انا ام لبنتين الله يحميهم يارب وعلشان اجيب الولد رحت عملت طفل انابيب وفكرت بشطارتي بجيب الولد ....الحمدلله تم الحمل ونبض وكبر واول الرابع الدكتور حكالي ما في نبض والجنين اساسا مشوه مع اني اخدت فوليك اسيد من قبل الحمل طلع الجنين بدون عظام جمجمة يعني لو كان ضل وانولد لايمكن يعيش اكثر من دقائق او ساعة بالكثير الحمدلله على كل شيئ ولدتو ميت ولادة عادية وكانت حسرة علي انا وابوه واحنا طالعين من المستشفى بكيس فيه الطفل ملفوف يا الله كم تألمنا وراح تعبنا واكيد عارفين انو طفل الانابيب عمليه متعبة ابر وسحب بويضات وارجاع وادوية تثبيت ,,,ومصاريف كثير كمان بس يارب الله يعوضنا يااااااااارب على اد ما انا مصدومة ومجروحة ومتألمة وانصح كل وحدة بدها تجيب ولد تدعي الله وبس وتتوكل على الله ولا تحاول تعمل انابيب لانو ربنا كاتب كل شيئ وافضل شيئ الدعاء
بس انا مستغربة ونفسي حد يفهمني انا كنت ادعي قبل الحمل كثير خصوصا (اللهم ارقني ولدا واجعله تقيا ذكيا ليس في خلقه زيادة او نقصان ) طيب ليش هيك صار معي معقول الله بيعاقبني ؟؟؟؟ والله دعيتو في خشوع وقرأت سورة ياسين 40 مرة انا تعبانة كثير ادعولي الله يعوضني يارب
الروابط المفضلة