يلا نشجع بعض لمعالجة ضعف التبويض من الطبيعة كل واحدة تقول بتعمل اية
السلام عليكم و رحمة الله و بركاته
كيف الحال ان شاء الله مبسوطين
قبل ما أبدا في جدولي عايزة احكي حاجتين:
اول حاجة هي حالتي انا متزوجة من سنتين و 3 شهور و حصل حمل مرتين و للأسف مكملش الاتنين في الاسبوع التامن اللي بنشوف فيه نبض البيبي مش بنلاقيه و الدكتور يقول كيس الحمل فاضي مش عارفة بيختفوا في ظرووف غامضة
المهم باختصار انا عندي ضعف في التبويض شوية بس مش اوي لأني حاسة انو جالي بسبب الحالة النفسية المحبطه مع العلم اني اول مرة حملت بعد شهرين من الزواج و المرة التانية كان بعدها بسنة لما اخدت كلوميد بس انا دلوقتي كان بقالي 3 شهور باخد كلوميد و محصلش حمل و بصراحة قلت اريح جسمي و بالي شوية و اتوكل على الله و اهتم بأكلي و الرقية الشرعية و ربنا هو الرزاق قادر انه يرزقنا الاولاد من غير خربطة الدكاترة.....
الحاجة التانية ان قبل ما نبدأ لازم لازم لازم تكوني في بالك كذا حاجة (و دي خلاصة تجاربي و تفكيري) :
1- الرضا الرضا الرضا لأن لو احنا بقى عندنا تسخط على قدر الله قدرك هو قدرك و هتخدي سيئات و تلاقي الله يوم القيامة و انتي غير راضية عنه سبحانه و ذلك هو الخسران المبين يعني ولا خدتي اللي انتي عايزاه و اتبسطتى في الدنيا و لا خدتي ثواب و اتبسطتى في الاخرة
2- الصبر قال تعالى : انما يوفى الصابرون اجرهم بغير حساب و قال ايضا و جزاهم بما صبروا جنة و حريرا و دا مش من عندنا بس بيجي بالدعاء
3- الدعاء و التضرع لله بدون يأس و تحري اوقات الاجابة و قدمي بين يدي الدعاء عمل صالح و اعرفي اداب الدعاء و مفسداته و افاته عشان تدعي ربنا صح انصحك بأول فصل من كتاب الداء و الدواء لابن القيم رائع فعلا
4- الاستغفار كتييييييييييييير على قد ما تقدري و الرقية الشرعية و الرقية هتلاقوهها بسهولة على النت
5- اقرأي قصص اللي تبعث الامل في اللي اتأخروا زيك في الحمل و ربنا رزقهم من فضله عشان يزود عندك الثقة بالله و حسن الظن به و التوكل عليه علشان ممكن جدا بتسخطنا و سوء الظن بالله و عدم التوكل و كل امراض القلوب دي ربنا مايدكيش أولاد قال الله تعالى انا عند حسن ظن عبدي بي فليظن بي ما يشاء و كمان ما عند الله لا ينال الا بطاعته
اهم حاجة في الموضوع بقة الاستمرااااااااااااااااااااااااااااار و عدم اليأس خلى أعصابك هادية و اطردي عنك الوساوس و ربنا كريم رحيم يستحي ان يرفع اليه العبد يده فيردهم صفرا خائبتين
طولت عليكو كتيير بس الكلام اللي جاي مش هيجيب نتيجة من غير اللي قولتو فوق و الله المستعان
المنشطات الطبيعية اللي بدأت استعملها:
1-كل يوم كوب ينسون و كوب عصير عنب و كوب عصير أناناس و كوب لبن محلى بمعلقتيين عسل نحل وزعيهم على يومك
2- قللت جدا الحاجات اللي مش مفيدة بيبسى شيبسى حلويات و الهبل دا ملاينة بلاوي بالش منها أحسن
3-استغفار كل يوم الف مرة
4-الرقية الشرعية اقرأها على مايه و اشرب منها و على زيت زيتون و ادهن بيه اسفل البطن و الظهر و قبل ما انام اضع يدي اليمين على بطنى و أقرأها
5- قيام الليل ركعتين و أقرأ من سورة البقرة كل واحدة على قد ما تقدر
دا اللي انا بدأت بيه و الله المستعان ربنا يتقبل و يرزقنا الاستمرار
الحمد لله كما ينبغى لجلال وجهك و عظيم سلطانك اللهم صلي و سلم و بارك على سيدنا محمد و على اله و صحبه و سلم اللهم اني أسألك بأن لك الحمد لا اله الا انت الحنان المنان بديع السموات و الارض ياذا الجلال و الاكرام يا حي يا قيوم ان ترزقنا الذرية الصالحة المعافاه في دينها و في بدنها عاجلا غير اجلا و ان ترزقنا الرضا و التوكل و حسن الظن بك و ان تفرغ علينا صبرا و تثبت قلوبنا و تعينا على الاستمرار و عدم اليأس يا رحيم يا رحيم يا رحيم و صلى الله و سلم و بارك على سيدنا محمد و على اله و صحبه و سلم
السلام عليكم و رحمة الله و بركاته
رد مع الاستدلال
الروابط المفضلة