أنا الحمد لله حامل في نفس موعدك تقريبا وكنت هبلغكم الخبر مع محاولة تجميع الموضوعات التي استفدت منها في هذا المنتدى بس كنت عايزة أطمن ع الجنين وأسمع النبض الأول.أنا عملت سونار هذا الأسبوع والدكتور قالي المفروض نشوف النبض بس لم يستطع واقترح نعمل سونار مهبلي وأنا رفضت قالي طالما الوحم مستمر ان شاء الله مفيش قلق بس الوحم عندي خف وده قلقني شوية بس بحاول أستعيذ بالله من وساوس الشيطان وأهدي أعصابي و أخلي ثقتي في الله كبيرة الحمد لله.ربنا يطمنا جميعا.

كتبت بواسطة كنزى احمد

السلام عليكم ورحمة الله وبركاتة
معلش يا بنات
ممكن تساعدونى لانى اول مرة فى الحمل وخايفة اوى علية لانى كنت منتظراة بفارغ الصبر
انا عندى مجموعة اسئلة ياريت تجاوبونى عليها لو تعرفو
انا حامل فى الشهر التانى فى الاسبوع السابع

1/ احس ان بطنى كبيرة ومش متخيلة حجمها دة انى فاول شهرين هل دة طبيعى؟

ممكن مثل ما الأخت قالت يكون توأم أو انتفاخ من الغازات المصاحبة للحمل ويمكنك رؤية حجم بطنك المضبوط في الصباح بعد قضاء حاجتك سيكون الحجم المضبوط.

2/ يوميا تقريبا احس بمغص شديد مرتين بس مش يطول عن 5دقايق ويروح لكن النهاردة جالى خفيف دة عادى يعنى ولا فى مشكلة ؟
هناك ألم بيكون مثل مغص الدورة وبيكون في موعد الدورة وهناك ألم أخر بيكون من كبر حجم الرحم وبيختلف من واحدة لأخرى ممكن يكون يومي وممكن يكون مثلي شهري أو كل أسبوعين وأعتقد ان الرحم بيكبر مرة واحدة ليسع كبر الجنين في هذا الشهر وبيكون الألم أشد شوية ,ولو الألم شديد يمكن استشارة الدكتورة..

3/ فاول شهور الحمل الطبيب ممكن يعرف وجود الجنين والكيس بالكشف الباطنى ولالا؟
أعتقد الدكتور بيكون عنده خبره في ذلك وأظن بيقيس ارتفاع الرحم .

4/ امتى اول مرة ممكن اسمع فيها نبض الجنين واول مرة اعمل سونار لان الدكتورة بتاعتى بتعملو مرتين بس فالحمل مرة فالخامس ومرة فالتاسع ؟

في الاسبوع السابع أو الثامن ويظهر بالسونار المهبلي ممكن من السادس والله أعلم.الأسبوع الخامس يظهر كيس الحمل في السونار وبالنسبة لي أعمل سونار مرتين في الشهر.
5/ احس بوجع جامد نغزات فى صدرى الاتنين واحسو تقيل ومش بقدر المسو مش عارفة اعمل اية؟

شيء عادي في حملي بابني صدري كان كده أما في هذا الحمل فأقل المهم لا تلمسيه ولا تضغطي عليه.والبسي صدرية كويسة.
6/ انا الدكتورة مقالتش ليا اى شئ عن الجماع فالحمل هو بيكون فاول 3شهور غلط ولا عادى وهل باوضاع معينة ولا اية ؟

الأفضل بلاش جماع تكفي المداعبة بالنسبة لي ممنوعة من الجماع بسبب الاجهاض.
7/ انا الدكتورة قالتلى كل يوم كوباية لبن وبيضة فهل بياض البيض مضر ؟ وهل اللبن البودرة بيكون اقل فائدة من الحليب؟
الأفضل اللبن العادي أفضل من البودرة وكمان أعتقد البودرة بيضيفوا عليه فيتامينات واحنا بنتناول فيتامينات فممكن تكون جرعة الفيتامينات زيادة.والبيض يطهى جيدا ومفيد جدا للحامل.


معلش طولت عليكم بس ياريت ارتاح

ادعولى

عزيزتي كنزى لاتخافي ترا كل وحدة تختلف حملها واعراضه عن الثانية وكل حمل يختلف اذا كان حمل اول او ثاني ولا تخافي اشهر الحمل الاول دائما ما تتفاجاء المرأة باعراضه وخصوصا اذا لم يكن لديها تجربة من قبل والاحسن انك تستمري على نصائح الدكتورة وتسمع كلامها وتقومي بالتحليل الدورية لمعرفة مراحل تطور الجنين
وبالنسبة الى الدواء لا انصحك بأخذ اي شئ وحافظي على التغذية السليمة واشربي سوائل كثير ركزي على الاشياء الطازجة كالخضار والفواكة وايضا السمك
اما عن نبض الجنين عن نفسي مع بداية الرابع ابدا احس بشي اسفل بطني يشبه نبض القلب
اتمنى اني اكون افدتك
وربي يقومي بالسلامة ويرزقك الذرية الصالحة

ربنا يطمنكو يا بنات

انا اى فى مصر واخر ددورة كانت 15/3

وباذن الله السبت الجاى اول سونار ربنا يطمنا والسبت اللى وراة معاد المتابعة دعواتكم

ماشاء الله البنات اجابتهم كويسة

بس أنا عندي ملحوظة

في فرق بين حركة الجنين والنبض

النبض زي ماقالو الأخوات في النصف الأخير من الشهر الثاني تقريبا
والنبض عمرك ما هتحسي بيه بس طبعا ممكن تشوفيه على السونار

أما الحركة بتكون في آخر الشهر الرابع أو في أول الخامس وطبعا هي دي اللي بتحسي بيها

أتمني أكون وضحت كويس

ربنا يكمل لك على خير وتولدي بالسلامة

حببتى الحمد لله كل دى اعراض حمل ما شاء الله عاديه ربنا يثبتلك حملك يارب