السلام عليكم ورحمة الله وبركاته

ان شاء الله تكونوا بخير يا احلى امهات
والله انا مش عارفه مكان موضوعي فين بس انا برتاح لكلامكم جدا
واللي تعرف شئ ياريت تساعدني
انا الحمد لله حملت مرتين واجهضت في المرتين
مرة بيبي واحد ومرة توأم
وماعندي سبب للتـاخير وزوجي بفضل الله ورحمته تمام
عادي مافي حمل كله بأمر الله لكن إللي اغرب من كده انه مافيش دورة
انا ساعات بكون كده لكن بسبب هرمون اللبن البرولاكتين كل مايكون مرتفع
الدورة ماتيجي لكن لما يكون كويس بفضل الله تيجي منتظمة جدا
واللي حيرني اكثر واكثر ان هرمون اللبن عندي كويس طيب ليه مافي ولا حمل ولا دورة بتتأخر 10 ايام واتعب نفسيا اضر اخد دوفاستون عشان تيجي
هل ده خطأ مني وانا اللي عودتها انها تنزل بالدوفاستون لأني كمان بحس بأعرضها واحسها خلاص بتنزل بس مفيش
وفي حاجه تانيه والله مش عايزة احط بالي فيها بس هي بتيجي في دماغي كثير
انا منتقبه وفي الشارع والله خيمه سوداء والحمدلله يارب على هذه النعمة
ومع ذلك بحب جدا اللبس والعطور والتغيير وده بينعكس على شكلي في البيت احب الملابس يعني شويه تكون مكشوفه وممكن يكون زوجي مش موجود وانا بشتغل في البيت كده والله يغفرلي ويهديني بحب اشوف نفسي في المراية كثير ولما اكون تجمع سيدات بحب اهتم بلبسي وعطوري جايز عشان مش بخرج كده من البيت فبعوض مع النساء والمحارم وفي مرة جارتي الله يبارك لها ويحفظها نبهتني على طريقة لبسي خصوصا لو انا لوحدي في البيت لأن كل واحد له قرين وممكن قرينتي تغير مني وتتعبني في حياتي او صحتي او حملي وكله طبعا بأمر الله
فسألت على الموضوع ده لقيت الكلام صح وفي ناس تأخر حملها بسبب كده ونهم واحده قريبه مننا جدا وسمعت كمان النبي صلى الله عليه وسلم نهي عن كثرة النظر للمرأه والعجب الزينه بس الله اعلم
وانا بقالي فترة سبحان الله العظيم عندي كسل في الطاعات وكسل في شغل البيت وكسل مع زوجي وكل غير عادي في الرقية الشرعية هو كل شئ بيحصل بس بكسل مش بحيوية زي طبيعتي ده غير الاحلام الفظيعة نسأل الله العافيه
اعتدائات وحيوانات غريبه والبيت يكون غير منظم وبخاف من الاعتدائات لدرجة اني بقوم من النوم بصرخ واخاف انام تاني مش عارفه والله ايه ده بالضبط ويارب لو حد يعرف حاجه يفيدني
اولا عشان نفسي وبيتي وزوجي ثانيا عشان الحمل
الله يرزقك كل مشتهية يارب ويثبت كل حمل جديد ويقوم كل حامل بالسلامة اللهم امين
اسفه لو طولت بس ساعدوني
انا كويسه والله الحمدلله لكن تاعبني الكسل وتأخير الدورة والحمل بدون سبب طبي والحمدلله حملت مرتين يعني كل شئ نحسبه بخير
الله يجزيكم الجنه اللهم امين

أسأل الله العظيم ان يشفيك ويبعد عنك كل سوء
وان شاء الله فى القريب ترزقين بالذرية الصالحة
عليك بقراءة سورة البــــــــــــقرة يومياً
ولا تشغلى بالك الا بذكر الله

