ياجماعة انا لسة جاية انهاردة من عند الدكتور واشتكيت لة من الام الركبتين عندى هو كان اعطانى ديبو فورت للركبة هى حقنة كل اسبوع بس للأسف مفيش نتيجة الحمد لله وقالى انهاردة ان الحقن دى فيتامينات مش مسكنة للألم او مش لوجع الركبة

الالم بصراحة فظيييييييييييييييييييع ربنا يعافيكوا مش بقدر انام ولا اقعد ولا امشى ولا حتى اركع واسجد وفى كل حركة بحس بألم جااااااااااامد اوووووووى فيهم


وهو قالى انهاردة ان الحمل عمرة مايعمل الم فى الركبة ممكن يعمل الام الضهر فقط
ونصحنى انى اروح لدكتور عظام وبصراحة انا قلقانة ومش عاوزة اروح لان كدة العلاج بقى كتير اوى عليا من الناحية الجسدية والمادية كمان

ياريت اللى مرت بنفس الام الركبتين دى تفيدنى وهل دة عادى فى الحمل وهل فية وصفة طبيعية اوتمرين للآلام دى

ياريت الافادة سريعا

وياريت تدعولى لانى رايحة اعمل تحليل الهيموجلوبين يوم السبت وكمان تحليل السكر يارب تطلع النسب كويسة لان دى تالت مرة اعمل التحاليل دى

ملحوظة انا لسة بادئة الشهر السابع

ياجماعة حد يهتم شوية ويرد عليا انا بجد تعبانة

معلش يا حبيبتي انا معنديش رد والله ي بس ياريت البنات يفيدوكي

انا زيك فالشهر السابع بس رجلي من المشط وكلها من تحت اللي بتوجعني
بس انا بقول يمكن زياده وزن
عالعموم اكيد زياده الوزن هيا اللي بتعمل كل الالام دي
ربنا يكشف عنك يارب وياجرك

اختي في مرهم اسمه فولتارين له نتائج فعاله وسريعه وغير مضر ,
استخدميه مرتين يوميا وانشاء الله تستفيدي ,

يا حبيبتي ألف سلامة عليكي
بس هل انتي أرهقتي نفسك في شغل البيت اليومين اللي فاتو

أنا في آخر الحمل ركبي وجعتني بس مش بالشكل اللي انتي وصفتيه.. و ده لأني أرهقت نفسي في غسيل السجاد وأنا ساندة على ركبي
والموضوع ده ظل لبعد الولاده شوية وراح من نفسه

ياريت ترتاحي وما ترهقيش نفسك
ويارب البنات يفيدوكي أكتر

أه..نسيت أقولك
أنا صاحبتي خطيبها دكتور عظام
هقولها تستشيره وأرد عليكي

ممكن تقوليلي اسم الحقن اللي أخدتيها

كتبت بواسطة سمسمة22

أه..نسيت أقولك
أنا صاحبتي خطيبها دكتور عظام
هقولها تستشيره وأرد عليكي

ممكن تقوليلي اسم الحقن اللي أخدتيها

شكرا لكل حبايبى اللى ردوا عليا

حبيبتى سمسومة انا باخد حقن ديبوفورت وكمان حقن بنسلين

أنا بعتلك الرد على الخاص