يوميات حامل : ليه ؟؟ و ليه ؟؟
السلام عليكم يا بنات في اسئلة مرتبطة بمواقف و دايما في بالي مش لاقيه لها اجابة !!ليه لما البنت تتأخر في الجواز الناس تبتدي تتكلم و تبدي اهتمام و فضول ؟؟
ليه لما تتجوز يستنوها تحمل من ليلة الدخلة و تخلف بعد 9 شهور من جوازها و لو اتأخرت عن السنة تبقى و قعتها بيضا و تبتدي المقارنة باللي اتجوزوا معاها و ربنا اكرمهم ؟؟
ليه ينتتظروا من البنت انها تحكيلهم كل حاجة لو بتتابع علشان تحمل وليه يستبيحوا الخوض في حياتها الشخصية بالشكل ده ؟
ليه لو حملت يفضلوا مراقبينها لو تخنت , خست , بطنها مدورة , بطنها طويله , احلوت , اوحشت , و يقارنوها بكل اللي حملوا قبلها من العيلة ؟؟
ليه بقى لازم يعرفوا جنس البيبي ؟ طب بالله عليكم تفرق معاهم ايه ولا تفرق ايه اصلا بنت ولا ولد ؟؟
ليه لما تولد برضى المقارنة تفضل مستمرة بين الوليد و اقرانة و يبتدوا بقى يركزوا معاه , اسنانه ظهرت ولا لأ , ابتدي يمشي , بيتكلم ولا لسه ولو مكنش طفل سوبر و عبقري و على السنة او قبلها عمل كل ده يبقى في حاجة غلط , امه مش بتأكلوا كويس , لبنها وحش مبيغذيش , من الآخر مش عارفين تربوا ابنكم زي الناس .
ليه الناس متسيبش غيرها في حاله و تخليها ف حالها ؟؟؟
عن أبي هريرة رضي الله عنه قال : قال رسول الله صلى الله عليه وسلم : ( من حسن إسلام المرء ترك ما لا يعنيه ) حديث حسن رواه الترمذي وغيره .
رد مع الاستدلال
الروابط المفضلة