انا محتاره ونفسى اخد راى اللى سبقونى فى المنتدى

الولاده القيصرى افضل من حيث التعب قبل وبعد العمليه ومن حيث المحافظه على صحه البيبى
ولا الطبيعى مع العلم انه لازم يكون فيه شق عجان (فتحه لتوسيع المهبل)

لانى سمعت ان عمليه شق العجان دى صعبه جدا بعد الولاده يعنى الواحده لا تعرف تقعد ولا تقوم ولا تدخل الحمام (الله يكرمكم)

كمان هذه المنطقه محتاجه نظافه شديده واهتمام شديد و عدم التعرض للرطوبه وهذه كلها اشياء صعبه بعد الولاده

كمان سمعت ان مش كل الدكاتره مهما كانت خبرتهم بيعملوا عمليه شق العجان دى بشكل كويس فسمعت عن اخوات كثيرات سببتلهم العمليه دى تمزق فى عضلات العجان واحيانا تمزق فى عضلات التحكم فى البول او البراز (الله يكرمكم)


واسوء شئ انى سمعت عن اخت بعد عمليه شق الجان دى مكنش عندها قدره نهائيا انهاا تتحكم فى البول او البراز(الله يكرمكم) وتقول ان الدكتوره قطعت الضلات الموجوده فتسببت بفتح هذه المنطقه

ربنا يعفى عنا

وطبعا انا خايفه جدا ومش عارفه اطلب من الدكتور يولدنى قيصرى ولا استنى الطبيعى

طبعا انا هصلى استخاره
بس كمان الاستشاره مع الاستخاره

ياريت اسمع ردودكم جميعا وخصوصا المجربين

ربنا يقومك بالسلامه يااااارب
عن نفسى انا ولدت قيصرى بس دى كان بسبب ضيق فى الحوض والدكتوره قالت لى مينقعش لى الا القيصرى .. هو صحيح سهل لانك مش هتسى بالالم الطلق بس المشكلة بعد العمليه
اول يوم دى تقريبا مش بتقدرى تتحركى خالص بمعنى الكلمة يعنى ولغايه يومين وبعدها بتقدرى تتحركى على خفيف لغايه اسبوع او عشر ايام وممكن اكتر على حسب حالة الجرح
بس مشكلة القيصرى انه اولا بيترك علامه مكان الفتح مهما كان فى عمليات تجميل بس بيسيب اثر وكمان بيعمل بطن عاليه مش بتقدرى تتخلصى منها بسهوله ، انا عارفه ان فى كلا الاحوال بيبقى فى بطن بس القيصرى بيبقى اكتر ، انا بقى لى سنة ونص والده ولسه عندى بطن مش عارفه اتخلص منها مع انى بعمل تمارين للبطن كتير هى نزلت بس مش زى لاول طبعا

ثانيا الجرح هيفضل يتعبك مدة طويله اوى عند كل حر شديد او برد شديد هتحسى بالم مكان الجرح

ثالثا بالنسبة للحاجات اللى سمعتيها عن الشق فانا مش عارفه بصراحه بس مرات اخوى ما شاء الله ولدت 3 مرات طبيعى وبشق وكانت يوم ولا اتنين وبتقوم زى الفل او بالكتير اوى اسبوع وبيبقى ولا كان حاجه حصلت بمجرد ما السلك بينزل ، انتى بس دورى على دكتور او دكتوره يكونوا كويسين

الاهم من دى كله انك تسبيها لله يعنى روحى للدكتور واتاكدى الاول انك معندكيش حاجه تمنع الولاده الطبيعى متعمليش زيى فضلت قاعده لغايه ما جالى الطلق 12 ساعه وفى الاخر اكتشوا ان الحوض ضيق يعنى من البدايه اكشفى واتاكدى ولو مفيش موانع استنى الطبيعى واللى فيه الخير ربنا هيكتبه لك سواء طبيعى او قيصرى بس اوعى تروحى للدكتور من اللى بقوا بيستسهلوا القيصرى بسبب او بدون سبب والموضوع دى انتشر كتيييييييييير جدا اليومين دول