حبيبتي ربنا يارب يطمنا عليكي بالنسبه لسؤالك عن الدوره مقدرش أفيدك الحقيقه معنديش فكره والله..أنما بخصوص النقطه التانيه بصي أنا كنت زيك كده ولما الموضوع أتطور معايا رحت لمعالج بالقرأن وفعلا قاللي زي ما أنتي قلتي كده أن بلاش أبص فالمرايه غير للضروره ودخول الحمام ربنا يعزك يبقي بسرعه ومن غير تطويل ..وبلاش ملابس مكشوفه وزوجك مش فالبيت وعند النوم بقدر الأمكان يعني ألبسي براحتك وزوجك معاكي بس عند النوم الأفضل تكون الملابس ساتره..وعليكي بسوره البقره تسمعيها أو تقرأيها يوميا مع سوره الصافات وتركزي فيهم ولو حسيتي عند أيه معينه جسمك بينمل كرريها كذا مره..الأذكار يوميا حافظي عليها..
وهاتي زيت زيتون وأقرأي عليه أيات الرقيه وأدهني بطنك منه يوميا ومسك أسود المعالج كان قاللي كده وقرأت بعدها أن المسك الأسود بيضايق وجود الجن اللي بيسبب تأخر الحمل لو موجود فالرحم أو حاجه زي كده مش فاكره بالظبط الحقيقه ..ولو تقرأي أيات الرقيه علي ميه وتغتسلي بيها برضه يبقي كويس...الموضوع بس عاوز صبر شويه ..أنا عانيت منه كتير الحمد لله بس المهم تثبتي لأن موضوع الأحلام ده ووصفك ليها زي ما كنت بشوف وأزيد كمان ربنا يعافيكي ويعافينا..وأن شاء الله ربنا يرزقك يا زوجه الحسن ويرزقني ويرزق البنات ويخلف علينا برحمته أن شاء الله

هلا عزيزتي ربي يحفظك
أطلب منك أنك تقرئ سورة البقرة يوميا تخلصينها ولمدة اسبوع وحاولي تشغلي قران أنا كنت بداية زواجي أخاف كثير وأحلم كوابيس بس لما أقنعت نفسي بأن ربي الحافظ وأنه كل هذة نتيجة القلق النفسي راح كل شي ورجعت حياتي طبيعي واريد أنبهك لشغلة بأن ربك اذا اراد ان يرزقك بيرزقك غصب عن كل الظروف وكل شي مكتوب يعني مكتوب متى نحمل ومتى نلد ولاحد يقدر يغير المكتوب غير ربك
ربي يرزقني وأياك بالذرية الصالحة السليمة آمين

الله يرزقك بالذرية الصالحه,,

السلام عليكم

ألف سلامه عليكي يامني

طيب إعملي زي ماقالت ستيل هير علشان هي أدره شويه

لأنها راحت الشيخ وكده

وحاولي تقري سورة البقره ولو جزء بسيط في اليوم

ولازم تداومي علي الرقيه وسورة الأنبياء كثير وإدهني بي زيت مقري عليه

وإن شاء الله خير.

أنا كمان زيك في البيت بلبس بي رحتي خالص وبي تجيني كوبيس

بس مش بحب أبص في المرايه ونبهتيني لموضوع اللبس الله يبارك

فيكي ويشفيكي يارب.

اختي منى

اسال الله العلي القدير ان يشفيك شفاءا لا يغادر سقما انه ولي ذلك والقادر عليه

انا بفضل الله رديت ع الجزء الاول من موضوعك في ملف الامهات ان شاء الله تقرئيه وتلاقي فيه المفيد .

اما بالنسبة للشق التاني فانا بفضل الله يا منى من مدة بسيطة كتبت موضوع له علاقة بالطرح اللي انت بتقولي عليه وانا متأكدة من بحث سمعته قريب انه اغلب مشاكل الارحام بتكون د مع غياب السبب العضوي } بسبب قرين او حسد او عين خصوصا انك بتخرجي امام النساء بشكل اللي وصفتيه .

قال صلى الله عليه وسلم {العين حق ولو كان شيء سابق القدر لكانت العين } او كما قال حبيبنا محمد صلى الله عليه وسلم

اختي سورة البقرة تقرأ كل ثلاث ايام كما اشار الحبيب المصطفى صلى الله عليه وسلم وكل اللي قالت عليه اختنا نورهان تعملي بالضبط ....... لاني عملت متل ما قالت من قبل الحمل والحمد لله ربي من علي بالحمل .......... هده الايام رجعت اعمل كل شي انا وزوجي من زيت و ماء {طبعا لو زمزم يكون نور ع نور} وقرأة سورة البقرة بفضل الله بس ان شاء الله بدي اغتسل بالماء انا وزوجي .

