السلام عليكم
ان شاء الله يقومو كل الحوامل بالسلامة ببدا بالقصة الاربعاء الماضي الساعة الواحدة الظهر نزل مني مي مع دم فزعت قلت لجوزي قام اتصل بالمشفى قالولو جيبها ولادة رحنا المشفى وصلنا الساعة 2 عملولي فحص لقوا الرحم فاتح واحد سم وطلع عندي جرثومة على باب الرحم وخافو توصل لجنين قالولي لازم نحطلك طلق صناعي وبالفعل حطولي على الساعة 2ونص الطلق للساعة 8 وانا ما عم احس بشي ويفحصوني رحمي مش عم يفتح قالتلي الدكتورة اذا ما مشي الحال بدنا نزود الطلق وما في عشر دقايق وبدا الطلق من الساعة تمانة ونص للساعة واحدة باليل وانا عم اطلق ورحمي ما فتح الا 2سم الساعة وحدة ونص ما عاد فيني اتحملت الوجع وصار معي كريزة قام جوزي طلبلي حكيم البنج وقال يعملولي ابرة ظهر وبالفعل حطولي الابرة ثواني واختفى الوجع وصارت الممرضةتجي كل ساعة تفحصني وتلاقي الرحم ما عم يفتح وهيك ضليت للساعة اربعة الصبح اجت الممرضة فحصتني لقت الرحم فاتح تمانة سم قالت ولادة وبدأ العذاب وصل الراس على الباب وبطلت بدها تنزل من الساعة اربعة للساعة خمسة ونص انا ادفش نزول وهي تسحب للخلف لحد ما نزلت عل خمسة ونص بعد ما طلعت روحي وزوجي حبيبي كل الوقت معي بالغرفة وبس نزلت قصلها حبل السرة وصدقووني بس حطولي البنت على صدري نسيت كل الوجع الله يرزق كل وحدة الحمل يا رب والله احساس رائع الامومة واليوم بنتي بطة عمرها 8ايام العمر كلو والله يخليلنااياها يارب
الروابط المفضلة