اللى عندها خبرة فى موضوع الحصبة الألمانية تفيدنى الله يكرمكم

**أميرة صلاح** · 09-06-2010, 11:52 PM

السلام عليكم ورحمة الله وبركاته
حبيباتى فى الله .. انا حامل فى نصف الشهر الخامس وكنت عاوزة آخد رأيكم فى حاجة ... اللى عندها خبرة فى موضوع الحصبة الألمانى ترد عليا

انا أختى بكرة جاية تقيم معانا عند ماما علشان جوزها مسافر .. المهم ان بنوتتها عندها حصبة ألمانى .. هيا الحمد لله نقدر نقول خفت خلاص او مثلا فى أخر حاجة والأعراض تقريبا كلها اختفت حتى الطفح الجلدى غالبا راح .. وانا الحمد لله جاتلى الحصبة الألمانى قبل كدا وانا عندى 19 سنة .. وحتى عملت التحليل بتاعها فى حملى اللى فات والدكتور قالى عندك مناعة منها خلاص .. بس هل اقدر أشيل البنت عادى والعب معاها وكدا وخلاص طالما جاتلى تبقى المناعة تامة بإذن الله ؟ والا رأيكم ابعد عن البنت شوية

انا اصلى بموت فيها ومجرد ما اشوفها مش همسك نفسى هههههه وهلعب بيها

والا مينفعش ابقى معاهم فى نفس البيت ؟؟ اصل انا كمان زوجى مسافر !!!

مستنية رأيكم

**أميرة صلاح** · 10-06-2010, 12:24 AM

ايه يا بنات محدش عنده علم بالموضوع دا؟

**doaa hamdy** · 10-06-2010, 01:29 AM

الي اعرفه يا ميرو ان خلاص طالما في مناعه يبقي اطمني
بس الاضمن تسألي الدكتور
ربنا يحميكي يا حبيبتي ويحمي النونه ان شاء الله

**أميرة صلاح** · 10-06-2010, 02:01 AM

متشكرة يا دودو تعباكى معايا يا حبيبة قلبى

**hodo_78** · 10-06-2010, 02:05 AM

ماتخافى يا اختى
توكلى على الله
وخصوصا ان مرحله الخطر بالنسبه ليكى فاتت لانك فى الشهر الخامس

**أميرة صلاح** · 10-06-2010, 02:06 AM

كتبت بواسطة hodo_78

ماتخافى يا اختى
توكلى على الله
وخصوصا ان مرحله الخطر بالنسبه ليكى فاتت لانك فى الشهر الخامس

ربنا يكرمك متشكرة اوى بس يعنى هو طالما انا عندى مناعة يبقى مفيش خطر على البيبى هو كمان؟

**نووودى** · 10-06-2010, 12:07 PM

ميرا حبيبتى متقلقيش ان شاء الله والعبى بحلا زى ما انتى عايزه
اولا طالما عندك مناعه منها البيبى كمان بيبقى عنده مناعه وثانيا انتى عديتى شهور الخطر فى العدوى باذن الله

و زياده فى الاحتياط مش لابس بوس كتييير بقى ههههههه لحد ما تتأكدى انها خفت خالص باذنت الله

والف سلامه عليها و صليلها سلامى هى ومامتها و خالتها ههههههههه

**أميرة صلاح** · 10-06-2010, 12:38 PM

نوووووووووودى حبيبتى وحشانى اوى .. ازيك وازى كتاكيتك ... انا كلمت الدكتور يا نودى وقالى يستحسن متباتيش معاهم فى نفس البيت .... قالى انا عارف انها جاتلك قبل كدا وانك فى نص الخامس بس الإحتياط واجب فى حالتك انتى بالذات علشان اللى حصل الحمل اللى فات .. فهروح بقى عند اختى يومين والا حاجة .. وبصراحة فعلا طول ما انا مع حلا مش هقدر امسك نفسى واشيلها كتير وكدا .. دانا ماسكة نفسى بالعافية دلوقتى وهيا قاعدة جنبى

**doremi** · 10-06-2010, 02:23 PM

..الي بعرفه انو فترة اتتقال العوى لما بكون المريض عندو ارتفاع بالحراره ..ومدام انها شفيت انشاءالله ما في خطر

**أميرة صلاح** · 10-06-2010, 03:08 PM

كتبت بواسطة doremi

..الي بعرفه انو فترة اتتقال العوى لما بكون المريض عندو ارتفاع بالحراره ..ومدام انها شفيت انشاءالله ما في خطر

جزاكى الله خيرا حبيبتى على الرد ... بإذن الله ربنا يعافينا جميعا وان شاء الله هاخد الإحتياطات بس اهو الواحد بيأخذ بالأسباب

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اللى عندها خبرة فى موضوع الحصبة الألمانية تفيدنى الله يكرمكم

أدوات الموضوع

العرض