كيفكم اخواتي
مثل مابتعرفوا انا اعيش في بلاد الغربة وانا حاليا بتعالج عشان الحمل ومشكلتي هي ضعف التبويض
جارتي حكتلي عن دكتور كتير شاطر في فلسطين وانه زوجة خالها راحت عنده ومن اول شهر و بإذن الله طبعا حملت
اليوم انا اتصلت بالدكتور وشرحتله مشكلتي وهو كتير ريحني وحكالي انه ضعف التبويض مشكلة كتير بسيطة وحتى حكالي انه لاتعتبر مشكلة .المهم طلب مني اني ابعثله خصلة من شعري وطبعا مش من اي منطقة بالرأس لازم تكون من المنطقة اللي فوق العمود الفقري عند الرقبة يعني اخر منطقة في الرأس..طبعا انا استغربت كتير وسألته شو دخل الشعر بالعلاج وهو حكالي انهم بيعملوا دراسة وفحص على الشعر ومن خلاله بيعرفوا شو المشكلة بالضبط ..وبعدين اعطاني نظام غذائي اداوم عليه والنظام شوي صعب وهو انه امتنع عن الخبز الابيض ولازم خبز اسمر وامتنع عن الارز الابيض ولازم خبز اسمر وامتنع عن السكر الابيض ولازم سكر بني.ولازم امتنع عن البندورة والباذنجان والفلفل الحلو والذرة ولازم امتنع عن لحم البقر او اي شئ من البقر مثل اجبان وألبان اما اي نوع لحوم اخرى فهذا مسموح. ولازم استعمل زيت الزيتون وما استعمل اي نوع من الزيوت الاخرى وامتنع عن القهوة وعن زبدة المرجرين وعن التدخين(انا لا أدخن)
شو رأيكم بهذا الكلام وللامانة هذا الشخص ليس الطبيب نفسه وانما وكيله ولكن اكيد هذه المعلومات من الطبيب... وشو رأيكم نطبق النظام الغذائي مع بعض لمدة شهر يعني لشهر رمضان ونشوف شو بصير وعلى فكرة هو حكالي مافي داعي انه آخذ اي دواء لكن نصحني اني اخذ فيتامينات
اتمنى انه اقرأ ردودكم و آرائكم
الروابط المفضلة