السلام عليكم ورحمة الله وبركاته
انا حامل فى الشهر الخامس وده اول حمل ليا ربنا يكمله على خير ان شاء الله
وانا عايشه فى تبوك بالسعودية وهانزل مصر اولد فى شهر 6 يونيو ان شاء الله
عايزه منكم يا امهات المنتدى اللى عندهم خبره اجهز ايه للبيبى
وياريت بالتفصيل يعنى مثلا الغيارات الداخليه اجيب كام واحد واجيب اللى هو قطعه واحده ولا قطعتين ويكون كت ولا حمالات
نفس الكلام بالنسبه للسلوبيت الخارجى اجيبه بنص كم ولا كم والعدد اد ايه
الشرابات هل ليها استخدام فى الصيف ؟
الفوط بتاع الاستحمام والصدريه او المريله او البافته اجيب كام
واى معلومات تانيه
وانا لقيت هنا فى المنتدى موضوع للاخت ملك المالكي بجد موضوع هايل واستفدت منه كتير بس عايزه بقى الحاجات بالعدد عشان انا مش عارفه استهلاك البيبي اد ايه
وايه احسن محل اجيب منه
هل سنتر بوينت ومذر كير
ولا الهرم والشامل والمحلات العاديه؟
لان فى ناس قالولى ان حاجات مذركير بتبوظ فى الغسيل
بجد انا محتاجه مساعدتكم وانا عارفه انى طولت عليكم متاسفه بس ده من عشمى فيكم

44 قارءه للموضوع ولا واحده ردت عليا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

44 قراءه للموضوع ولا واحده ردت عليا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

http://www.lakii.com/vb/showthread.php?t=623337

رابط يهمك واكيد حينفعك ياغالية.

اتفضلى يا حبيبتى الرابطين دول يارب يفيدوكى
بس اقريهم بالتفصيل
ربنا يتمملك على خير
http://www.lakii.com/vb/showthread.php?t=379287
http://www.lakii.com/vb/showthread.php?t=397556
لا تنسينى من دعءك

انت هتولدي في شهر يونيو صح

انا ممكن افيدك إن شاء الله

هاتي 6 فانلات كات الي هي بتتقفل من تحت بكباسين
و 6 سلوبيتات خارجية للبيت مقاس 0 الي 3 و ياريت تكون برجل مفتوحة و بنصف كم او بكم
و 6 سلوبيتات خارجية للبيت مقاس من 3 الي ستة
البفتات هاتي كتير و نوعي في المقاسات بتعتها و فية منها مخصص للخروج
طبعا تجيبي 5 سلوبيتات او برحتك للخروج
الشربات اكيد هتحتجيها طبعا في الخروج
هاتي اربع كوفرتات
هكمل
و طبعا هاتي عربية ماركة زي جراكو او شيكو سيت كاملة بالكاري كوت

ابدئي بالملابس الداخليه والفانلات

وبعدها ملابس البيت... بربتوزات((سلوبتات))

وكم طقم مقاس نيو بورن ... حتلاقي حاجات حلوه في سنتر بوينت .. حتى بدون تخفيض اسعاره حلوه

انا شخصيا افضل الاطقم اللي معاها كافوله ((اللفه)) والمريله والطاقيه والشراب

بطانيه للنوم ووحده تانيه للخروج
منشفه للاستحمام ووحده تانيه لغيار الحفاضه


بانيو للحمام ... سفنجة الاستحمام اللي شبه المرتبه ... شامبو .. بودره .. صابون طبيعي للبيبي وياريت تاخديه خاص من الصيدليه .. قطن..زيت اطفال .. ومناديل بيبي جونسون لغيار الحفاض

شنطه طبعا للبيبي للخروج

3 رضاعات .. وحده صغيره للميه والينسون .. ووحده وسط ... ووحده اكبر للحليب

فُرشة لتنضيف وغسل الرضاعات

جهاز معقم رضاعات ... ممكن تستغني عنه .. سعره من 150 الى 200 ريال

مصاصه ((لهاية))

عُــلب او حافظة لوضع الحليب ابودره عند الخروج >>>>>يارب تكوني عرفتيها

خديلك كم مريله لأن البيبي في الاول بيرجع ((يستفرغ )) كتير

كرسي صغير هزاز

سرير + لحاف للسرير

مهد للخروج حسب الشكل اللي تحبيه


وبالنسبه لكي حتحتاجي سنتيانات رضاعه ((صدريه))

حفاظات حليب

مشد

كم قميص نفاس للرضاعه

ياقمر

بالنسبه للمحلات مالكي الا سنتر بوينت .. خامته حلوه وسعره في متناول الجميع

ونصيحه
ملابس البيبي لا تكتري منها لأنها حتصغر بسرعة
انا شخصيا اخدت 4 اطقم و4 بربتوزات new born و كم حاجه تانيه بس مقاس اكبر من صفر الى 3 اشهر

ولا تستعجلي على العربيه او كرسي السياره او السرير الكبير من بدري

ملحوق عليها ... عشان ما تزنقي نفسك بمصاريف الجهاز

واياكي والملابس الرخيصه ... بلييييييييز لأن المحلات الرخيصه ما بتراعي ابداً بشرة المولود الحساسه وخصوصا البضاعه التركيه


يارب تكوني استفدتي

يا جماعه الف شكررررررررررررر ليكم كلكم
ربنا يجازيكم خير ويباركلكم فى اولادكم جميعا
تسلمولى بجد
ان شاء الله هاخد بنصايحكم

تقومي بالسلامة و زي ما قالت لك الاخت عصفورة طيبة لا تكثري من الملابس لان البيبي بيكبر بسرعة و حتلاقي نفسك ملزمة تجيبي له في كل كم شهر ملابس جديدة
بالسلامة