محتاره يا بنـــات
السلام عليكم
يارب تكونوا كلكم بخير
عيزاكم تساعدوني بارائكم في موضوعي
انا حامل و مغتربه و في حيره جدا ان كنت اولد في البلد التي نقيم فيها انا و زوجي ام اعود الى بلدي و اولد بين اهلي مع امي
المشكله اني كانت مستعده نفسيا للوالده هنا مع زوجي و ماما كانت هتجيلي بس سبحان الله اختي حملت بعدي باسبوع فماما كده مش هتقدر تسيبها و تجيلي
انا في بيتي هنا حاسه اني هكون مرتاحه اكتر وخاصه اني لسه معنديش شقه في بلدي و هطر اعد عند ممتي لو سافرت و كمان اختي جوزها سعات بيسافر لمده قصيره هي كده هتيجي برده تعد عند ماما... و انا خلاص هسافر بعد رمضان يعني على نص شهر 9 (دي اجزتنا السنويه كنت ناويه ارجع مع جوزي)و انا ولدتي في شهر 1 و لو قررت اولد في بلدي بكده جوزي هيرجع علشان ظروف شغله و المده دي كلها هيعد لوحده.
و عند ماما حاسه اني هكون عبئ و مش هكون على رحتي يعني انا في بيتي بكون كسلانه قوي و بقوم اخلص البيت على مهلي ..طبعا مش هينفع اعد عندهم وابقه زي البرطه...هههههه...و بالذات ان ماما بيكون عليها ضغوط كتير و مسؤليات علشان بابايا مسافر
و طبعا انا مش عارفه الولاده هتكون ازاي دي اول مره ليا مش خايفه من الولاده ان شاء الله يعني انا ممكن اتحمل اي حاجه بس انا خايه معرفش اهتم بالنونو.فلازم ماما تكون معايا.
طبعا لو ولدت في بلدي هيكون وسط اهلي و اهل جوزي و هيكون الاحساس غير و سط الناس و الفرحه باول مولود ان شاء الله.بس احتمال جوزي ميقدرش ينزل ايام الولاده ممكن بعدها .وطبعا هدخل في حوار تخليص ورق النونو علشان يطلعلوا جواز سفر و انا اقامتي هتخلص لانها مفروض هتتجدد في شهر 12 و كده هدخل في حوار ورق ليا برده وكشف صحي و
و جوزي خايف من ولدتي في بلدي شايف ان المستشفيات كلها اهمال
هي ماما ممكن تيجي هي و فقت قبل كده وقالت يعني ان شاء الله ممكن يكون في فتره بين ولدتي و ولاده اختي و تيجي تعد اسبوعين بس. بس رجعت تاني وقلقت على اختي علشان دي حاجه مش مضمونه.
رد مع الاستدلال
الروابط المفضلة