قصة ولادتي بـ ديمة كان اجمل يوم في حياتي أولا الدكتورة كانت مش بتقولي أي معلومة كل ما اسألها عن حاجة تقولي إنتي مالك فيه اقولها هولد امتى تقولي لما تحسي بالاعراض طيب اكلمك إزاي تقولي روحي المستشفى و هما هيوصلولي اصلها دكتورة كبيرة ومهمة عندنا في مصر و مش بتحب الإزعاج المهم كنت في أول التاسع بتمشى بس مش كتير لأن جوزي بيرجع متأخر من العمل و الدكتورة قالتلي اتمشى ساعة في اليوم و أنا كنت بمشي في صالة البيت رايحة جاية لمدة ساعة خلصت اول أسبوعين وخدت حاجاتي ورحت عند ماما علشان أروح للكوافير و انتظر الولادة كنت متخيلة إن لسة كتير على ما اولد و رحت ادور على كوافير و مافي فايدة وكان أول يوم أروح لماما قلت خلاص بكرة إن شاء الله وسبحان الله أصحى الساعة 8 و حاسة بالم الدورة بس الم بسيط و بادي كل 10 دقايق قلت أكيد حاجة عادي كنت بأعمل حاجات كانت ناقصة و الالم موجود كان اخواتي كلهم موجودين و 2 منهم دكاترة و قلتلهم ما كانوا مصدقين إني بولد ليه علشان مافي علامة نزلت و أنا وثقت في كلامهم لكن أختي لاحظت إن الالم منتظم كانت الساعة 4 كل 10 دقايق و هما بيضحكوا و ابويا خرج و أختي راحت عند صاحبتها بس أمي و أختي التانية قالوا نروح المستشفى نطمئن و خلاص و بيتحايلو على اخويا يقلهم لأ دي مش ممكن تكون بتولد أنا هقولكم هم ليه ما مصدقين لأن أنا متدلعة جدا جدا ما بستحمل التعب و كانوا خايفين مني مرضاش اولد أو استحمل الولادة لكن ربنا احن و ارحم و هون عليَّ الطلق المهم اخويا لبس بالعافية و حسيت مية نزلت مني و قلبي انخلع و ماما قلتلها ضحكت روحنا المستشفى و الدكتورة جت وقالت ولادة بعد الكشف عمللي حقنه شرجية و جهاز قياس نبض الببي و بعدين طلق صناعي و اكثر لحظة مؤلمة عند ثقب الماء لأن ما كان الماء اللي نزل هو ماء الطفل و بعدين الم لمده بسيطة و الساعة 6.5 نزلت اولد بيقولوا بوش أنا مش عارفة أعمل إيه و كلهم بيدوسوا في بطني و فجأة في عز الخوف فتحت لقيت نفسي حماتي جنبي و جوزي أصل الدكتورة بنجتني لكن أنا عملت حاجة وحشة قوي رفضت أشوف بنتي من كتر الخوف كنت خايفة أشوفها
الروابط المفضلة