بسم الله الرحمن الرحيم: اخواتي في الله, معلهش كل شوية بزعجكم باسألتي, لكني في الحقيقة مش عارفة ايه اللي بيحصل, فياريت تستحملوني وتردوا عليا.
انا كنت حامل واجهضت يوم 28 ديسمبر, الحمد لله, وكنت في اول الاسبوع الخامس, والدكتور عملي تنظيف بناء على طلب زوجي, والدورة جاتلي بعد كده يوم 27 يناير وخلصت يوم 3 فبراير تقريبا, وحصل جماع يوم 6 يناير وساعتها شوفت في ملابسي الداخلية افرازات وردية, قلت تلاقيها من الدورة وكده, ان الرحم بينظف منها وده كان قبل الجماع, وحصل جماع تاني يوم 10, ويوم 7 فبراير انا اخدت حقنة منع الحمل اللي هي كل شهر.
المهم من حوالي 5 ايام وانا حاسة بالم في الظهر والثدي واحيانا البطن مع نزول افرازات بيضاء, اول امبارح كانت الافرازات البيضا دي كتير, امبارح الصبح حسيت بافرازات لاقيتها لونها فيه شعرة لون احمر, وردية خفيفة, كنت في مشوار, وعلى ما رجعت البيت وبغير ملابسي لاقيت في هدومي حاجة زي نقطة دم نزلت, بس تقريبا كانت غامقة اوي, المشكلة ان هدومي كانت غامقة ومش عارفة احدد بالظبط, وبعدها افرازات بيضاء او وردية. زوجي قالي ده من الدورة, وهو فعلا قبل الدورة بيحصلي كده بس مش بكمية الافرازات دي, لأن من اول امبارح وهي بتنزل بكميات ان شايفة انها كتيره, ياريت يا اخواتي اللي تعرف سبب الافرازات دي ايه تطمني.
بالمناسبة انا مش عندي اولاد, لكن زوجي عنده 3 من زوجته الاولى, وعندي 30 سنة, واتفقنا ان السنة دي هاريح فيها جسمي لأنه شايف اني ضعيفة وان الاجهاض هايأثر عليا في حالة اذا حصل حمل السنة دي.

معلهش يا بنات, ليه الافرازات دي احيانا بيضا واحيانا وردية خفيفة؟

معلهش كل شوية بفتكر حاجة, ودي اول مرة ينزل فيها عليا نقطة دم واحدة وبعدها ينزل افرازات وردية وبيضا, سبب نقطة الدم دي ايه؟

قد تكون اعراض الدوره فعلا لكن الحكم الان بدري عليه شوي انتظري ميعاد الدوره واعملي فحص حمل وقد تكونين حامل بإذن الله

لكن نصيحه لوجه الله عزيزتي عمرك 30 سنه عزيزتي والساعه البيلوجيه عماله تضرب لا تأجلي الحمل الا لمده قصيره ولا تخلي الاجهاض يهبط عزيمتك اعتبيرها خيره من رب العالمين والي الله كاتبه حتشوفيه بإذن الله

وربي يكتب لك الخير الكثير حيث ماكان

الله يكتبلك الخير يارب

صراحه ما بعرف بس بسمع انو كترة الافرازات دليل ع الحمل
و الله اعلم روحي للدكتور و اشرحيله كل شي هو ادرى
بحل مشكلتك و الله يوفقك و ازا انتي حابه تاجلي ما تاجلي كتير
لانه لسه ما عندك اطفال لتفكري بالتاجيل جيبي اول بيبي و بعدين اجلي بكيفك

iläfdal inik tisstani mawäid dawra otäali tahlil..wa binissba liwakt linjab mitl makalat om hala hawli la täkhri linjab li wakt tawil

اولا
ليش تمنعي الحمل هل ظمنتي انك تحملي بهذه السرعة عشان تمنعي الحمل!!!


زي ما قالت ام حلى

من رايي لا تمنعي شي
ولا تاخذي اي ابر تمنع الحمل وخليها على الله
وربي ييسر لك لي فيه الخير

يارب يا جميل يخفف عنك ويرزقك الذرية الصالحة ...
بس فعلا دلوقتى بدرى على انك تعرفى اذا كان حمل ولا دورة ... بس انا رأيى من رأى الاخوات ... متمنعيش الحمل وخليها على الله ...
ربك وحدة هو العالم الخير فين....
ومن الافضل انك تستشيرى دكتورة علشان ترتاحى
ويارب تطمنينا عليكى يا جميل

السلام عليكم: شكرا ليكم اخواتي على الرد, وهي تقريبا الدورة, لأن بينزل عليا من الصبح افرازات شفافة ليها رائحة كريهة تشبه رائحة الدورة, ان شاء الله خير.
وبالنسبة لكلامكم عن التأجيل انا معاكم, بس المشكلة اني اجهضت السنة دي مرتين, الاولى في شهر 6 والتانية في شهر 12, علشان كده زوجي عايزني استريح السنة دي, لكن كله بامر الله, يعني الحمل الاول كان زوجي عنده ميكروب بيأثر على الحيونات المنوية وبيقتلها وعلى الرغم من كده حصل حمل, والحمل التاني زوجي قذف خارج الرحم, يعني نهى الجماع قبل ما يخرجوا بفترة والمفروض انه مانزلش حاجة داخل الرحم خالص لكن سبحان الله ارادته فوق كل شيء حصل حمل لكن الحمد لله على اي حال لم يقدر له الحياة, والحمد لله.
شكرا ليكم اخواتي على الرد جزاكن الله كل خير, ادعولي بصلاح الحال والمغفرة.