سلام عليكم

كل سنة و انتم طيبين


تحليل زوجى بين ان العدد عنده 7 مليون فقط و مشاكل اخرى و عنده موعد عند دكتور مسالك بولية و ذكورة اروح معاه و لا عيب و لا اعمل ايه انا عايزة اشاركه كل حاجة و كمان دى خصوصيتنا اخاف لو اخوه او صديقه راح معاه و الدكتور يساله عن علاقتنا الخاصة

ولا ايه رايكم

هى الزيارة بتكون محرجة و الكشف ازاى ؟؟؟؟؟؟ حد من الاخوات عندها فكرة


جزاكم الله خيرا
ورزقنا الذرية الصالحة بحق رحمته و قدرته والايام المباركة يارب

انا من رايي أنه يروح لحاله
مش المفروض تروحي معاه !

الا اذا الطبيب بنفسه طلب منه انك تكوني موجودة لطرح بعض الأسئلة

وكمان مش ضروري أنه يروح معه حد تاني يعني مثل ما قلتي صديقه أو أخوه

المسأله ما تستاهل غلاتي

الله يرزقك بالذرية الصالحة الي تقر عينك وعين زوجك ..

انا رأيي انك متدخليش معاه عند الدكتور بس ممكن تروحي معاه العياده و تسبيه يدخل لواحده علشان لو احتاجوكي فى حاجه تبقي موجوده و بكده هتكوني جنبه و مشركاه

شوفي لو زوجك ملم بكل التفاصيل وذهنه حاضر"في رجاله لما بتروح للدكتور مش بيكون عندها الخلفيه المناسبه أنها تاخد وتدي فالكلام مع الدكتور مهما كانوا علي علم أحنا هنا بناخد خبرات من تبادل الأراء"" ومعندوش مشكله يروح لوحده خلاص سيبيه يروح لوحدهوهو الأفضل وأن كان لا يوجد مشكله أكتر من الأحساس بنوع من الحرج..
أنما لو كان يفضل حد يكون معاه يبقي الأولي تكوني أنتي..وربنا يوفقكم يارب ويرزقكم بالذريه الصالحه أن شاء الله

انا راييى مختلف
انا بروح مع جوزى كل مرة لدكتور الزكورة
و الدكتور متدين و ملتحى و بالرغم من كده بينبسط انى بكون مع جوزى و بنتكلم معاه بتلقائية عادى و كتير من الزوجات بتكون مع ازواجهم هناك
بالعكس ده جوزك يحس انك بتشاركيه
و كمان الزوجة بتبقى اكثر دقة من زوجها فى تنفيذ النصايح اللى هيقولهاله الدكتور و اللى لازم تسمعيها بودانك
و بالنسبة للكشف بيكون ورا برفان يعنى مفيش احراج من وجودك

واللله طمنتونى ان شاء الله هروح معاه
وشكرا على ردودكم

كتبت بواسطة نوناسيما

انا راييى مختلف
انا بروح مع جوزى كل مرة لدكتور الزكورة
و الدكتور متدين و ملتحى و بالرغم من كده بينبسط انى بكون مع جوزى و بنتكلم معاه بتلقائية عادى و كتير من الزوجات بتكون مع ازواجهم هناك
بالعكس ده جوزك يحس انك بتشاركيه
و كمان الزوجة بتبقى اكثر دقة من زوجها فى تنفيذ النصايح اللى هيقولهاله الدكتور و اللى لازم تسمعيها بودانك
و بالنسبة للكشف بيكون ورا برفان يعنى مفيش احراج من وجودك

ممكن تقوليلي يا اختى الكشف بيكون ازاى يعنى بيكشف عن الاعضاء الخاصة ؟؟؟؟

حبيبتي أيا كان الكشف بيكون ورا برافان زي عند دكتوره النساء..وعموما الدكتور بيعمل فحص ظاهري علشان لو في دوالي ..ومن المؤكد بيكون في كشف زي كشفك عند الطبيبه و أنتي طبعا فاهمه ..لكن مش لازم يكون كل مره لأن المتابعه بعد كده بتكون عن طريق التحاليل ونتيجتها..وبعدين متقلقيش الموضوع بسيط أن شاء الله حتي قله العدد مش مانع بأذن الله كل شئ وله علاج..

لو جوزك نفسه معندوش مشكله فى انك تروحى معاه
يبقى مفيش مانع انك تروحى بالعكس افضل عشان تبقى عارفه علاجه و تتابعى معاه لان اغلب الرجاله بيبقوا مش مهتمين او منتظمين فى اخد العلاج

انا كنت بروح مع جوزى دايما...والكشف بيبقى اول مره بس وبيبقى فى اوضة تانيه او ورا برفان...او على الاقل يا ستى انتى دورى وشك الناحيه التانيه

وبعد كدا متابعه بالتحاليل..وربنا يرزقك الذريه الصالحه يااارب

وما تروحي ليش ؟؟؟؟؟؟؟؟؟؟؟؟؟؟ظظ
ايش المانع ؟؟؟؟؟؟؟؟؟ظظ
الامر اولا واخيرا يرجع لتفاهمك مع زوجك !!!!
بما انو كان صريح معاكي وقلك على مشكلتكم !!!! لأنو في رجال كثير ما يكونوا صريحين ويخبوا على نسوانهم ويعتقدوا انو منقصة لرجولتهم
وبصراحة انا رحت مرة مع زوجي وكان عند الباب رصة رجال ولاكن دخلت معاه نبغى نعرف نتيجة تحليل الحيوانات المنوية
وهو بالعكس قالي تعالي معايا وانا ما صدقت
احرجني الدكتور نوعا ما الله يسامحه بس انا مو زعلانة
يعني قال لزوجي مين قال انو فيك عيب انت تقدر تجيب 50 طفل ما عندك مشكلة ابدا وخد هادا التقرير واللي يقلك شي دخلوا في عينوا - حسيت انو يقصدني بهادا الكلام فقلت له اكيد يادكتور ما عندي اي شك انا لاكن تحليل الرجل اسهل من المرأة وعشان لما ابدا خطوة في العلاج الا اقول للدكتورة انو المشكلة مني 100%
قام الدكتور قالي كلامك صح
المهم وفحص زوجي وراء ستارة لأنو كان عندو حرقان في البول االله يكرمك
واعتقد انو كده احسن لأنو حتى انتي لورحتي عند طبيب نساء مافيها شي لو هو راح معاكي
اسفة على الاطالة لاكنك ذكرتيني بالذي مضى
تحياتي