السلام عليكم
سامحونى على العنوان
بس طبعا انا مقصدتش كل الدكترة
انا بكلم على اللى مش بيراعو ربنا فمرضاهم
ودة اللى حصلى
وقبل محكى قصتى ياريت كل من تخل تدعو لى ولكل مشتهى بحمل صالح فى القريب العاجل غير الاجل

انا حكايتى ببساطة انى تزوجت من 3شهور فقط وكنت اسعد زوجة فالعالم
ودورتى الحمد لله منتظمة جدامن قبل الزواج
ومواعد دورتى كانت هكذا بعد زواجى
10/11/2009
5/12/2009
31/12/2009
فى مواعيدها عادى على العكس انتظمت معى عن قبل زواجى فقد كانت احيانا تقدم عن موعدها يوم ليس اكتر
وفى يوم 19/1/2010 وانا بنزل من السرير حسيت بدم سال منى احمر
فظنيت انو ممكن يكون حمل لانى لاحظت ان حجم بطنى بدا يتغير واحس بالم اسفل بطنى
ذهبت لانسانة فى مستشفى اسلامى المفروض انها تعمل طبيبة نسا ودة لانى استحرمت اذهب لطبيب راجل
قالتلى حجم الرحم كبير ويابنتى انتى متاكدة الدورة جاتلك الشهر اللى فات قلتلها اة
فادتنى علاج يوقف الدم اسمو دافلون 500 3اقراص يوميا مع ان قريبتى لما اجهضت اخدت قرصين بس ومادتنى روتاسى 60 برضة 3مرات يوميا ومعاة مسكن بسكوبان
ولما لحيت عليها بالم بطنى قالتلى اعملى سونار وسكتت رحت سالونى سونار عادى ولا مهبلى
طبعا بحكم انى متزوجة جديد لا ادرى الفرق بينهم
اتصلت عليها قالتلى يفضل مهبلى
ولقيتها قالتها مناية دة دة كيس تجمع دموى على المبيض اليمين ولازم يتشال جراحة ملهوش حل تانى وتكلفة العملية 3000ج لو عملتية فمركز طبى كويس او روحى بورقك لمستشفى او مستوصف مجانى يعملوهالك


وبعدها قلت لا قبل العملية اروح لدكتور تانى
شاف نفس السونار قال اية ؟؟
فى تجمع دموى على المبيضين شمال ويمين مع وجود ورم على المبيض اليمين


طبعا بقيت حسة انى فغيبوبة
بس الدكتور دة طلب منى اعمل اشعة مقطعية لتحديد مكان الورم كمصدر منين؟
وعملتها
والنتيجة
الحمد لله والشكر طبعا مفيش ورم
والاكياس طلعت باحجام اقل بكتييييييييير


يبقى دكتورة النسا ودكتور السونار الله يسامحهم كنت بسببهم هفقد امل الامومة

عملت بعدها سونار ثلاثى الابعاد طلع الكيس اليمين 4سم
والشمال 9 بس مقسوم اتنين 6سم دم والباقى مائى
والدكتور قالى الشمال غالبا هيتشال
وادانى اختيار انى اخد منشطات واحمل ولا اعالج الاكياس لمدة 6شهور فيهم لادورة ولا حمل هيحصلو
بغريزة الامومة اخترت الحمل
فكتبلى علاج كثير منشطات وقالى لو محصلش حمل فاو شهر اكررة تانى شهر وهكا 4شهور لو محصلش حمل يعمل العملية

يعنى الله يسامحها كانت هتشيل المبيض السليم

انا فحيرة من امرى بجد
مش عارفة هل ممكن اكون ام ولالا
وهل حد فحالتى حمل مع المنشطات
ناس تدينى امل وتقولى اة دة ممكن يحصل توام وناس تسكت ومتردش
ياريت اللى فيكم عندها رد او حالة زى تقولى رايها
واللى معندهاش ياريت تزكرينى بالدعاء

حبيبتي كنزي يا ريت اقدر افيدك لأني عندي تقريبا نفس مشكلتك ولسه بس سأله عليها البنات

يارب لا تذرها فردا وانت خير الوارثين

ربي هب لها من لدنك ذرية طيبة انك سميع الدعاء

اللهم امين يارب العالمين

حبيبتي كنزى ياريت حد من البنات يفيدك بس انا اريد ان ادعو لك يارب لا تدرها فردا وانت خير الوارتين

كنزى حبيبتى ربنا يرزقك بالذريه الصالحه انتى وانا وكل محروم

اختي الغاليه انشالله تحملي وفعلن احتمال تحملي بتوام مع المنشطات وانا اعرف وحده زي حالتك حملت وحمل بدى يضقط على الاكياس هذي لمى نزلت مع الولاده والحمد لله انشاالله تكوني مثلها وربي يرزقك الحمل انتي وكل المحرومين يارب

معلش يا كنزى واحمدى ربنا كتيييييييييييييييييييير واشكرى فضله واكثري من الاستغفار وان شاء الله هتكونى ام قريب بس راجعى مع دكتور كويس وربنا معااك يااارب

السلام عليكم

اولا ربنا يشفيكي ويرزقك ماتشتهي إنت وكل منتظرة

تانيا :بقولك إنك راح تصيري أم بمنشطات من غيره ومهما قالوا
الدكاترة قدرة ربنا فوق كل شيء وإنت لساتك صغيرة جربي هذا
الشهر منشطات وتابعي التبويض وإن شاء الله خير .
أهم شيء إنت تقفي نفسك كثير المنشطات بدها متابعة تبويض
كويسه لازم تطلبي من الدكتور ده وكويس إنك ماوثقتي في كلام
الدكتورة الأوله ودائما لو ماإرتحتي روحي دكتور تاني وشوفي
وربنا يارب يرزقك الذرية الصالحة.

يارب اشفى اختنا وعافيها ولا تحرمها من نعمة الامومة

حياك الله

اولا اقول لك مرحبا بك بيننا نورتينا غلاتي.

ثاني شي اقول لك استخيري الله قبل البدء باي امر في حياتك

ثالث شي سبحان الله ربنا كتب لك الخير في يد انسان اخر عشان كدة دائما نقول اسالوا اكثر من طبيبة حتى ترتاحوا

للقرار الصائب ولا تستعجلوا لانه الصحة لما تروح مابترجع .

انت الان استخيري
استخيري استخيري
وان شاء الله ما يصير معاك الا كل خير
فالخيرة فيما اختاره الله لك
والرزق بيد الله
وتوكلي على الله ولا تعتمدي فقط على كلام الاطباء فهم بشر والبشر يخطيء ويصيب.

وربنا معاك حولت موضوعك للدكتور اشرف ربما يستطيع مساعدتك غاليتي.

كنزى ربنا ان شاء الله يرزقك الذرية الصالحة بس من رأى روحى لدكتور تانى واتعالجى الاول من الاكياس هما تقريبا بياخدو جلوكوفاج وبعدين فكرى فى موضوع الحمل ان شاء الله انت مش عندك حاجة تمنع بس حاجة صغيرة تتعالج الاول وبعدين ربنا يكرمك لانى اعرف انا لمنشطات بتزود لو فيه تكيس او اكياس على المبايض