السلام عليكم ..

بنات انا من دخلت التاسع وانا احس بهبوط وكسل و وهن بجسمي مو طبيعي احيانا احس ضغطي مرتفع او نازل والله ما ادري واحس بالحر حتى لو كنت قاعده تحت المكيف واحس بزغلله بعيوني وعدم اتضاح بالرؤيه وودي بس انسدح ولا اتحرك لدرجة اني احس بضيق فالنفس بعض الاحيان الحمدلله حركة الجنين طبيعيه بس انا خايفه كثير والدكتور الله يهديه كل ما نتصل عليه ما يرد حد صارلها مثلي وكيف اتصرف بالله عليكم ساعدوني تكفون الله يجزاكم الجنه

حبيبتي الله يهديك ويصلحك الضغط سواء مرتفع او نازل مو زين
لازم تروحي المستشفى وتقيسي الضغط ماينفع تلفون
وبالنسبه للهبوط احتمال يكون جاك سكر حمل الله لايقدر راااجعي بأقرب وقت
الله يسهلك ولادتك
والف سلاااامه عليك

دلوعة الله يجزاك خير يالغاليه ويحقق لك كل امانيك
بارك الله فيك...

روحي الدكتور احسن و خليه يقيس ضغطك و اتطمني

ربنا يقومك بالسلامة ان شاء الله

بارك الله فيك اختي الغاليه ام البنين

عزيزتي لازم تراجعي الدكتور
وخصوصا انك فالتاسع
وان شاءالله ربنا يتملك على خير

جزاك الله خير اختي ان شاء الله لاوم اروح للدكتور

لازم تروحي على الدكتور
والف سلامة لكي

ان شاء الله الله يجزاك الجنه غاليتي

اختي لازم تروحي للدكتور فورا
ممكن لا قدر الله ضغط الدم عندك مرتفع و مو كويس عليك و لا على البيبي ربنا يحفظكم الاثنين
لا تتهاوني حبيبتي لا تقولي انت خلص قربت تولدي ما فيه داعي الدكتور ...بالعكس خصوصا لو الضغط مرتفع
وابقي طمنينا عليك