السلام عليكم

بكتب الموضوع و انا كلى شجن و حيرة وبدعى ربنا يصلح لى امورى و امور المسلمين يارب

المهم يا اخواتى انا زوجى عمل تحليل من شهر و طلع العدد عنده 7 مليون و التشوهات 60% و نسبة الحيوانات المنوية الغير متحركة 60% و بعد زيارة الدكتور قال ان التشخيص المبدئي دوالى و كتب لجوزى على علاج لمدة شهر

عدى الشهر و حان معاد الحليل مرة تانية و عمل جوزى التحليل و فرحنا اول ما لمحنا فى الورقة رقم 16 مليون ، العدد اصبح 16 مليون من بعد 7 مليون و رحنا للدكتور و كلنا امل ان بعد شهر علاج تانى العدد يطلع فوق العشرين و يكون طبيعى و نبدا رحلة انتظار حدوث الحمل

لكن مش انتبهنا ابدا ان الحركة و التشوهات هى نفسها مش اتغيرت التشوهات 60% و الغير متحركة كمان 60%

الدكتور طلب اشعة دوبلر على الخصية و نزلنا و عمل جوزى الاشعة و اكدت فعلا الدوالى في الخصية الشمال

ورجعنا للدكتور و قال مفيش مفر من العملية حكى لنا عنها و عن التفاصيل و واتغيرت ملامح جوزى لما سمع كلمة بنج كلى و فتح بطن

الحمد لله على كل شئ و دلوقتى واقعين في حيرة كبيرة نعمل ايه فيه ناس العملية نفعت معاهم و ربنا رزقهم بعدها و فيه ناس حالتهم ساءت بالعملية و منهم صديق لزوجى

القرار صعب مش قادرين ناخده نصبر شوية و لا نعمل العملية و لا نعمل ايه ؟؟؟؟؟؟؟؟؟؟؟؟؟؟؟

المهم انا قررت اكمل تحاليلى انا كمان و اعمل اشعه بالصبغة علشان اتاكد ان الانابيب سليمة قبل ما نفكر فى العملية

رايكم ايه ؟؟ مين مرت بحالة مماثلة تقدر تنصحنى و جزاكم الله خيرا

حبيبتي صافي: حالتك تشبه حالتي والحمدالله على كل شيء

انا زوجي عنده العدد والحركه قليله واعطاه الدكتور علاج لمده 9 اشهر ومااعطا نتيجه لموضوع الحركه ف كتبله على عمليه والحمدالله عمل زوجي العمليه من شهرين تقريباً ولسه التحليل
ع الشهر الجاي باذن الله وبعدها موعد الدكتور ليشوف التحليل ويكتبله على فيتامينات ومقويات

وأنا براي انكم تستخيروا ربنا قبل ماتقدموا على الخطوه هاد وعلى فكره انا كنت نفسك محتاره كتير بس الحمدالله استخار زوجي ربنا قبل مايحجز موعد للعمليه

بس عندي سؤال عندك وهو شو العلاج الي اخده زوجك وزاد عليه العدد

وصحيح العمليه تفاصيلها الي عندك صحيحه وانا حضرت عمليه زوجي وفعلاً مابتخوف بالمره وهي بسيطه مدتها نصف ساعه مع التخدير والافاقة بتصير 3 ساعات

مايا شكرا على ردك و ربنا يبشركم بنجاح العملية يارب

الادوية كانت 3 الاول سيلينيوم مع فيتامين aو c و e و التانى مضاد للاستروجن اسمه تاموكسيفين و التالت دوا مخصص لزيارة طاقة الخلايا لعلاج ضعف الحركة مش فاكرة اسمه دلوقتى لو عايزة الاسم هكتبهولك بعد ما اشوف الروشته


وانتى يا مايا قبل قرار العملية اتاكدتى ان تحاليك سليمة و عملتى اشعة بالصبغة ولا لا ؟؟؟؟؟؟؟؟؟؟؟؟؟