وخلى بالك ان فى حديث عن الرسول فيما معناه ان طلقه واحده من الالم الولاده بتغفر لك ذنوب كتيييييييييييير اوى

وربنا يقومك بالسلامه يارب ويرزقك بالذريه الصالحه

بالنسبة لي ...أنا كان نفسي أولد طبيعي وكنت قلقة جدا من القيصرية والحمد ولدت طبيعي بالشق طبعا لأني بكرية

وبالنسبة للشق زي ما قالتلك وفاء أهم حاجة يكون دكتور أو دكتورة كويسة والأفضل دكتور (عن تجربة)

وعلى فكرة أنا كنت بتحرك عادي ومن أول يوم كمان بس كنت أجد صعوبة لما آجي أقعد أو أقوم لكن طول ما انتي قاعدة أو ماشية مافيش مشكلة الصعوبة فقط عند تغيير الوضع من الوقوف إلى الجلوس أو العكس
بس هما كام يوم وارتاحت بعدها

وبالنسبة لدخول الحمام (أعزكم الله) أنا ماكنتش بقدر أقعد ع التواليت ...فكنت بشطف نفسي في البانيو وبمية دافية مع الغسول الخاص اللي الدكتور كان كاتبهولي لحد مالخيط نزل وبعد كده استخدمت التواليت عادي

وبالنسبة للألم بعد الولادة الدكتور كان كاتبلي على جل مسكن يدهن على الجرح بس أنا ما استعملتوش
يعني كل حاجة هتلاقي لها حل إن شاء الله

حبيت بس أكتبلك عن تجربتي وآسفة ع الإطالة

ربنا يرزقك ولادة سهلة وميسرة وسيبيها على ربنا أكيد هيختارلك اللي فيه الخير

بصراحة انا ولدت ابني الاول طبيعي مع الشق لكن تعبت جدا لمدة 15 يوم وكان الجرح صعب
في الجلوس والقيام لكن لم اعاني في دخول الحمام بالعكس كنت استريح في الماء
لكن الحمد لله لم تحدث لي اي مضاعفات والطبيبة كانت ممتازة والحمد لله
طفلي الثاني ولدته قيصري والحمد لله كانت ولاده سهلة مع نفس اطبيبة والام اول يوم فقط
وارتحت
نصيحتي لك
ان تتركي كل شئ لله سبحانه وتعالى ولا تختاري اي نوع ولادة وانتظري ما يقوله الطبيب
ربنا يقومك بالسلامة يارب

الله يقومك بالسلامه يارب
انا كان نفسي اولد طبيعي..بس قدر الله وماشاء فعل,قبل موعد ولادتي بيومين الدكتور كشف عليه وقالي انو الرحم مش فاتح وقالي انو مش حيعطيني طلق صناعي لانو جسمي مش حيستجيب للطلق..طبعا تعبت بعد العمليه ومكنتش بعرف اقوم والحركه صعبه,يمكن لمده اسبوع
بس بصراحه انا شايفه انو القيصيري احسن,بدل تعب الطلق
بس برضو انتي سيبي نفسك للاخر ,طبيعي او قيصري كلو بأمر الله.

السلام عليكم ورحمة الله وبركاته
جربت الاثنين,,بس الطبيعي مع دكتورة ممتازة بيكون افضل طبعا
لانه القيصريه حتى بعد فترة بيكون الها اثر وتعب
وتركيها على ربك
والله يقومك بالسلامه

كتبت بواسطة WaFa2

ربنا يقومك بالسلامه يااااارب
عن نفسى انا ولدت قيصرى بس دى كان بسبب ضيق فى الحوض والدكتوره قالت لى مينقعش لى الا القيصرى .. هو صحيح سهل لانك مش هتسى بالالم الطلق بس المشكلة بعد العمليه
اول يوم دى تقريبا مش بتقدرى تتحركى خالص بمعنى الكلمة يعنى ولغايه يومين وبعدها بتقدرى تتحركى على خفيف لغايه اسبوع او عشر ايام وممكن اكتر على حسب حالة الجرح

