السلام عليكم اخواتي الغزيزات
الموضوع اني كنت ارضع طفلي رضاعه طبيعيه الحمدلله
ومااعطيه الصناعي الا اذا اضطريت يعني اذا طلعت من البيت بس
المهم اني في هذي الاجازه سافرت مع زوجي
وقاللي لازم نخلي الاولاد بيت اهلي وماناخدهم
في البدايه مارضيت بس هوا كان يبغى كدا
وسافرت لمدة اسبوع وكان الحليب متعبني في صدري
وكنت انزله بشفاط الحليب..
ودحين رجعت واحس ان صدري ماعاد فيه حليب
قلبي يوجعني عليه يرضع بس يبكي لانو اظن انو ماينزل شي
بس لمن اعصره بيدي ينزل الحليب
قولولي ايش اسوي ..
الروابط المفضلة