السلام عليكم يا احلى تجمع
قصة ولادتي وبعض الاخطاء ورنبا الي بستر الحمدلله ونشكر الله
اكيد من اول التاسع وانا عندي وجع يروح ويجي زي الدورة وكل يوم احكي
خلص رح اولد الليلة خصوصا انا هاد 3 طفل وبالعادة كنت بولد اول اسبوع
بالتاسع وفي هاد الحمل ولدت اخر اسبوع بالتاسع يعني النفسية كانت
زي الزفت المهم يوم الخميس 15-10اعطيت الشغلة اجازة ليوم الجمعة
الصبح على اساس عندي عزومة يوم الجمعة وخليت شغل البيت علي
ونظفت وغسلت الدجاج وغسلت وخلصت كل شغلي لحالي وطول فترة
التنظيف وانا احس بوجع بس مطنشة
وتصلت في جارتي الساعة9 مساء
حكتلي انزلي عندي تعرفي على صدقتي لبست لولاد ونزلت حكيت بنسى الوجع
وانا عندها كنت كتير تعبانة لدرجة الوجع يجي كل 5 دقائق واقل الكل حكالي
شكلك رح تولدي احكي مع زوجك وانا بحكي لا لا عادي لسه وعملتي جارتي قرفة
شربتها من هون والوجع يضرب بظهر وبطني وخلص مو قادرة طلعت حكيت مع
زوجي حكالي يلا نص ساعة بكون في البيت وفعلا بدا الجد وبديت احكي مع لولاد
انا بدي اروح اجيب البيي وعشيتهم ولبستهم بجماتهم وطلعت جارتي تنزلهم عندها
بنتي رضيت 4 سنين وابني ابدا صراخ وعياط 3سنوات تقريبا المهم جارتي حكتلي
خلص انا جاي معكم واخدنا حمودة معنا طلعنا12 من البيت المسافة نصف ساعة
للمستشفى طبعا الطلق شغال وانا اصرخ لانه كان متواصل من غير توقف
حسيت راس البيبي بين رجلي وزوجي اخد كل الرادارات وقطع اشارتين حمر
وصلنا المستشفى 12 ونص على طول على غرفة الولادة خلال 10 دقائق
كنت والدة ولاول مرة احس بجميع مراحل الولادة لانه بدون مسكن ولا بينج
على الطبيعة
يعني لو في حادث بالطريق او زحمة او اي شي وتأخرت 10 دقائق كان ولدت
بالسيارة
اخواتي اول ما تحسو بطلق منتظم ومتواصل ووجود اي لون شفاف قريب للاحمر
لا تستهينو في الموضوع
ربنا يتمم على الحمل للجميع ويرزق كل مشتهي ولا يحرم حد من نعمة الاطفال
الروابط المفضلة