السلام عليكم

جزاكم الله كل خير علي كل معلومه بعرفها في المكان هنا

والف مليون شكر للكل ولاصحاب فكرة المنتدي

انا في اعراض غريبه حصلالي دلوقت ولسه علي معاد البريود

اسبوع ومش عارفه دي اعراض عاديه اخد لها دوا ولا باذن الله

ممكن يكون حمل فمش اخد ادويه

انا بعد التبويض ب 3 ايام تقريبا حسيت بتقلصات في بطني كام يوم

وبعد كده حسيت بمغص لكام يوم وبعدين بمغص ومعاه الم

زي الم البريود و نفسي قرفانه كده وبحس كتير اني عايزه انام وجالي

صداع يومين ورا بعض

والمغص بيروح وييجي بس با بيطول وسعات بدوخ

انا خايفه اعشم نفسي وربنا مش يريد في الاخر هو الحمد لله علي

كل حاجه اكيد بس مش عايزه اضحك علي نفسي يعني ولو ممكن يكون

تعب عادي اخد حبوب او كده

ياريت تفيدوني بمعلوماتكم ولو دي مش اعراض للحمل

ايه هي الاعراض قبل البريود؟؟؟؟؟؟

أنا معرفش بس إن شاء الله المره دي حمل

خلي أملك في ربنا كبير
وربنا يصلح لك الحال ويكون حمل
بس هي أعراض ما قبل الدورة بتكون مشابهة كثير للوحم
ويمكن انتي من كتر ما شاغلة بالك فبتوهمي نفسك
أنا مش عايزة أوهمك عشان ما يحصلش عكس اللى أقولة وبعدين تزعلي
بس أنا أتمنالك كل الخير
وعالعموم أستني شوية لسه معاد الدورة مجاش
وأن شاء الله نسمع سمع خير
ربي لا تذرها فردا وأنت خير الوارثين
وأرزقها ربي بالذرية الصالحة بفضلك وكرمك يا كريم

تسلمولي بجد وربنا يكرمكم

انشاله تكوني حامل يارب

ربنا يكرمكم

بس انا اقدر مثلا اعمل تيست حمل امتي؟
يعني مش اقدر اعمل تحليل دم بدري؟

كتبت بواسطة برضه زملكاويه

ربنا يكرمكم

بس انا اقدر مثلا اعمل تيست حمل امتي؟
يعني مش اقدر اعمل تحليل دم بدري؟

نصيحة مني متعمليهوش غير بعد ما الدورة تتأخر عشان أنا عملتو في إليوم ال-٢٨ و طلع نيجاتيف و نفسيتي كانت في الأرض رغم اني كنت حمل

مممممم تسلمي عالعموم الصبر مفتاح الفرج واصبر كام يوم دول........ بس كان نفسي اطمن نفسي لو في حاجه واقبل القمر الواقع لو لا قدر الله مش في

المهم الحمد لله علي كل حاجه وربنا يرزقك ويرزقني وكل المسلما بالذريه الصالحه

ومعلش سؤال كمان

هو ممكن الزعل والعصبيه والنرفزه ايام التبويض مش تخلي الواحده تكون حامل؟

الله يرزقك بالحمل يـــــــآآآرب ..