انا الحمدالله كانت عندي مشكله ارتفاع هرمون البرولاكتين والحمدالله ف اخر تحليل كان

قبل اسبوع طلع كل شي معدله طبيعي الحمدالله ماعدا هرمون البرولاكتين طلعت اقل من

المستوى الطبيعي فخفف الدكتور لي الدوا

بس بصراحه مو مفكره اعمل اشعه الصبغه ولا راح اخد اي منشطات غير بعد مايصير عمر

زواجنا السنتين افضل وبصراحه ميشان نحنا مفكرين ف موضوع الحج اول قبل اي خطوه ف

طرق الانجاب الصناعي طبعاً ف حاله اذا ماصار حمل

كتبت بواسطة maya2009

انا الحمدالله كانت عندي مشكله ارتفاع هرمون البرولاكتين والحمدالله ف اخر تحليل كان

قبل اسبوع طلع كل شي معدله طبيعي الحمدالله ماعدا هرمون البرولاكتين طلعت اقل من

المستوى الطبيعي فخفف الدكتور لي الدوا

بس بصراحه مو مفكره اعمل اشعه الصبغه ولا راح اخد اي منشطات غير بعد مايصير عمر

زواجنا السنتين افضل وبصراحه ميشان نحنا مفكرين ف موضوع الحج اول قبل اي خطوه ف

طرق الانجاب الصناعي طبعاً ف حاله اذا ماصار حمل

ان شاء الله تحملى طبيعى و ربنا يقر عينك بذرية صالحة نحن و اياكم ان شاء الله

يارب وانت معنا كمان وبتمنى لاتتأخري وتتوكلي على الله هاد بعد ماتستخيروا ربنا

استخيرى ربنا وان شاء الله خير ...انا اعرف واحد صديق زوجى كان عنده الدوالى وعملها والحمد لله خلف بعدها على طول ما شاء الله وهى دى اللى كانت ماخره الحمل بامر الله...اتكلى على وخليه يعملها ان شاء الله

ربنا يرزقك بالذريه الصالحه يارب
انا للاسف زوجي عمل العمليه دي مرتين و الحمد لله النتيجه لمتتغير ابدا
و الدكتور قال صعب نعملها تاني لانها ممكن تؤدي الي لا قدر الله لضمور
فا انا ندمت جدا اني وافقت زوجي علي العمليه
و كنا ممكن من الاول نعمل اطفال انابيب بدل ما يعمل عمليتين من غير فايده
انا رأي انكم تستخيروا الله و ان شاء الله يدلكم علي الصواب

والله انا كمان نفس قصتك بــــــــــــــــــــــــــس الحمد لله ياريتنا ما عملتها
نتائجها وحشه اوي وانا دلوقتي صارلي متجوزة اربع سنين والتحليل
الحمد لله زفت بس ارادة الله فوق كل شي استخيري الله وربنا بينورك يارب
اسال الله ان يشفي زوجك ويرزقكم قادر على كل شي
ونعم بالله

شوفي يا ست الكل..عمليه الدوالي في دكاتره كتير مش بتشجعها ..لكن أنا هقولك من واقع اللي شفته..أنا أعرف حوالي 5 حالات كلهم ماشاء الله زوجاتهم حملوا طبيعي بعد عمليه الدوالي..وخليني أكلمك كلمتين ويارب متتضايقيش مني..زوجك العدد بطبيعته قليل يعني أذا عمل العمليه والوضع لاقدر الله أزداد سوء مش هيبقي ساء كتير...وعليه أظن أن قرار العمليه مناسب لأن في الوقت الحالي فرص الحمل بصوره طبيعيه قليله جدا "ولا يصعب شئ علي الله" ..وأخيرا أستخيري ربنا وتوكلي علي الله حق التوكل وأن شاء الله ربنا ييسرلك الخير بأذن الله...