مرحبا
كيفكم؟؟؟
انا متزوجه من سنتين وحملت مره و اجهضت و لي 10 شهور و انا من دكتور لدكتور حتى اعرف شنو سبب تأخر الحمل
دكتور يقول سليمه و دكتور ماعندك تبويض و دكتور عندك تكيس و جرثومه في عنق
الرحم و علاجات و كشوفات و غير الخساره الماديه مثلكم عرف ان العيادات
النسائيه اسعارها ناااار
الى ان سمعت عن عيادات سمير عباس في الخبر
ورحت لها ودخلت على الدكتور المره الاولى طلب مني تحاليل و تصوير
وطلب من زوجي تحاليل دخلت مره ثانيه عرف المشكله بسرعه ماشاء الله عليه
قال لي يا اختي انتي سليمه تماما وكل شي اوكي وعندك تكيس بسيط بسبب
الابر المنشطه الي اخذتيها لكن ما تأثر على حملك و عطاني جلوكافج استخدمه
الى ان الله يكتب لي الحمل حتى لايكبر حجم التكيس
وقال الدكتور ان المشكله في زوجي الله يشفيه و يصبر قلبه وان ماراح احمل طبيعي حملي راح يكون بطفل انابيب
زوجي عنده عدد الحيوانات المنويه ممتاز جدا لكن حركتها صفر ومدري شنو قال
عنده صفر و شي ثالث عنده 3 يعني مره ضعيف وقال اتوقع ان عندك دوالي
وحولنا على دكتور العقم و الذكور و بعد الفحص قال ان زوجي عنده دوالي ولابد من
العمليه وزوجي رافض العمليه تماما وراح محل اعشاب واخذ علاج عن الدوالي
وقال له دكتور الاعشاب استمر على العلاج شهرين و ان شاء الله ماتحتاج لعمليه
ابغى اعرف اذا زوجي ماسوى العمليه و استمر على الاعشاب ممكن يشفى
و الله يرزقني با اطفال؟؟؟
بجد الخبر كان علينا مثل الصاعقه خاصه اني دائما اقول لزوجي انت سليم
لأن دائما يتردد ويقلق اذا دكتور طلب منه تحاليل خاصه ان سبق لي الحمل مره
واجهضت فحتى اشجعه اقول له انت سليم
احس حالي في حلم موحقيقه خاصة ان زوجي يقول لي خلاص روحي بيت اهلك
و ارسل لك ورقة طلاقك حراااام تعيشي معي حاولت افهمه ان هو اهم شي
عندي من الاطفال و ان مستحيل اتخلى عنه في ها المحنه لكن مدري وش نهاية
ها السالفه طول الوقت وهو بعيد عني ويحاول يقضي كل وقته خارج الشقه
و اليوم رايحين لدكتور ثاني حتى يجدد فحوصاته ويارب خير
ادري تكلمت كثير حبيت افضفض و تفيدوني انا ما ابغى احد من اهله او اهلي يدري حتى ماينظرو له بشفقه
اتمنى تفيدوني
الروابط المفضلة