بسم الله الرحمن الرحيم
انا كنت حامل والحمد لله ربنا ماقدرش ان حملى يكمل نزل بعد شهرين واسبوع
الكلام ده حصل من شهر ونص
والدوره لسه ماجتش
وانا اصلا دورتى ماكنتش منظمه
وحاسه باعراض خفيفه للحمل زى الحمل اللى فاتت
بس مش عايزه اعمل تحليل او اى حاجه عشان مابقاش مضايقه لو ظهرت النتيجه سلبيه
وكمان بقالى كام يوم بييجى ليا وجع فى اسفل بطنى مكان الرحم بعد الجماع
مش عارفه ياريت تساعدونى اعمل ايه

أهلا غلاتي

لازم تحللين والله يعوضك عن جنينك الي فات

التحليل راح يبين لك اذا حامل على شان تاخذين احتياطاتك وتاخذين بالك من نفسك

طمنينا عنك ..

ربنا يعوضك يارب تكوني حامل
على فكرة امي حصلها متلك اجهضت في شهرين وبعدها مجاتش الدورة وطلعت حامل وجابت بنوتةقمر الله يحميها
ان شاء الله تكوني متلها

حبيبتي الدورة بتيجي بعد الإجهاض من 30 إلى 40 يوم فإذا كنت عديتي 40 يوم يبقى ممكن إن شاء الله تكوني حامل
إعملي تحليل أفضل علشان تطمني

لازم تعملي تحليل حمل حبيبتي
انشاءالله تكوني حامل يارب

ان شاء الله تكوني حامل

أنا بعد اجهاضي ظليت 45 يوم بس مو أكتر
يا رب يكتبلك الحمل السليم ويفرح قلبك فيه ويكون ثابت سليم معافى ويثبته لك يا رب

حبيبتى الاجهاض بيبقى بعده اربعين واذا ما طلعتى حامل اوعى تزعلى لان علميا الافضل انك تنتظرى شهرين على الاقل وده بيكون افضل ليكى ولحملك وربنا يكرمك عاجل ليس اجل بحمل سليم معافى ان شاء الله ويقر عينك بشوفة جنينك

شكرا ليكم كلكم يا جماعه على ردودكم وتفاعلكم معايا
بس انا الحمد لله ربنا ما ارادش ان يكون فى حمل الشهر ده
الدوره نزلت عليا النهارده
والحمد لله انا مش زعلانه ده رزق من عند ربنا واكيد خير ليا
بس انا مش عارفه ابتدى اخد كلوميد ولا لا
انا لو رحت للدكتوره هاتقولى خديه
وبصراحه باخاف من المنشطات والحاجات دى
ربنا يهدينا للى فيه الخير يارب
والف شكر ليكم كلكم مره تانيه

أختي منايا جربي بعد الدورة اشربي ميرمية بيقولوا بتنشط الاباضة وأنا جربتها طعمها حلو مع الشاي وكلي ملعقة عسل ( أو ذوبيها بالماء ) كل يوم على الريق .
بس لا تكتري من الميرمية لأن كل شيء زاد عن حده انقلب ضده خدي باليوم ورقتين أو تلاتة أو ثلاث أرباع ملعقة صغيرة إذا مطحونة .
وكمان عصير الأناناس بيقوي الاباضة عن تجربة لوحدة بعرفها .
يعني لوقت تقرري تروحي دكتورة وتشوفي هتعطيك ايه ؟ .
ربي يبارك فيك ويرزقك حمل ويثبته لك وييسره عليك يا رب .