السلام عليكم ورحمة الله وبركاته



يارب يجعل اوقاتكم كلها بركة وسعاده .. اللهم آمين


كنت حابه اسألكوا على حاجه وياريت اللى عندها خبره تفيدنى او حد مختص يفيدنى

انا ولدت يوم 25/5 .. واتوفى رضيعى بعدها بـ 9 أيام .. والدكتور قاللى على دوا علشان ينشف اللبن اللى ف صدرى وقال انو لو زاد هيتعبك ويعملك سخونيه ( على حد قول اللى كلموا الدكتور بالنيابه عنى لانى كنت مريضه إثر موت رضيعى ) .. المهم استمريت ع الدوا لغاية ما اللبن تقريبا نشف .. ودلوقتى لما اضغط اووووى ع الحلمه يطلع نقطه حاجه لونها يميل انو يكون شفاف



المهم .. دا مش موضوعنا


من مده يومين كدا ( دا اليوم التالت بالظبط ) .. لقيت دم نازل عليا .. لونه غامق اوى وشكلوا يختلف عن الدم اللى نزل عليا ف فتره النفاس ( مع العلم ان ف اول فتره النفاس نزل عليا دم فاتح كدا وفضل ينزل اسبوع وشويه وبعد كدا شويه ينزل وشويه يقطع )


انا عاوزه اعرف دلوقتى هل الدم دا دم الدوره ولا دا دم ايه بالظبط ؟؟

.. يعنى معقول يكون فيه بويضه داخل رحمى وانا ف فتره النفاس واحيانا كان بنزل دم النفاس ؟؟


ولو دا دم دوره هل معنى كدا ان ممكن يحصل حمل بعدها ولا ايه بالظبط



معلش رغيت كتير بس دى اول تجربه ليا ف الحمل وما بعده وحبيت استشير اللى ليهم خبره ف الموضوع دا .. ربنا يوفقكوا لما يحبه ويرضاه

يااااااااااااااااااااارب يااااااااااااااا كريم ان تعوضنا خير
و يربط ع قلوبنا بموت اجنتنا و شفيع يكون لكي بإذن ربي في يوم لا ينفع مال ولا بنين
الا من اتى الله بقلب سليم..............الله يرحمنا برحمته...........
الف سلامه عليك قلبي,,,,,,

حبيبتي أنا معرفش للأسف بس حبيت أدعيلك إن ربنا يعوضك عن اللي راح و يصبر قلبك يا رب
بس الأفضل إنك تروحي للدكتور و تسأليه في الموضوع ده
و بالنسبة لصدرك متدوسيش عليه خالص لإن إنتي كده ممكن تخلي اللبن ينزل تاني و النقطة الشفافة دي كام يوم و هتبطل تنزل إن شاء الله

والله معنديش فكرة حبيبتى

بس ياريت ترجعى للطبيب

او ممكن تحللى الدم دة فمعمل تحاليل وهيتعرف سببو

وربنا يعوضك عاجلا غير اجلا

الله لايحرمك من الاطفال ولايحرمنا
بالنسبة للبن أعملى تحليل هرمون اللبن وفى دوا دوستينكس لانة كان عندى افرازات خفبفة وأخذتة والحمد لله نشف خالص
بالنسبة للدم الاسود دة ممكن يكون دورة والله أعلم
كنت عايزة أسالك هونفاسك خلص أمتى ؟
وبردة لازم تريحى رحمك لمدة 3 شهولر على الاقل ودة كلام الدكاترة

الحمد االله على سلامتك وعوضك الله واجرك في مصيبتك استشيري الدكتور افضل

حبيبتي ............ الله يعوضج يارب ... بس سؤال ... شو سبب وفاة الطفل ؟
وبعدين اذا كانت الولاده 25 /5 فانت ماكملت الاربعين بعدج ... عادةً الدم ينزل ويبقع طول فترة الاربعين ... الله ييسر علينا جميعاً ويرزقنا من فضله .. ويقرعيونا جميعاً برؤية اطفالنا يارحيم ...

لا اله الا الله
الله يعوض عليك يا رب بطفل سليم معافى
الحسن انك تستشيري دكتورة يا اختي

بجد ميرسى لكل اللى ردوا عليا ودعوا لى .. و ربنا يتقبل دعواتكم ( اللهم آمــــــــين )


بالنسبه لسؤالك يا فجر .. ان شاء الله كمان يومين ابقى تميت الـ 40 يوم بالظبط ..

عاوزه اسألك انا كمان .. يعنى ايه تريحى رحمك ؟؟
الدكتور قاللى انا مش هعطيكى اى موانع للحمل ولا اى حاجه وقاللى خللى الامور تمشى بطريقه طبيعيه لو حصل حمل يبقى خير ولو محصلش متقلقيش لان نسبه عدم حدوثه بتبقى كبيره شويه ( للى زيى يعنى ) .. ودا ممكن يستمر كام شهر كدا ( اللى هو عدم حدوثه يعنى )


وبالنسبه ليكى يا أم العزيز .. سبب وفاة فلذة كبدى انو جالو صعوبه ف التنفس ولما رحنا المستشفى دخلوه الحضّانه وعملوله اشاعه على صدره و كل دكتور بقا يقوللى على حاجه شكل
وف الاخر اللى اتكتب ف شهاده الوفاة ( ضيق ف التنفس )



ربنا ما يعود الايام دى تانى .. وربنا مايكتبهاش على حد ابدااا

ربنا يعوضك خير عن ما فقدتي
بالنسبة للحليب حطي ورق ملفوف على صدرك وباذن الله ينشف
اما بالنسبة للدم ممكن يكون دم دورة عادي
انا جاتني الدورة 3 ايام بعد انتهاء النفاس واستمرت 10 ايام
دي بيسموها اخت النفاس واه ممكن يحصل حمل بعدها