كتبت بواسطة soshy

ان شاء الله دايما بخير
انا ابتدات بابر التنشيط يوم السبت واليوم كان عندي مراجعه والدكتوره قالت انه كله نمام وان شاء الله الاربع مراجعهااي والجمعه كمان ربنا يسهلها

الله يكرمك يا سوشى يارب ويجبر بخاطرك وتتم عمليتك على خير وتبشرينا بحملك لتؤام ان شاء الله

رانيا صباح الخير

كتبت بواسطة بسبس...

ربنا يكرمك على الدعوات الحلوه...
كويسين 4 كيلو وربنا يكرم بالباقي
انتى عارفه على الرغم من اني مش تخينه بس بوسوس من كتر الهرمونات وخايفه انها تبقى بلوظه انا كنت 63 وكولي 155 بس نزلت حوالي 9 كيلو دلوقتي
بلعب في 54 و53 قلت قبل ما اعمل العمليه ..
اشربي شاي اخضر وقرفه كتير حلوين اوي في الريجيم وان شاء الله اول ما تخلصيهم تحملي على طول

ما شاء الله عليكي برافو عليكي واللهي يا بسبس
إنتي كنتي ما شاء الله وزنك مثالي عقبالي يا رب
و ربنا معاكي في خطواتك و يرزقك ربنا يا رب

كتبت بواسطة hobossh

ازيكم يا بنات وحشتونى كلكم عرفت نتيجة التحليل النهاردة طلع تحليل هرمون e2 وطلع 59 والدكتور قال للمساعدة يتاعتة تقولى متخديش دوا تانى انا مش عارفة اى حاجة عن e2 ومكلمتيش الدكتور لان المساعدة قالتلى ان النسبة ضعيفة جدا الحمد لله على كل حال وقدر الله ومشاء فعل ادعولى يا بنات واللى عندها فكرة عن e2 تقولى لحد ما اتصل بالدكتور بكرة انشاء الرحمن يا رب ارزق كل بنات الملف الحمل انشاء اللة متنسونيش من صالح دعواتكم

معلش يا هبة يا حبيبتي خيرها في غيرها إن شاء الله
أحسن ما كنتي تسحبس و بعدين العملية تتكنسل
أو تعمليها و تتعلقي بالأمل و ميكونش في نصيب
قضا أخف من قضا برضه
ربنا يعوضك خير يا رب و يرزقك من حيث لا تعلمي يا رب

كتبت بواسطة sheryetesh

السلام عليكن اخواتى الحبيبات يااااااارب تكونوا بخير وانشالله كل واحدة ربنا يراضيها ويديها اللى نفسها فيه امين يا رب العالمين

وعليكم السلام ورحمة الله وبركاته
ربنا يقبل منك دعوتك يا رب و يسمع منك و يقومك بالسلامة
لو فيها رزالة يعني إنتي تقريب عندك بنوتة مش كده
طب هي كام سنة دلوقتي و حملتي فيها طبيعي و لا لأ و إيه السبب إنك عملتي حقن المرة دي
معلش أصل كمان نفس الظروف عندي بنت و لسة ربنا مدانيش تاني

يمنى صباح الخير يا جميل
إنتي ليه مش بتدخلي إلا الصبح بس ؟
وبتشتغلي إيه؟
إنتي من القاهرة مش كده؟
و تحليلك إمتى إن شاء الله؟

كتبت بواسطة بسبس...

رينو حبيبتي وحشاني مووووت ....عامله ايه؟
اتشهرتوا وبقيتو على كل لسااااااااان.....ههههههههههه عقبالنا يااارب
يمنى ...ازيك ياقمر ...ربنا يكرمك بالحمل وتبشرينا وتكملى افراحنا
وياااارب يكون اتنين مره واحده علشان يطلعو الجديد والقديم عليكي
لولي...اخبارك ايه...الريجيم عامل ايه...اوعي تكوني بوظتي الدايت قولينا نزلت كم كيلو وفاضل كام...ربنا يباركليك في بنتك يااارب
رانيه........ربنا يثبتلك الاجنه ومتزهقيش نفسك حولي تشغيلها باي حاجه مفيده ربنا يفرح قلبك بالنتيجه يااارب
زوجه ماهر...اخبارك يا جميل ربنا يعوض صبرك خير
سوشي...ازيك ياعسل...ربنا ييسرلك امورك ياارب ..اخبار التنشيط ايه
ثنوءه...ربنا يكرمك بالذريه الصالحه يااارب