طب مهو برده الجرح من تحت هيكون كده واكيد اسوأ عشان المنطقه اللى فيها
بس مشكلة القيصرى انه اولا بيترك علامه مكان الفتح مهما كان فى عمليات تجميل بس بيسيب اثر وكمان بيعمل بطن عاليه مش بتقدرى تتخلصى منها بسهوله ، انا عارفه ان فى كلا الاحوال بيبقى فى بطن بس القيصرى بيبقى اكتر ، انا بقى لى سنة ونص والده ولسه عندى بطن مش عارفه اتخلص منها مع انى بعمل تمارين للبطن كتير هى نزلت بس مش زى لاول طبعا

وبرده الفتح من تحت بيسيب علامه بس طبعا اصغر عشان عدد الغرز اقل وبالنسبالى كده كده الحمل شوه بطنى تقريبا الله يكون فى عون جوزى وبالنسبه للبطن العاليه اعتقد ان دى طبيعه جسم لانى شفت كتييييييييييييييييير عاملين قيصرى وبعد فتره بطنهم كانهم متجوزوس ولا خلفوش وشفت من اللى ولدو طبيعى وبطنهم عليت

ثانيا الجرح هيفضل يتعبك مدة طويله اوى عند كل حر شديد او برد شديد هتحسى بالم مكان الجرح


ثالثا بالنسبة للحاجات اللى سمعتيها عن الشق فانا مش عارفه بصراحه بس مرات اخوى ما شاء الله ولدت 3 مرات طبيعى وبشق وكانت يوم ولا اتنين وبتقوم زى الفل او بالكتير اوى اسبوع وبيبقى ولا كان حاجه حصلت بمجرد ما السلك بينزل ، انتى بس دورى على دكتور او دكتوره يكونوا كويسين

مرات اخوكى كل مره بشق؟؟؟؟؟؟؟؟؟؟؟؟؟ ده انا سمعت ان الشق ده بيكون فى اول مره بس الله يكون فى عونها

الاهم من دى كله انك تسبيها لله يعنى روحى للدكتور واتاكدى الاول انك معندكيش حاجه تمنع الولاده الطبيعى متعمليش زيى فضلت قاعده لغايه ما جالى الطلق 12 ساعه وفى الاخر اكتشوا ان الحوض ضيق يعنى من البدايه اكشفى واتاكدى ولو مفيش موانع استنى الطبيعى واللى فيه الخير ربنا هيكتبه لك سواء طبيعى او قيصرى بس اوعى تروحى للدكتور من اللى بقوا بيستسهلوا القيصرى بسبب او بدون سبب والموضوع دى انتشر كتيييييييييير جدا اليومين دول

وخلى بالك ان فى حديث عن الرسول فيما معناه ان طلقه واحده من الالم الولاده بتغفر لك ذنوب كتيييييييييييير اوى


وربنا يقومك بالسلامه يارب ويرزقك بالذريه الصالحه

الف شكر ع الدعوه الحلوه بس انا من اللى شفته حواليا فيه ناس ولدت قيصرى وفضلت تعانى اكتر من شهر وفيه اللى قامو بعد يومين او تلاته


كمان من اللى عملو شق منهم اللى تعب قوى وفضل اكتر من 15 يوم مش عارفه تتحرك خالص ومنهم اللى قام بعد يومين تلاته ولا كان حاجه حصلت


عموما الف شكر ع الرد والمعلومات بجد كان نفسى احس انه فيه حد يتكلم معايا ويهدينى

كتبت بواسطة سمسمة22

بالنسبة لي ...أنا كان نفسي أولد طبيعي وكنت قلقة جدا من القيصرية والحمد ولدت طبيعي بالشق طبعا لأني بكرية

انا كمان فى الاول كان نفسى اولد طبيعى بس بعد ما فكرت فيها خفت وانا كمان بكريه فاكيد هيكون فيه شق

