بنتى عندها دلوقتى 11 سنة...من حوالى سنة بدأت تظهر عليها اعراض البلوغ المعروفة وهى دلوقتى طولها حوالى 164 سم وجسمها ماشاء الله مكتمل الانوثة..من حوالى 6 شهور حصل لها افرازات بنى وفيها دم خفيف وده كان لمدة يوم واحد وراحت...الشهر اللى فات حصل لها نفس الكلام بس كانت الافرازات دى اكتر شوية ولونها برضه بنى (عاملة زى الافرازات اللى بتسبق الدورة عندى) بس الموضوع ده استمر اسبوع وراحت برضه ,وبعدها بحوالى 10 ايام رجعت الافرازات دى بس كانت ساعات بتنزل معاها نقط دم خفيفة لونها فاتح بس مش دورة زى الكبار ...مجرد افرازات بسيطة....وعلى فكرة هى معندهاش اى مغص والافرازات دى مش بتسبب لها اى هرش او الم يعنى كل حاجة طبيعية بس مستمرة بقالها اسبوع دلوقتى ....هل ده معناه ان الدورة حاتبدا؟ والا ده شيئ مش طبيعى؟ اما محتارة لان الدورة عندى بدأت كلها على بعضها زى دورة الكبار لما كنت فى اعدادى...
انا اتصلت بالدكتورة بتاعتى قالت لى انى مش اقلق وده عادى ...بس عاوزة حد يكون مر بالموضوع ده او سمع عن حاجة زى كده علشان اطمن...
الروابط المفضلة