السلام عليكم زرحمة الله وبركاته
قصدة ولادتي .. واعتقد السبب .؟!
الحمدلله عندي 4 بنات وولد ( ماشاء الله تبارك الرحمن )
وبحملي هذا الاخير كنت اتمنى الولد لان ولدي عمره 7 سنوات ويشوف اصحابه معهم اخوانهم يلعبون مع بعض ويقولي ابى اخ لي
تمنيت اللي في بطني ولد لكن الله اعلم لنا من انفسنا اين الخير لنا ..
يوم كنت اراجع عند الدكتوره وقالت لي بنت والله ثم والله مازعلت
بس يمكن اني تمنيت الولد وكان همي الوحيد ان بنتي اللي ببطني تكون طيبه ويخير اهم شي والله
وكان حملي هذا ببنت ماعلمت احد اني حامل ببنت عشان بناتي وولدي لان البنات بعد كان نفسهم باخ الهم يقولون مو حلو ان الولد لحاله
حلو ان الاخ يكون له اخ يلعب معه ولاكبرو يتساندون ع الحياه مع بعض
لان انا اخوي كان وحيد امي وابوي
وولد اختي وحيد امه وابوه وشايفين كيف اللي يكون وحيد ماله اخوان
مادرو انه له الله
المهم ماعلمتهم نوع الجنين اللي ببطني < مسويتها الهم مفاجئه
ولكن في يوم من الايام قلت لولدي واش تبغاني اجيب بنت ولا ولد قال لا ابا يكون لي اخ << الحقيقه حز بخاطري
قلت وانا امك اللي يجي من الله حياه الله وانا اللي ببطني بنت << مابغاه اذا ولدت يتفاجأ واهم كانو يبون ولد اني جبت بنت
قال ليه ياماما بنت كمان < انا يوم قالي كذا حزنت وربي قلت يارب ان السونار يكون غلط ويكون اللي ببطني ولد مو عشاني والله عشان بناتي واخوهم
قلت ابشر وانا امك سنه واحمل واجيب لك الولد
< انت تريد وهذا يريد والله يفعل مايريد
وقلت لزوجي الحمله الجايه بنروح لدكتور ويحدد نوع الجنين ابي احمل بولد خلاص العمر راح والجسم انهد من الحمل
وزوجي ابد مو مقتنع بتحديد الجنين < وانا قبل الحمل الاخير سويت تحديد جنس الجنين عن طريق الغسول عند طبيب 3 مرات ولكن ربي ماراد احمل
واساسا ماكان راضي لروحتي للدكتور بس مع اصراري عليه وافق اني اسوي تحديد جنين بالغسول
وحملت هذا الحمل بدون مادري وبدون تدخل طبيب > > سبحان الله اذا اراد شيء قال له كن فايكون <<
وانا اقول لزوجي كل حين وحين اقول :
المهم الحمله الجايه بروح اسوي تحديد جنس الجنين والله لتروح معي
وكنت ناويه اني بعدين اقنعه انه يروح معي
المهم يوم ولادتي رحت المستشفى وكان عندي الرحم مفتوح 4 سانتي
والضغط كان شوي طالع المهم تمت الولاده بخير وكل شي تمام
انا قبل ماولد كنت اتكلم مع الممرضه < انتبهو من ذي النقطه وانت تولدين لاتتكلمين مع الممرضه
لانها الممرضه كانت تسال وانا اجاوبها
انت ايش نوع الجنين قلت بنت كم عندك بزوره ؟؟
الممرضه كانت متشوقه تجيب بنت تقول انا عندي اثنين ولد وابغا بنت بنت مره كويس وانا اقولها الله يعطيك ان شاء الله
< والعين حق
المهم شوي والى تقول الممرضه بعد ماولدت انا لازم نادي دكتوره تشوف دم ولاده
الصراحه خفت شوي
جت الدكتوره ومعها سسترات واهي تشوف الرحم الى معي نزيف
المهم كل شوي يجون ويضغطون بطني والنزيف مستمر
وجو مجموعه من دكاتره ودكتورات وقررو ان لازم الرحم يزال اذا استمر النزيف
قلت للدكتوره مادام نزيف سوو لي تنظيف قالت لي الرحم عندك مايستحمل لازم يزال اذا استمر النزيف
لان الاسلابات اثرت في الرحم > انا اسلبت قبل الحمله الاخيره 3 مرات <
واهم سالوني قبل كم بزوره في اسلاب يعني عندهم خبر
المهم جلست ادعي مع كل اذان مر علي بالمستشفى وارقي نفسي وادعي
واقسمت قلت يارب اني اذا طلعت من هالولاده بخير ورحمي ماازالوه اني خلاص ماعاد اروح احدد نوع جنين ولاشي
اللي يجي منك حياه الله وتووووبه يارب حتى اني فكرت حتى الغسولات اللي كنت اسويها ببكربونات الصوديوم لترجيح حمل بولد ماسويها راح احمل طبيعي وبدون شي
يارب انك تخلي لي رحمي ولايزيلونه عني .. وقعدت اتذكر ولدي وامنياته بااخ قلت ساعتها الحمدلله ان الله اعطاني هالولد والله يبلغني فيه ويخليه لي ويطول لي بعمره واشوفه عريس واشوف ذريته
لان كنت متخوفه من عملية ازالة الرحم وان بعدها خلاص ماعاد اقدر احمل .
المهم الدكنورات رايحين جاين يفغصون ببطني عشان النزيف وخلوني تحت المراقبه يوم كامل
وكانت الغذايات في يدي كل ماخلصت وحده حطو الثانيه تقول عشان اذا قررنا نسوي عكليه يكون ماخذين جميع الاحطياتات
والله صراحه تعب على الانسان انه يسمع الدكاتره وهم يقولون حالته قدامه وانه راح يزال الرحم ووووو < كانو يتكلمون بالعربي احيانا وانا اذني كانت معهم
وانا والله ساعتها غير ادعي واحصن نفسي وادعي دعاء الاستخاره والحمدلله ربي ماخيب رجااااي انه لطيف كريم
وكلمت الوالده انها تدعي لي لان تعرفون دعوة الوالده مستجابه
والحمدلله تمت الاحوال على مايرام والنزيف وقف ولكن جلست بالمستشفى يومين عشان الحاله تستقر عندي
وجاتني الدكتوره وقالت لي لاتحملين غير بعد 4 سنوات لان الحمل الحين في ضرر عليك
سبحان الله كنت قبل ناويه بعد سنه احمل . واروح اسوي تحديد جنس للجنين
ولكن قدر الله وماشاء كان
والحمدالله على نعمة البنات والاولاد كلهم نعمه من رب العالمين
والله يخليهم لي ويطرح البركه فيهم
ولو قدر الله لي الحمل وجبت بنت وربي راح افرح لان الله اعلم مني بما هو خير لي
ووالولد والبنت كلهم نعمه من الله
اهم شي الصحه واسلامه
اتمنى من الجميع ان يدعو لي ان الله يخليني لبناتي ويطرح البركه لي في البنات والولد ويطول باعمارهم وافرح بهم
والله يرزق كل محرومه بالذريه الصالحه اهم شي الصلاح
عضو نشيط
كتبت بواسطة Pure Angel
الف مبروك يا عسل .. وحمد الله بسلامتك وسلامة " ديمــــــــــا "
قصة ولادتي وكيف كانو بيزيلون الرحم عندي ولكن الحمدلله لطف بي
أعضاء قرؤوا هذا الموضوع: 0
رد مع الاستدلال
الروابط المفضلة