اخواتى انا فى حيرة بعد ما فتحت ملف فى الجلاء علشان الحقن المجهرى دكتور الزكورة بتاع جوزى قال لنا بلاش الجلاء
ليه معرفش و نصحنا بابو الغار(المركز المصرى ) مع العلم بان تكاليف ابو الغار اعلى و هنجيبها بالعافية
بس طريقة تحزيره من الجلاء خوفتنى
قال باللفظ اسمعوا الكلام الجلاء لألألأ
مع العلم بان لو عملناها فى ابو الغار و لا قدر الله منجحتش ممكن منقدرش نجيب فلوس تانى علشان نعملها للمرة التانية
لان تكاليف الجلاء نص ابو الغار تقريبا
اعمل ايه
ردوا على بسرعة ايه الحل

صراحه ما في افيديكي كتير لانه ما بعرف
المركزين الي بتحكي عنهم بس انتي صلي الاستخارة
و استشيري اكتر من دكتور بالموضوع و الله يرزقك الذريه الصالحه انتي و اختي
و كل منتظرة يا رب

اختى الفاضله لا تأخذى راي
طبيب واحد بل اسالى اكثر من طبيب
وياريت تسالى من جربت الاثنين
وضعى فى اعتبارك ان هناك اطباء
ممكن يكون بينهم وبين بعض المستشفيات
او الاطباء خلافات فيحذروا المرضى بعدم الذهاب
او يكون هناك مصالح مشتركه كما يحدث عندما
يطلب الطبيب من المريض الذهاب لمعمل تحاليل
معين بحجة انه اصدق وادق او لمركز اشعه وغيره
فتاكدى اولا من موضوع مستشفى الجلاء طالما
ان تكاليف ابو الغار غاليه
وصلى استخاره قبل اى عمل تقومى به
وربك يختار لك الخير باذنه
تقبلى مرورى

اولا كل سنة وانتي طيبة والسنة الجاية تعيدي ممع البيبي
انا مقدرة حيرتك تماما وحاسة بقلقك
لكن للاسف انا ما اتعاملتش مع اي المركزين
لكن اسمع ان في ناس عملتها في الجلاء ونجحت
رأي انك تصلي استخارة وتستشيري دكتور تاني وان شاء الله البنات يفيدوكي
وطمنينا على اخبارك

انا جربت مركز ابو الغار هو ممتاز
بس انا معرفش اخبار امراض الذكوره ايه هناك
ربنا معاكي يوفقك يارب

انا تعرف ناس كتير عملوا الحقن فى الجلاء وماشاء الله ولادهم حواليهم الان وممتازة بمعنى الكلمه واسعارها فى متناول الجميع
وانا شخصيا عملتها فى المركز الاسلامى التابع لجامعه الازهر والتكاليف لم تتعدى ال5000 جننيه ونجحت الحمد لله من اول مرة وماشاء الله ابنى معايا اهوه
وبرده اعرف ناس كتير قوى قوى قوى عملوها فى ابو الغار وجنين وادم ولم تنجح ومنهم من نجحت ونفس العلاج والابر وكل حاجه كنت باخدها الفرق الوحيد بس انه مركز خاص وده حكومى

اولا واخيرا خلى ثقتك فى الله ولو ليكى نصيب فى الحمل فى اى مكان هتحملى فاستخيرى الله وباذن الله ربنا يقدملك ما فيه الخير

ولاى معلومات عن المركز اللى عملت فيه او اى استفسار اربعتيلى كل اسئلتك على الخاص وعنيا ليكى وربنا يرزقك الذريه الصالحه عاجلا غير اجل امين

