السلام عليكم ورحمة الله وبركاته
اخواتي انا عضوه جديده في هذا المنتدى واتمنى اكون صديقه لكل بنات المنتدى
انا باحكيلكم قصتي مع الحمل وتأخره وياليت تفيدوني وتنصحوني
بعد ماتزوجت بتسعة شهور حملت بس ماحملت الابعد مااخذت حبوب الكلوميد شهر واحد وحملت والحمد لله جبت بنت
بعدها بتسعة شهور حملت بدون كلوميد والحمدلله جبت ولد
بعدها ركبت لولب لمدة سنه ونصف وبعدها شلته وحملت ببنتي الصغيره
بس بعد الولاده كرهت الحمل كثير
المهم استخدمت حبوب ميرفيلون لمنع الحمل لمدة سنتين
وبعدها تركت الحبوب وركبت لولب لمدة ثلاث سنين
يعني وقفت الحمل خمس سنوات
يابنات وفجأه تمنيت طفل صغير انا وزوجي الله يحفظه ورحت شلت اللولب
وفرحانه على بالي بأحمل الشهر اللي بعده
ويافرحه ماتمت
طلع عندي الهرمون مرتفع والمبايض نايمه غير نشطه والتصاقات في احد قناتي فالوب
والله يابنات راجعت المستشفيات والمستوصفات شلت الاتصاقات بأشعة الصبغه
واستخدمت الكلوميد وابر التفجير شهور كثيره والهرمون مره يرتفع ومره ماادري
والله عجزت يابنات وكرهت نفسي وندمت على السنوات اللي راحت
صارلي ثلاث سنوات وانا من مستشفى لمسشفى
اخر مستشفى رحتله قالتلي الدكتوره عندي الرحم على شكل قلب وهي مستغربه كيف انجبت ثلاثه اطفال
تركت المستشفيات ورحت اليوم عند وحده تعالج العين والسحر وتقرا على اللي تبي تحمل
قرت علي وقالت لي باعطيك عشبه تنظف الرحم وتنشط المبايض وتعدل الهرمون
وسوتلي حجامه بالهوا على جانبي الرحم
وقالتلي استخدميها لحد ايام التبويض واتركيها
بديت استغفر كثير واقرى سورة البقره في الثلث الاخير من الليل
واتمنى من ربي انه يكتب لي حمل على يدها
ادعولي احمل هذا الشهر
ومين صارلها مثلي ياليت تعطوني تجاربكم
رد مع الاستدلال
الروابط المفضلة