بسبسه الحلوة اذيك يا قمر عامله ايه يا قطه.........ايه اخر اخبارك

كتبت بواسطة oxygenatom

بنات قسم تأخر الحمل ... السلام عليكم ورحمة الله وبركاته

انا خريجة علوم قسم كمياء حيوية ... حبيت اشارك بالموضوع ده لعلكم تستفيدون ..... انا تحت امركم فى اى استفسار يخص هرمونات الجسم ... ودلوقتى ندخل فى الموضوع اللى عاوزة اكلمكم عنه


الغدة النخامية دى ام الغدد ... دى الغدة المسيطرة على كل غدد الجسم واجهزته ... هى تشبة المدير العام الذى يدير شركة مثلا وهورموناتها اشبه بأوامر الشغل اللى المدير بيرسله للموظفين علشان ينفزوا الاوامر دى ....
والآن نعتبر الغدة النخامية هى مدير الشركة والمبيض موظف عندها ... اما الاوامر التى ترسلها الى هذا الموظف فهى فى صورة الهرمونات الآتية
1- FSH
وده هرمون عباره عن ( امر للمبيض بإنضاج بويضة )
2- LH
امر من الغدة النخامية بإخراج هذه البويضة الى قناة فالوب بعد نضوجها
3- البروجيستيرون
الهرمون ده مش امر من الغدة الدرقية ده هرمون بيفرزة الجسم الاصفر المتخلف بعد خروج البويضة وده بيساعد على ثبوت الحمل حتى تكون المشيمة
4- البرولاكتين
الهرمون ده امر من الغدة النخامية للثدى لتكوين لبن وفى الطبيعى يحدث هذا بحدوث الحمل ولكن بعض السيدات نتيجة لتعاطى بعض الادوية او لاسباب غير معروفة يذيد هذا الهرمون .... فى حالة ذيادة هرمون اللبن تصل اشارة للغدة النخامية ان هناك حمل فبالتالى تمنع الهرمون fsh , LH فى هذا الوقت من تنبيه المبيض بانضاج بويضة وخروجها بعد ذلك فلا يحدث الحمل

آليه حدوث التكيس :-

الغدة النخامية ترسل الامر رقم 1 للمبيض لانضاج البويضة وبدلا من ذلك يحدث خلل فى المبيض فتبدأ عدة جريبات فى النضوج بدلا من واحدة وبالتالى ولا واحدة تصل للحجم المناسب للخروج
الغدة النخامية تصدر الامر رقم 2 لخروج هذه البويضات وتبالغ فى كمية الامر لخروج هذا العدد من البويضات لكن الموظف المهمل ( المبيض ) لن يستطيع انجاز العمل بسبب ان البويضات غير مستعدة للخروج لأنها صغيرة ..
فيبقى الوضع على ماهو عليه ... الهرمون اف اس اتش قليل لأن الغدة النخامية تعتقد ان هناك بويضات فى المبيض اخذت فى النضوج وتحتاج لهرمون الال اتش وليس هورمون الال اتش ...
طبعا ولا عشرة يقدروا يفهموا المدير العام انه فاهم غلط فالحل ايه بقى .... نقول للمدير متشكرين وندير الشركة من برة بأوامر جاية من مدير وهمى وهى عبارة عن هرمون الFSH اللى ينضج البويضات
ولكن مهلا ؟؟؟؟

مريضة التكيس لو اخدت تنشيط بدون علاج بعقار الميتوفورمين بيحصلها فرط تنشيط ليه بقى ؟؟ علشان البويضات الصغيرة اللى عندها ومش قادرة تكبر حتلاقى ضالتها فى الهرمون اللى جايلها من برة وتبدأ كلها فى النضوج وده يعمل طبعا مشاكل مرعبة للست المتكيسة لأنها فى الحالة دى جسمها حيحبس مية كثير قوى ويحدث لها استسقاء وجسمها يورم وفى بعض الحالات ممكن لاقدر الله يحدث الوفاة ....

