السلام عليكم و رحمه الله و بركاته

مش عارفه مكان الموضوع هنا صح و لا فى المولضيع الاجتماعيه

بس

انا قلت انتوا اكتر ناس هتحسوا بي



انا حاسه انى مجروحه


و اللى جرحتنى امى الله يسامحها


بجد انا مخنوقه جدا

انا متزوجه من 3 سنين و عندى بنت عمرها سنتين و 3 شهور و حملت من اول شهر زواج الحمدلله

المهم انا بقالى سنه و شهرين شايله اللولب و حصل حمل مرة واحده من 6 شهر و ربنا ما اردش انه يتم

و كل ما اجى اقوم بنتى امام امى تجرحنى و تقولى معنتيش تكلميها خالص علشان كده ربنا مانع عنك الاطفال
و النهرده انا اليريود متاخره يومين و تعبانه قوى و ربنا اللى اعلم بحالى و بنتى بجد دوختنى عايزة تطلع علىالسلم طالعه نازله و لازم انا معاها و لما سيبتها تعيط و مسالتش فيها امى وبختنى و قالتلى ربنا بيدى كل واحد على قد ما بيقدر و انت مش قادرة على واحده

انا حاسه انى مجروحه و تعبانه قوى

اسالكم الدعاء لى فى هذا اليوم الفضيل ان يكون تاخير البيريود ده خير و يكون حمل و يهدينا جميعا

ياااااااااااااارب تحملي عن قريب يااااااااااااارب وما تقلقي من كلام والدتك وادهعي كثير وربنا هيرزقك يمكن ربنا مأخر حملك لما بنتك تشد حيلها وتقدر تعتمد علي نفسها ربنا اللاعلم بس متقلقيش يا حبيبتى وربنا يرزقك الذرية الصالحة ياااااااااااااااااارب عاجلا يااااااااااااااااااااااااااارب وليس اجلا اللهم تقبل مني ودايما صبري نفسك ان غيرك معندوش ولا طفلة وبقالهم زيك 3 سنين متزوجين انتي في نعمة وقولي الحمد لله دائمااااااااا واشكري ربك علي هذه النعمة

ميخالف حبيبتي ترا الاهل دائما يجرحون يعني مو بس انتي تحملي هيا امج ولا تحزني وان شاء الله تحملي يارب وتفرحي

إن شاء الله ربنا يرزقك بأخ وأخت توأم لبنتك ويعينك على تربيتهم
ما تزعليش حبيبتى من مامتك ..من طريقة كلامك حاسة إنها بتتكلم بطريقة عفوية ومش قصدها خالص تجرحك
بس احيانا امهاتنا الله يخليهم لنا مش بيعرفوا يعبروا
يمكن من حنيتها وخوفها على بنتك قالت كدا بس ما تقصدش تضايقك
إنتى بس اللى حساسة زيادة عن اللزوم
حاولى ترضيها وتاخدى الأمور ببساطة
الله يحفظ بنتك من كل شر
وربنا يخليلك مامتك ويعطيها الصحة والعافية ويرزقك بأحلى إخوات لبنوتك الحلوة

حبيبتي الغالية اسال الله العلي العظيم في هذه الساعة المباركة ان يرزقك الذرية الطيبة وان تكونى حامل في هذا الشهر ان شاء الله وماتزعلى نفسك وزى ماقلتلك مشمشة غيرك - اللى هو انا بقالى كتير متزوجة وماعندى عيال وبصبر نفسي وعارفة ان فرج الله قريب - فخلي املك بالله كبير وثقتك عالية بربنا عز وجل وحاولى تكسبي امك لان رضاها من رضا الرب وحاولى ما تجهدى نفسك مع بنتك لكى يكتمل الحمل وهدى نفسك عالاخر وهدي نفسيتك وكله بأوانه وكله بعد امر الله بيحصل ربنا معاااك وابقي طمنينا

ربنا يكرمكم اخواتى

انا و الله راضيه امى بس زعلت قوى من كلامها و معرفتهاش انى زعلانه

عملت نفسى مش واخده بالى و بعدين لما بقيت لوحدى بكيت

اخواتى ربنا يرزقكم جميعا الزريه الصالحه و يقر اعينكم باطفالكم عاجلا غير اجلا

با حبيبتى يا ام رومى
متزعلش نفسك خالص ربنا يكتب لك الخير باذن الله ويارب تكونى حامل واشوفك بتشدى فى شعرك
اما عن ماما متزعليش منها ابدا ولا حتى تفكرى انك تتضيقى لانها بتقول الكلام ده مش عشان تضايقك لاده حب فى رومى ومش عايزيكى تزعليهاانتى عارفه اعز الولد
دانا امى بتعمل فى عمايل بس رودى هانم اقولها هو انا بنتك ولا هى ههههههههههه
هونى على نفسك حبيبتى

ربنا يكرمك يا ام ريناد و يخليلك ريناد و تشوفيها عروسه

يا رب يسر فلبك ويسعدك بحمل سليم ثابت ويتممه لك بخير وسلامة ويسر وسعادة وبركة وعافية
وتجيب أخ لبنوتك أو الأخت
تجيبي اللي فيه الخير ليك وليها ولأمك كمان
اللهم آمين

إن شاء الله ربي يرزقك بأخ وأخت توأم لبنتك ويعينك على تربيتهم اللهم امين.