السلام عليكم ورحمه الله وبركاته
مرحباا ياخواتي
راح احكيلكم قصه ولادتي ,, احس ان ذاك اليوم كانت مصارعه مو ولاده
ااااااااااااااااااه الحمد لله على تساهيلك يارب
طبعاا ,, يوم عرفه ,, نزل مني الله يكرمك (قطع دم مخاطيه )
انا مااعرف كيف تجي الولاده ,, لان بحملي ببنتي تنومت بالمستشفى 3 ايام وعطوني تحاميل و و و يعني هم هيجوو الرحم
فحاطه ببالي انوو راح يكون معاي نفس الشيء
المهم يوم عرفه ,, طلعت ع المستشفى اسعاف وقلبي يرجف خوف مو عارفه شيء كاني اول مره
وكان عندي موعد تنويم 2 يوم العيد ,, طبعاا واللي عارف قصه ( اللهم ) = لحم
رحت لللاسعاف وكشفوا علي ,, طبعاا ذاك اليوم الدكتوره المناوبه نفسيتهاا مو بس خايسه الا منتهيه وتعرفون وضع الحامل تبغى تعامل حلووو
كشفوا قالوا مفتوح 2 سم بس روحي للبيت واذا اشتد تعالي
رحت للبيت ومعاي الم ببطني فضيع .. عدا يوم العيد بنفس الشيء ,, الم وطلوق كل 5 دقائق
ثاني العيد طبعاا كان عندي تنويم ,, وتعرفون المستشفيات الحكومي الضغط عليهاا وانا كنت ابغى اولد فيه ,, واذا صار عندهم ضغط يحولونك على حسابهم لمستشفى خاص وانا ماكنت ابغى هالشيء
دقيت عليهم عشان التنويم ,, قالوا مافي سرير
دقي بعدين ,, وادق نفس الشيء مافي سرير
خلالالاص انا وقتهاا كنت بنجن
قال زوجي يالله هالاسعاف بس ,,
رحت ودخلت ,, وحظي كان كويس كشفت علي ممرضه (صينيه ) اول ماشافتني قالت يؤ انتي صغيره قالت وش اسوي ,, قالت بكريه قلت لا ,,
وجلست اسولف معه وقلت لهاا انا احب ( الصينين ) يوم شفت اسلوبهاا معي ,,
قالت لي تبغين تولدين هناا ,, ولا تبغين يحولونك ع مستشفى خاص
قلت لا لا ,, ابغى هناا
كشفت علي ,, لقت الرحم مفتوح بس 2 سم ,,
قالت شوي انا بفتحه لك زياده عشان مايحولونك ,, قلت طيب ,,
وجلست تفتح وتفتح وانا خلالالالالالالالالالالاص بموت الم
وفتحته 6 سم ,, تخيلوا ,, وكل هذا بيدهاا ,, وتضغط ع بطني من فوق ,, وانا خلاص بموووت الم
بعدين قالت لي ,, يالله غرفه ولاده ,,
طلعوني فوق وسوا الاجراءات والمغذيات والمسكنات و و و
وجلست اطلق والم والم
ولازال الرحم بس 6 سم
كلمووا الجراحه المناوبه في المستشفى ,, طبعاا اشك انهاا جراحه ,, شكلهاا تلعب العاب قوى
قالت لي افتحي وفتحت ,, وتخيلووا فتحت الرحم عندي بيدهاا 8 سم
شوي وقاموا يركضون الممرضات ويستعدون ويالله ويالله
خلاص انا جتني الولاده ,, وقمت اصرخ استغفر الله ,, من غير شعور
وحسيت كاني بحفله كل الممرضات فوق راسي ويقولون يالله يالله ,, والدكتوره تقولي ادعيه
وسبحان الله شوي وطلع
يالله يابنات يوووووووووووم طلع ,, كاني بحلم ,,
وكانوا بيتاكدون اني في وعيي ,, جلسوا يسالوني وش عندك من قبل ,, قلت بنت
قالوا يالله الحمد لله جاك ولد
وانا اصيح فرحه واقول اي اي الحمد لله ,,
والحمد لله طلع ولدي ( سعود ) بصحه وعافيه ,, مع ان وزنه اقل من اخته بس الحمد لله ع الصحه والعافيه
والله يرزق يارب كل محرومه او منتظره ياااااااااااااارب
الروابط المفضلة