اذا بدك اي استفسار حياك الله ..........................

اختي الصوم جنة ............ قال صلى الله عليه وسلم {صوموا تصحوا}

نفعني الله واياك بالقرآن العظيم وجعله الله لنا واياك والمسلمين نور ورحمة

اختى منى اسال الله العظيم الكريم ان يرزقك الذريه الصالحه عاجلا غير اجلا
بصى حبيبتى
اولا انتى محتاجه ترقى نفسك وااقرى سورة البقره بنيه الشفاء من اى مكروة او حتى عين حاسد
ثانى حاجه هدى نفسك خالص وشيلى موضوع الحمل من راسك لان كتره التفكير فى الموضوع بيلخبط هرموناتك وممكن يضعف التبويض ويلغى عمليه التخصيب للبويضه صدقينى اكبر ضرر وامن احدى الاسباب الرئيسيه للى بتعانى منه هو نفسيتك
وتفكيرك الدائم بالحمل اتركيهاا على الله واشغلى نفسك بشىء تاانى .
واخيراا داومى على شرب البردقوش فهو ينظم الدوره واتمنى اليكى الشفاء العااجل حبيبتى

كتبت بواسطة ريتالى

أسأل الله العظيم ان يشفيك ويبعد عنك كل سوء
وان شاء الله فى القريب ترزقين بالذرية الصالحة
عليك بقراءة سورة البــــــــــــقرة يومياً
ولا تشغلى بالك الا بذكر الله

جزاكِ الله خيرا حبيبتي والله لا يحرمني منك يارب
والله يرزقك بكل ماتتمني

كتبت بواسطة still_here

حبيبتي ربنا يارب يطمنا عليكي بالنسبه لسؤالك عن الدوره مقدرش أفيدك الحقيقه معنديش فكره والله..أنما بخصوص النقطه التانيه بصي أنا كنت زيك كده ولما الموضوع أتطور معايا رحت لمعالج بالقرأن وفعلا قاللي زي ما أنتي قلتي كده أن بلاش أبص فالمرايه غير للضروره ودخول الحمام ربنا يعزك يبقي بسرعه ومن غير تطويل ..وبلاش ملابس مكشوفه وزوجك مش فالبيت وعند النوم بقدر الأمكان يعني ألبسي براحتك وزوجك معاكي بس عند النوم الأفضل تكون الملابس ساتره..وعليكي بسوره البقره تسمعيها أو تقرأيها يوميا مع سوره الصافات وتركزي فيهم ولو حسيتي عند أيه معينه جسمك بينمل كرريها كذا مره..الأذكار يوميا حافظي عليها..
وهاتي زيت زيتون وأقرأي عليه أيات الرقيه وأدهني بطنك منه يوميا ومسك أسود المعالج كان قاللي كده وقرأت بعدها أن المسك الأسود بيضايق وجود الجن اللي بيسبب تأخر الحمل لو موجود فالرحم أو حاجه زي كده مش فاكره بالظبط الحقيقه ..ولو تقرأي أيات الرقيه علي ميه وتغتسلي بيها برضه يبقي كويس...الموضوع بس عاوز صبر شويه ..أنا عانيت منه كتير الحمد لله بس المهم تثبتي لأن موضوع الأحلام ده ووصفك ليها زي ما كنت بشوف وأزيد كمان ربنا يعافيكي ويعافينا..وأن شاء الله ربنا يرزقك يا زوجه الحسن ويرزقني ويرزق البنات ويخلف علينا برحمته أن شاء الله

حبيبتي يانورهان الله يريح قلبك يارب ويعوض عليكِ مش عارفة اقولك ايه انا عملت زي ماقلتي وعملت رقيه مش هقولك حسيت بحاجه جامدة بس زي ماتقولي كده تنميل ضعييييييييييييييف في رجلي ورغبه جامدة اوي اني عايزة اخلص الرقيه يعني كنت بقولها بملل بس عاندت وقلتها للاخر وشربت منها بعدها والله حسن قالي وشك والله اتغير بقالي كم يوم حاسه غريب بس دلوقتي احسن فمش عارفه ده ايه بس على العموم الحمدلله اني استجبت ادعيلي يانور ادعيلي