حبيبتي ربك يقدر لك كل الخير
استخيري وربنا يدلك
بس فعلا متاخديش بكلام دكتور واحد لان غالبا والله اعلم بتبقى مصالح بين الدكاتره او نوع من الدعايه
وربنا يقدرلكم اللي فيه الخير يارب
وفي الاول وفي الاخر اعملي عند اللي قد امكانياتك وعلى راي المثل الشهير ههههه ليه تدفع اكتر لما ممكن تدفع اقل معلش انا والله مقدره حيرتك ومش باتريأ ولا حاجه بس بجد وللاسف الدكاتره دلوقتي بقوا تجار في كل حاجه الا من رحم ربي وانا باقولك الكلام عن تجربه وانا دكتوره وشايفه
والله اعلم اسمع ان الجلاء حكومي اه بس نسبة النجاح عاليه
وفي الاول والاخر لو ربنا كاتبلك حمل هتحملي بالغالي ولا الرخيص لان الموضوع موضوع موعد مقدر فيه الرزق وان شاء الله تحملي وتبشرينا احلى بشرى
بس انا رغيت كتيير بس اخر حاجه بالله عليكي ادعيلي ان ربنا يرزقني الحمل طبيعي انا لسه في اول الطريق ونفسي ماوصلش لموضوع الحقن والمراكز ده ومرعوبه منه
وربنا يديكي من فضله الواسع

شكرا على كل اللى ردوا على
انا خلاص قررت نعملها فى الجلاء
ربنا يستر
ادعولى و ياريت لو حد ليه تجربة فى مستشفى الجلاء يقوللى عليها

انشاء الله ربنا يكتببلك ويكتبلى الحمل انشاء الله

نشرة الاخبار
رحنا يا بنات يوم التلات مستشفى الجلاء
المهم
قلتلكم ان اخر تحليل لجوزى كان العدد فيه 600000 و ده اتعمل قبل التحليل اللى عملناه فى الجلاء ب 4 ايام و اللى كنا المفروض نشوف نتيجته يوم التلات
و لقد كانت المفاجاة و اللى سبحان الله كنا متوقعنها و لهذا جبنا معانا التحليل اللى فيه العدد 600000 و لقد كانت المفاجاة
الدكتور فى الجلاء قال ان التحليل نتيجته صفر
ليه بقى كنا متوقعين ان ممكن ده يحصل؟
لان الدكتور المرة اللى فاتت اكدلنا ان النتيجة هتبقى صفر من غير ما نعمل التحليل
و قالها فى تحدى تحبوا نعملكم دلوقتى التحليل
هيطلع صفر
طبعا هو لما قال كده مكنش لسة شاف التحليل ال600000
و طبعا مكنش متوقع ان احنا ممكن نعمل تحليل تانى بره قبلها ب 4 ايام
المهم دكتور الزكورة فى الجلاء لما شاف التحليلين قال لا يمكن يتغير التحليل فى 4 ايام من 600000 ل صفر و بالتالى قلناله ان احنا هنعمل تحليل تانى فى معمل تالت ليكون الحكم بين المعملين
و الغريبة تانى يوم لما قابلنا دكتور المركز قال لنا ان كلام دكتور الزكورة بتاع المركز غلط و ان ممكن العدد يتغير كده عادى فى 4 ايام
و طبعا ده يدل على ان اراء دكاترة المركز مختلفة و انهم مش شغالين بروح واحده
التضارب التانى بين اراءهم هو
الدكتور اللى اتحدانا فى نتيجة التحليل و قال انها هتكون صفر قال ان جوزى هيعملوله عينة من اتلخصية ببنج نصفى لان البنج الكلى خطر عليه لانه يعانى من السمنة
و لما سالنا دكتور الزكورة قال لا هنديله بنج كلى
و كمان عرفنا انهم سحبوا 29 بويضة من واحدة و ده قلقنا لانهم كده مبيحسبوش كمية المنشط اللى بيدوه لكل واحده
ده غير المعاملة السيئة الدكتور كان تقريبا بيشخط فى و بيقول لى يلله قررى هتعملى ايه انا مش فاضى فيه زحمة بره لمجرد انى سكتت ثانيتين بالضبط كنت بركز قبل ما اقول هبتدى معاهم ولا هاجلها
المهم احنا حجزنا عند ابو الغار مع الدكتورة رجاء منصور يوم 25 يناير
دعواتكم