وبالنسبة للشق زي ما قالتلك وفاء أهم حاجة يكون دكتور أو دكتورة كويسة والأفضل دكتور (عن تجربة)
المشكله انى مش قادره اثق 100% لا فى الكتور ولا الدكتوره
وانا فعلا بتابع مع دكتور لانى شفت من الستات الجهل كله الله يسامحهم ع اللى بيعملوه فى الناس

وعلى فكرة أنا كنت بتحرك عادي ومن أول يوم كمان بس كنت أجد صعوبة لما آجي أقعد أو أقوم لكن طول ما انتي قاعدة أو ماشية مافيش مشكلة الصعوبة فقط عند تغيير الوضع من الوقوف إلى الجلوس أو العكس
بس هما كام يوم وارتاحت بعدها

وبالنسبة لدخول الحمام (أعزكم الله) أنا ماكنتش بقدر أقعد ع التواليت ...فكنت بشطف نفسي في البانيو وبمية دافية مع الغسول الخاص اللي الدكتور كان كاتبهولي لحد مالخيط نزل وبعد كده استخدمت التواليت عادي

دخول الحمام برده من الحاجات اللى شايله همها
وبالنسبة للألم بعد الولادة الدكتور كان كاتبلي على جل مسكن يدهن على الجرح بس أنا ما استعملتوش
يعني كل حاجة هتلاقي لها حل إن شاء الله

حبيت بس أكتبلك عن تجربتي وآسفة ع الإطالة

ربنا يرزقك ولادة سهلة وميسرة وسيبيها على ربنا أكيد هيختارلك اللي فيه الخير

الف شكر ع الدعوه وشكرا جدا على مشاركتك لتجربتك
وبعدين انتى مطولتيش خالص الواحد كان مرعوب وربنا اللى عالم بعد مشاركاتكم دى انا هديت قد ايه

كتبت بواسطة ام سيف2007

بصراحة انا ولدت ابني الاول طبيعي مع الشق لكن تعبت جدا لمدة 15 يوم وكان الجرح صعب
في الجلوس والقيام لكن لم اعاني في دخول الحمام بالعكس كنت استريح في الماء
لكن الحمد لله لم تحدث لي اي مضاعفات والطبيبة كانت ممتازة والحمد لله
طفلي الثاني ولدته قيصري والحمد لله كانت ولاده سهلة مع نفس اطبيبة والام اول يوم فقط
وارتحت
نصيحتي لك
ان تتركي كل شئ لله سبحانه وتعالى ولا تختاري اي نوع ولادة وانتظري ما يقوله الطبيب
ربنا يقومك بالسلامة يارب

ونعم بالله انا طبعا سيباها على الله بس كمان لازم افكر
وانا كمان شايفه ان فيه ناس كتير تعبت من الطبيعى اكتر من القيصرى ونفسى اعرف السبب

كتبت بواسطة lolla80

الله يقومك بالسلامه يارب
انا كان نفسي اولد طبيعي..بس قدر الله وماشاء فعل,قبل موعد ولادتي بيومين الدكتور كشف عليه وقالي انو الرحم مش فاتح وقالي انو مش حيعطيني طلق صناعي لانو جسمي مش حيستجيب للطلق..طبعا تعبت بعد العمليه ومكنتش بعرف اقوم والحركه صعبه,يمكن لمده اسبوع
بس بصراحه انا شايفه انو القيصيري احسن,بدل تعب الطلق
بس برضو انتي سيبي نفسك للاخر ,طبيعي او قيصري كلو بأمر الله.

الف شكر ع الدعوه المشكله كمان انى لما سالت عرفت انى مش انا المعرضه للخطر من الطبيعى لاء كمان البيبى من مشاكل نقص الاكسجين ومشاكل شد البيبى بشكل غلط سواء من الايد او الرجل او حتى الراس اللى بيخلى البيبى مش طبيعى الله يسامحهم وده مش موجود فى القيصرى

يعنى القيصرى لو فيه منه ضرر يبقى على الام بس


الله يسامح الدكاتره اللى بيعملو كده فى الناس