نرجع بقى لآليه علاج التكيس ...
هو فى الواقع مش علاج ... لأن فيه خلل ( سوء تفاهم ) بين الموظف والمدير ... احنا حنسيبهم فى سوء التفاهم بتاعهم ونحاول نظبط الآثار المترتبة على ذلك ... العلاج حيحفظ توازن الهرمونين فلما يحصل تنشيط ممكن يحصل حمل بدون مخاوف فرط التنشيط .... طيب ليه المريضة تستمر على العقار حتى بعد الحمل فى الشهور ال3 الاولى ... ده علشان هورمون الال اتش ميعلاش مننا ونحافظ عليه قليل فلا يسبب اجهاض فى الاثناء التى يعتمد فيها ثبات الحمل على الهرمونات ... لكن بعد تكون المشيمة ممكن نوقف العقار ...

ليه ذيادة الوزن بتبقى عدو الخصوبة

لما الواحدة وزنها بيزيد والدهون تتراكم حول المبيض بتعمل فيه حاجة غريبة قوى ... احنا قلنا الموظف ده قاعد مستنى امر المدير رقم 1 ( هرمون الاف اس اتش ) علشان يبدأ فى انضاج بويضة لكن اللى بيحصل لما الدهون تبدأ تحاصر المبيض اللى هو نسيج رخو ... يبدأ المبيض المحاصر يبقى عامل زى الموظف اللى مش عارف يشوف شغلة من مجموعة ناس بتغلس عليه وتشتت تركيزه ... فيكون النتيجة بدلا من انه ياخد حصة الاف اس اتش وينضج بويضة واحدة ... لا يقوم بتوزيع الحصة على اكثر من بويضة فيبقى عامل زى الجرسون اللى جاب طلب غدا وبدل ما يأكل زبون وزع الطبق على 10 فبالتالى ولا زبون شبع .... من هنا بيحصل التكيس
طبعا كلامى ده مبنى على دراستى للكمياء الحيوية ... ارجو انى اكون وصلتلكم وجهه نظرى

جزاك الله كل خير موضوع جميل ومبسط يارب يتمم عمليتك على خير يارب ويرزقك منها احلى توأم

كتبت بواسطة lollypopy79

يمنى صباح الخير يا جميل
إنتي ليه مش بتدخلي إلا الصبح بس ؟
وبتشتغلي إيه؟
إنتي من القاهرة مش كده؟
و تحليلك إمتى إن شاء الله؟

هههه ايه الاسئله دى كلها يا لولى .........ده استجواب ههههه....بهذر معاكى يا قمر صباح الفل عليكى انتى وملوكه الهمبوكه

بصى يا قمر انا بشتغل مصممه فوتوشوب فى شركه اعلانات.....ومعنديش جهاز فى البيت زوجى اشترى لاب توب وهو بيشتغل بليل يا قمر علشان كده بياخده معاه مبيسبهليش فى البيت ولما بيسيبه يعد يقولى فى مش عارف ايه كان موجود وانتى مسحتيه ويعملى فيلم هندى ....وكان عندى جهاز قديم وباظ ومصلحتوش ....فانا عندى فى الشغل نت بكلمكو منه ومش عايزه بصراحه اشترى لاب توب لنفسى اليومين دول مش عارفه ظروفى بكره حتبئى ايه

اه نسيت ..........هههه الزهايمر بئى ....انا من مصر الجديده وبشتغل فى صلاح سالم وان شاء الله لو البريوت مجتش بامر الله ححلل.........انتى يا قمر ايه ظروفك

مكملتيش إجابات الأسئلة يا ست يمنى
تحليل حضرتك إمتى
إتكلمي أحسن ما تعترفي أدام البيت الظابط