انا تعبانة نفسيا جدا ربنا يرفع عني و خفف علي و علي زوجي اللهم امين
انا عندي ولد عمره 3 سنوات و نصف و عندما بلغ الثالثه فكرت اشيل اللولب علشان ربنا يكرمني بحمل و الحمد لله حدث الحمل و فرحت به جدا و لكن توفي والد زوجي و انا فى الشهر الثالث و حزنت عليه كثيرا لانه كان رجل طيب و حنون ربنا يرحمةو يغفرله و بعد 15 يوم من وفاته ذهبت لمراجعة الطبيبه قالت ان ما في نبض ولازم ينزل و حمدت ربنا كثيرا لله ما اعطي ولله ما اخذ و مر شهرين و حملت فرحت بالحمل جدا و لكني كنت قلقه و هذا طبيعي بعد اي سقط و بعد ما مرت اول ثلاث شهور حمدت ربنا و بدئت اطمئن و شعرت بحركه الجنين و كل شئ جديد جدا و كلما كبر بطني زاد الامل و الامنيات و التخيلات لشكل الطفل و لونه و اختيار اسمه و دخلت فى الشهر الخامس و كل شئ جيد جدا و لكن تكرر ما حدث فى السقط السابق بالظبط سقط ابي بدون سابق انذار و توفي رحمةالله عليه و كانت الفاجعة الكبري و كنت احاول ان اتماسك حتي لا يتكرر ما حدث و لكن هذا خارج عن ارادتي و بعد 15 يوم من وفاة والدي شعرت بألام الطلق و انا فى اخر الشهر الخامس ماذا حدث و نزلت علي قطرات من الدماء و الاام طلق لا تحتمل ذهبت للطبيب و رايت ابني على السونار يتحرك و قلبه ينبض فرحت قلت اذا سوف يعطيني مسكن او يأمرني بالراحه و لكن الكلمه خرجت منه قاسيه الجنين ده لازم ينزل ولو منزلش دلوقتي هينزل بكره انتي بس الي هتتعذبي الحمد لله على قضاءك ياربي اللهم لا اعتراض قلتلو مفيش اي حل تاني يا دكتور قالي لو فى حل تاني كنت هعملو من غير ما ارجعلك و شخص الحاله على ان كيس الميه انفصل عن الجنين و هذا ادي الي طلق مبكر وولاده مبكره
و دخلت حجره العمليات لاضع جنيني الحي حتي يموت امامي واعطاني طلق صناعي و كان الالم فظيع اللهم اجعله فى ميزان حسناتي ووضعت ابني و و يتحرك امامي و كان كامل مخلق ورايته و رايت ملامح وجهه البريئه
و قلتله يا دكتور ده حي ده فى الروح رد على بمنتهي القسوه و قالي هوانا قلتلك انه ميت
قلتلو مينفعش نضعه فى حضانه قالي بدايه من نصف السادس ممكن قبل كده مينفعش ما هذه القسوه و جاءت الممرضه ولفت ابني و هو يتحرك فى قطعه قماش و تركته امامي نصف ساعه حتي هدئت حركته و توفاه الله
و قالو لي يجب ان يكون له اسم سميته عبد لله و ذهبو به الي المقابر و دفن بجوار والدي رحمةالله علي موتي المسلمين
بداخلي مئا ت الاهات ولله لا اعتراض على حكم و قضاء الله ابدا و الحمد لله على السراء و الضراء
ااسف اذا كنت اذيت مشاعركن
ولكن لي رجاء ان تدعو لي بظهر الغيب ان يصبرني الله على فراق الاحبه و ان يجيرني الله فى مصيبتي و يخلفني خيرا منها و ان يعوضني الله قريبا امانه تدعولي انا فى اشد الحاجه للدعاء
الروابط المفضلة