السلام عليكم
اسعد الله اوقاتكم
اولاً وقبل تقرون موضوعي بالله اللي ما اعجبها الموضوع تقفل وتطلع بدون تجريح لأن والله ماني ناقصه
الموضوع بإختصار ان عندي خمس بنات الله يصلحهم ويحفظهم وانا وزوجي كلنا نتمنى الولد خاصة الحين ومع مرابطة زوجي عشان الحرب صرت افكر بشكل مستمر عن حالي انا وبناتي لو يصير لزوجي شي لا قدر الله وين اروح مع مين وبناتي مين يتحملهم ويقوم بشغلاتهم ووووو
والله معاد عرفت للنوم لذه خاصة ان اثنين من اعز زملائه ماتوا الحين
وقررنا اننا نسوي عملية فصل اجنه ولكن لما كلمنا الدكتور الليله قال ان نسبة النجاح 25 % وممكن تكون بنت فقلت بسألكم إذا وحده جربتها او أي طريقه وجالها ولد تعلمني واقسم بالله العظيم لأدعي لها كل ما تذكرتها ولن انساها
الله هو مسبب الأسباب ونحن نعمل بالأسباب وانا ادور الحين على سبب مع أقوى سبب وهو الدعاء والأستغفار
دلوني ارشدوني هل فيه طريقه اقدر اسويها عشان يجيني ولد
بنتي الصغيره عمرها 9 شهور واخاف احمل وتجيني بنت وبنتي باقي صغيره لكن لو جبت ولد ففرحته راح تنسيني كل هم وتعب
والله العظيم بناتي يبكون يبغون اخو وحده تقول كل زميلاتي في الفصل عندهم اخوان إلا انا قلت وش عرفك تقول انا أسألهم ياحظهم والله يوم قالتها واروح غرفتي ابكي وادعي ربي يرزقها أخو مني انا وغير هذا الموقف كثير لكن والله من البكاء ماني عارفه أيش انا قاعده اكتب
على فكره انا بكري ولد ومات في الشهر الخامس من الحمل وضرتي حملت سقطت قبل اسبوعين ولد في الشهر الرابع
وانا عندي سحر فهل ممكن يكون السحر له علاقه بموت الذكور
رد مع الاستدلال
كتبت بواسطة alyaa_shahine
الروابط المفضلة