارب

السلام عليكم
أم أسيل الله يحفظ بنتك ويرزقك مولود ذكر صالح بار صحيح معافى
كيف اتخلصت بعدها من الأفكار اللي تمنع الحمل ؟أ قالتلي الطبيبة ان سبب تأخر الحمل عندي نفسي بس ما عم اقدر شيل الفكرة من راسي شو رأيك؟