السلام عليكم ورحمة الله: معلهش يا بنات وسيدات لكي, لجأت ليكم بعد الله, لما لاقيت نفسي مش قادرة اتصرف.
الموضوع ببساطة اني كنت حامل وحصل اجهاض يوم 28 ديسمبر الماضي, الحمد لله على قضائه, ويوم 7 فبراير اخدت حقنة منع الحمل اللي مدتها شهر, عملتلي لخبطة في الهرمونات والدكتورة قالتلي مش اخدها تاني, وفعلا ما اخدتهاش, والدكتورة كتبتلي على حاجات توقف الدم وقت ما ينزل بين الدورتين بس, وما كتبتش حاجة تانية, المهم ان انا جاتلي اخر دورة يوم 29 مارس, بعدها نزلت نقط دم من 12 ابريل ولمدة اسبوع, ومن ساعتها ما نزلتش تاني, بقالي اسبوعين حاسة بآلامها واعراضها كلها لكنها ما نزلتش, واكيد مافيش حمل بسبب اضطراب الهرمونات اللي عندي, وانا بجد تعبت وبشرب في قرفة وحلبة علشان تنزل كل اللي بينزل هو افرازات وردية, واللي بتنزل من قبل ما ابدأ اشرب الحلبة والقرفة اساسا, والافرازات دي ريحتها ريحة دم الدورة, وساعات بتكون بيضاء برائحة دم الدورة ايضا, لكن الدورة نفسها ما نزلتش.
قولولي انا كده مش هاتجيلي الدورة تاني؟ انا لسه عندي 30 سنة, وما عنديش اطفال لسه, اعمل ايه؟
ادعولي يا بنات ربنا يفرجها علي والدورة تنزل علشان ارتاح لأنها تعباني جداااااااااا, ومخلياني في حالة مزاجية عاية في السوء.

حببتى لا طبعا بعد الاجهاض بيحصل لخبطه رهيبه فى الجسم ومواعيد البريوت يارب تكونى حامل بصى حاولى تحللى منزلى انا حصلى زيك كده بعد الاجهاض الله يعوضك عليكو ويرزقنا ربى بالذريه الصالحه فى القريب العاجل

كل البي اقدر اقوله لك انو الحاله النفسيه تلعب دور مهم اهم شي ريحي نفسيتك من التفكير وافوضي امرك لله وادعي

حبيبتي حللي حمل
يمكن تكوني حامل
احسن هتطمني وكمان علشان متضريش نفسك لو كنت حامل
ومتقلقيش ده مش معناه انه خلاص اتقطعت
هيه لخبطه حصلي كده بعد تركيب اللولب
وبقت احيانا تيجي مرتين فالشهر واحيانا كل شهرين مرة
يعني لخبطه مش اكتر

عزيزتى ...... اولا اعملى تحليل حمل لانه ممكن تكون الهرمونات عندك ملخبطة بس يحصل حمل عادى هو طبعا لخبطة الهرمونات بتخلى انه صعب تحددى يوم الاباضة لان البريود مش منتظمة بس ممكن برضوا يحصل حمل غير متوقع فانتى تأكدى الاول انه مفيش حمل
وبعدين ابدئى تدورى على سبب لخبطة الهرمونات .....

وعادى ممكن تنتظم البريود بعد كدة لا تقلقى بس اهم شئ حالتك النفسية .

نفس الكلام
حليلي منزلي
وبلاش قرفة وحلبة الان لانك ممكن تكوني حامل
ناس كثير بتحمل رغم لخبطة الهرمونات