بسم الله الرحمن الرحيم السلام عليكم ورحمة الله وبركاته يوم الأحد 28 لما صحيت الصبح لقيت دم مع مية نزلت علي فكلمت زوجي عشان يجي يأخدني المستشفى رغم ان مكانش في لا وجع قلت أروح اطمن احسن لما وصلت فحصني الدكتور وكان الرحم مفتوح 2 سنتم وعملولي تخطيط وكان فيه وجع منتظم بس مش حاسة بيه ومسكوني وبالليل بدأت احس بوجع كان كل 10 دقائق بس خفيف استمر طول الليل لغاية 6 الصبح النتظم وأصبح كل 4 دقائق وبعدين فحصتني الدكتورة وكان 3 سنتم وبعدين نمت ولما صحيت خلاص راح الوجع وبعد ساعتين رجع بس محتمل وكان كل 10 أو 8 دقائق لغاية الساعة 2 ونص بالليل النتضم الطلق وأصبح كل 3 دقائق كانت الطلق محتمل الحمد لله وكنت بستغفر ربنا وبتنفس كويس وخلاص وسعات كنت. بحس بالطلقة بس خفيفةولما فحصتني لقت الرحم اتفتح خلاص لما قلتل مكنتش مصدقة ان اتفتح وأ نا مفياش وجع جامد كان خفيف سبحان الله وبعدين فكت كيس المية وخدتني على غرفة الولادة وبدأت ادفع في الأول مكنتش بدفع كويس فألتلي أعمل ىايه عشان ادفع كويس وبعدين تلات دفعات وخرج يوسف على فكرةانا لما كانت بتجيني الطلقة بدفع ولما بتروح بقعد اتكلم انا و الدكتورة كانت لطيفة والله يا بنات انا لما ولدت مكنتش مصدقة نفسي اننا خلاص ولدت دأنا حتى لحضة خروج الرأس محستش بيها الحمد لله كانت ولادتي سهلة وميسرة سبحان الله لا حول ولا قوة إلا بالله ودي ولادتي التانية
رد مع الاستدلال
الروابط المفضلة